Jɛnesis 3:12 - EBƆRƐ BE KAWƆL

¹² Nɛ enyɛn na kaŋɛ: “Eche mo nɛ fo ta n wɔtɔ ŋ kutɔ nfe na e sa ma kedibi na be kusɔrso nɛ n ji.”

Jɛnesis 3:12 ပူးပေါင်းရင်းမြစ်များ

Jɛnesis 2:18

Kede be kaman nɛ Enyɛnpe Ebɔrɛ kaŋɛ: “K maŋ daga fanɛ enyɛn na nawule e baa wɔtɔ. Meeŋ pɔr echɛtopo nɛ e beeŋ kukwe mo n sa mo.”

Jɛnesis 2:20

Ndoŋ nna nɛ enyɛn na sa n sa asɔyigeso kikɛ nɛ mbuibi kikɛ nɛ kupuŋ to be asɔbɔya kikɛ amo be atre. Ama echɛtopo nɛ e daa beeŋ kukwe mo ere kanyɛn na bre gbagba, daa maŋ wɔ asɔ na to.

Jɛnesis 2:22

Kumo be kaman nɛ Enyɛnpe Ebɔrɛ ta kekentibi nɛ e lara enyɛn na to na n wora eche nseŋ ta mo m ba sa enyɛn na.

Jɛnesis 3:11

Ndoŋ nna nɛ Enyɛnpe Ebɔrɛ bishi mo: “Wanɛ e kaŋɛ fo fanɛ fo maŋ dela shɛŋ? Fo ji kedibi mo nɛ ŋ kaŋɛ fo sa maŋ ji kumo be asɔrso na nna a?”

Job be kawɔl 31:33

Basa ko bee ta bumo be alubi a ŋana nna, ama nɛ ma ere wora kulubi m maaŋ ta kumo ŋ ŋana kikɛ.

Aŋasa 19:3

Kawuli e naa yɛr basa ko tɔrɔ to nɛ baa pɔlɔ Enyɛnpe Ebɔrɛ.

Aŋasa 28:13

Esa kama nɛ e bee ta mbe alubi a ŋana maaŋ yɔ anishito kikɛ, ama Ebɔrɛ beeŋ wu esa nɛ e bee bugi to a kaŋɛ mbe alubi nsaa tuba a lar amo to bre kuwɔr.

Luuk 10:29

Ama mbraŋinipo na daa sha na fanɛ e malga n lar nseŋ kpal loŋ so m bishi Yesu: “Esa mo e la m barkasa?”

Romebi 10:3

Ŋkpal manɛ so, b maa pin ekpa nɛ Ebɔrɛ bee sha fanɛ b bɔla so na to nɛ bumo nɛ mo e nyalɛ nsaa wɔtɔ a bɔla bumo gbagba be aworbi be ekpaana so. Loŋ malɛ e naa ŋini fanɛ b maŋ ta bumo be amu m bɔɔ Ebɔrɛ enɔ nɛ e shin nɛ mo nɛ bumo e nyalɛ.

1 Samuɛl 15:15

Nɛ Sɔɔl kaŋɛ: “Ma benapo na e sɔ bumo ashi Amalɛkebi na kutɔ. B ta ana nɛ mbolpɔ duliduli na kikɛ nna nɛ b ya lara sarga n sa Eyɛnpe fo Ebɔrɛ na. Ama an mur amo nɛ a ka na bre kikɛ.”