Jɛnesis 29:18 - EBƆRƐ BE KAWƆL

¹⁸ Amoso Jeekɔb be kagbene daŋ pɛ Reechel nna nɛ e kaŋɛ Leeban le: “Meeŋ shuŋ nfɛnshunu n sa fo nɛ fo ta fo pibiche kekarkarso Reechel n sa ma.”

Jɛnesis 29:18 ပူးပေါင်းရင်းမြစ်များ

Hoziya 12:12

An nananyɛn Jeekɔb daŋ shile nna n yɔ Mɛsopoteemia be efuli so n ya ka keni kanyɛn ko be mbolpɔ so pɔɛŋ nseŋ nya eche.

Jɛnesis 34:12

Men ku kebia na be keshaji be kukɔ nɛ kakɛ nɛ meeŋ sa kanaŋkamaso nɛ menyee sha. Kusɔ kama nɛ men yili ma, meeŋ wora. Menyi ere e ta kebichebi na n sa ma nɛ n ta mo ŋ ki ma eche bre de.”

Hoziya 3:2

Amoso gbiti be ndarbi kuduanu nɛ ayu kilo kalfa nɛ adunu nɛ n daŋ ta ŋ ka mbe kukɔ.

2 Samuɛl 3:14

Kede be kaman nɛ Deevid shuŋi mbɔ Ishboshɛf kutɔ fanɛ b ya kaŋɛ mo le: “Men shin nɛ ma eche Mikaal e laŋɛ m ba ŋ kutɔ, ŋkpal manɛ so, Filistiebi be basa kalfa nɛ m mɔ pɔɛŋ nseŋ nya mo n ta.”

Jɛnesis 31:41

Le be kebaawɔtɔ ere to nɛ n daa wɔ fo laŋ to loŋ nfɛ adunyɔ. Nfɛ kuduana nɛ n shuŋ n sa fo pɔɛŋ nseŋ nya fo bibichesobi anyɔ ere n ta. Nfɛnshe malɛ nɛ n shuŋ ŋ keni fo asɔbɔya so n sa fo, ama amo nɛ amo kikɛ fo chɛrga ma kakɔka ale kudu.

Jɛnesis 29:30

Jeekɔb nɛ Reechel ka di keche nɛ kenyɛn nɛ Jeekɔb sha Reechel a chɔ Lia. Kede be kaman nɛ Jeekɔb naŋ shuŋ nfɛnshunu n sa Leeban.

Jɛnesis 29:20

Amoso nfɛnshunu nɛ Jeekɔb daŋ shuŋ ŋkpal Reechel so, ama nfɛnshunu na daa du fanɛ nchɛ gbrɛbi ko nna ŋkpal kasha nɛ e daa kɔ n sa Reechel na so.

Jɛnesis 24:67

Kubɔya na be kaman nɛ Aizek keta Rebɛka m ba wajɛbu nɛ mo nio Sɛɛra daa wɔtɔ na to m ba ta mo ŋ ki mbe eche. Rebɛka ka ba ki Aizek be eche na Aizek daa sha mo ga nɛ kumo be loŋ shin nɛ mo nio be luwu be ebesa nɛ k daa kɔ mo na lar nɛ kagbene wushi mo.

Jɛnesis 29:19

Nɛ Leeban kaŋɛ mo: “Kumo ere, baa wɔ ŋ kutɔ nfe a shuŋ, ŋkpal manɛ so, ŋ ka ta mo n sa fo bɔ ŋ ka ta mo n sa enyɛn pɔtɛ.”

Jɛnesis 30:26

Ta ma, ma beche nɛ mbia nɛ n shuŋ fo n nya na n sa ma nɛ n ta a yɔ. Fo alɛ gba nyi kushuŋ mo nɛ n shuŋ n sa fo.”