Jɛnesis 29:3 - EBƆRƐ BE KAWƆL

³ Mbolpɔkpapo ko daa jo nna nɛ bumo braana kikɛ e gama pɔɛŋ nɛ b gbelti loŋ be kejembu na ashi to nseŋ jɔ nchu n sa bumo be mbolpɔ. Kumo be kaman nɛ b naŋ gbelti kejembu na m buu ketirbu na so.

Jɛnesis 29:3 ပူးပေါင်းရင်းမြစ်များ

Jɛnesis 29:2

E ka bee yɔ nɛ e ya tu ketirbu ko kudɔsawule ko so nɛ mbolpɔ dese kumo ase ntuŋsaso, ŋkpal manɛ so, ketirbu na to nɛ b daa jɔ nchu a sa bumo. Kejembu gboŋgboŋi ko malɛ nɛ b daŋ ta m buu ketirbu na be kɔnɔ so.

Jɛnesis 29:4

Jeekɔb ka fo ndoŋ nseŋ wu mbolpɔkpapoana na nɛ e bishi bumo: “Ŋkurgepoana, nnɛ nɛ men shi?” Nɛ b kaŋɛ mo fanɛ b shi Haran nna.

Jɛnesis 29:8

Nɛ b kaŋɛ mo: “Anyi maaŋ tiŋ n wora shɛŋ ama an braana kikɛ gama nna nɛ an gbelti kejembu ere ashi to pɔɛŋ nseŋ nya n jɔ nchu n sa anyi be asɔbɔya.”

Ɛksodɔs 2:17

Ndoŋ nna nɛ asɔbɔyakpapoana ko ba kaa ju Jetro be mbichesobi na. Nɛ Mosis koso n ya mɔlga mbichesobi na nseŋ chɛ bumo to n jɔ nchu n sa bumo be asɔbɔya na.

Sɔlɔmɔn 4:12

N sipoche nɛ ŋ jipo, fo du fanɛ kudɔbi nɛ b pɔr egbal ŋ kulti nna ŋko kebuye nɛ b ti so n yili n na.

Demujipoana 5:11

basa nɛ baa boŋ nshɛ atirbu ase na be ebɔl; baa kute Enyɛnpe Ebɔrɛ na be kekɔmpɔɔso be asheŋ nna, nsaa kaŋɛ Israɛl be basa ka kɔ m pɔɔ so be asheŋ! Enyɛnpe Ebɔrɛ na be basa bɛ abar so nna n yɔ bumo be ndegboŋana be mbuna ase.