Jɛnesis 3:10 - EBƆRƐ BE KAWƆL

¹⁰ Nɛ enyɛn na shuli ŋ kaŋɛ: “N nu fo ka na kudɔbi na to nna nɛ kufu pɛ ma ŋkpal ŋ ka maŋ dela shɛŋ so, amoso nɛ n ya ŋana.”

Jɛnesis 3:10 ပူးပေါင်းရင်းမြစ်များ

Jɛnesis 2:25

Enyɛn na nɛ mbe eche kikɛ daŋ baa wɔtɔ kayurkpaŋ nna, ama anishinyɔr malɛ daa maŋ kɔ bumo.

Jɛnesis 3:11

Ndoŋ nna nɛ Enyɛnpe Ebɔrɛ bishi mo: “Wanɛ e kaŋɛ fo fanɛ fo maŋ dela shɛŋ? Fo ji kedibi mo nɛ ŋ kaŋɛ fo sa maŋ ji kumo be asɔrso na nna a?”

Jɛnesis 3:7

B ka ji kusɔrso na nɛ bumo benyɔ kikɛ be anishi bugi nɛ b pin fanɛ b na kayurkpaŋ nna. Ndoŋ nna nɛ b chuge kedibi nɛ baa tre figi na be afantaŋ m ba m mata abar n dela.

Job be kawɔl 23:15

Amoso nɛ mbe asheŋ bee keta ma kufu ga na. M baŋ fɛ ade kikɛ be asheŋ, kufugboŋ bee pɛ ma nna nɛ m baa chicha.

Job be kawɔl 31:33

Basa ko bee ta bumo be alubi a ŋana nna, ama nɛ ma ere wora kulubi m maaŋ ta kumo ŋ ŋana kikɛ.

Nshɛ 119:120

Ŋkpal kananɛ fo demuji be mbraana du so, kufu bee pɛ ma nna nɛ mee chicha.

Ɛksodɔs 20:18

Basa na ka daŋ wu bɔrɛ ka nyɛkpɛ m ponte nɛ kabel ponte awɔrso nɛ b wu edishi ka sɔ kebeegboŋ na kikɛ so na nɛ kufu pɛ bumo nɛ b chicha kufuso nseŋ bɛta n yɔ kufɔ n ya yili.

Ɛksodɔs 20:19

Kumo be kaman nɛ b kaŋɛ Mosis le: “Nɛ fo ere gbagba malga anyi kutɔ, anyeeŋ nu, ama Ebɔrɛ bre malga anyi kutɔ, anyeeŋ wu.”

Ɛksodɔs 3:6

Ma e la fo tutoana, Eebraham nɛ Aizek nɛ Jeekɔb be Ebɔrɛ na.” Ndoŋ nna nɛ Mosis kurgi kumu n yuu to, ŋkpal e ka daa ŋana kekeni Ebɔrɛ na so.

Ɛksodɔs 32:25

Ndoŋ nna nɛ Mosis wu fanɛ Ɛɛrɔn e shin nɛ basa na nya bumo be aparsheŋ nseŋ ta bumo be amu n wora jenfembi ashi bumo doŋana be anishito.

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Aizaaya 47:3

Basa beeŋ wu men be kesaria nseŋ wu kananɛ men ba kaseto n ji anishinyɔr. Meeŋ gberge Babilɔn be basa kikɛ kusoe ŋkpal bumo be alubi so, nɛ esa kikɛ maaŋ tiŋ ŋ kuŋ ma ekpa.”

Aizaaya 57:11

Ade be kaman nɛ Enyɛnpe Ebɔrɛ na bishi le: “Nuso be agbir e shin nɛ kufu pɛ menyi, nɛ men kpal amo so a ku efɛ nseŋ teŋ ma so kuraa loŋ? Ŋkpal ŋ ka wora shruum n chɛr so nɛ men yige kebaabunyaŋ ma ere a?

Ditɛronɔmi 5:25

Ama anyi maa sha kewora ewɔji nɛ edɛ gboŋgboŋi ere e mɔ anyi. An baa nyi geeŋ fanɛ nɛ Enyɛnpe, anyi be Ebɔrɛ na kraa malga anyi kutɔ, anyeeŋ wu.

1 Jɔn 3:20

Anyi alɛ beeŋ tiŋ n wora ade kikɛ nna, ŋkpal manɛ so, Ebɔrɛ e chɔ anyi be ŋgbene, mo alɛ nseŋ naa nyi kusɔ kama.

Kelaraŋŋini 16:15

“Men nu nfe, meeŋ ba menyi to fanɛ eyu. Kagbenefuli baa la ekama nɛ e maa di, mo alɛ nsaa kɔ mbe asɔbuuso to na peya nna, saŋɛ na so, e maaŋ delge so n nite nɛ anishinyɔr e pɛ mo.”