Jɛnesis 29:1 - EBƆRƐ BE KAWƆL

¹ Jeekɔb ka lar Bɛtɛl nɛ e ta kumu n sɔ epeŋipetekpa be kaba so ebi be efuli so.

Jɛnesis 29:1 ပူးပေါင်းရင်းမြစ်များ

Jɛnesis 24:10

Kede be kaman nɛ kayɛrbi na lara mo nyɛnpe be enyɔma kudu nseŋ ta ŋkɛ lela be yiri yiri ashi mo nyɛnpe kutɔ m pɛ ekpa a yɔ Nahɔɔ be kade nɛ k wɔ Mɛsopoteemia na.

Jɛnesis 25:20

Aizek malɛ daŋ ji nfɛ adena nna pɔɛŋ nseŋ ta Rebɛka nɛ mo tuto daa la Bɛtuwɛl, Mɛsopoteemia be esa na. Rebɛka mo siponyɛn malɛ e daa la Leeban.

Jɛnesis 25:6

Ama e ka daa wɔ ŋkpa to na e daŋ kɛ mo jipocheana be mbia na asɔ nna pɔɛŋ nseŋ n shin nɛ b lar Aizek kutɔ n ya ka wɔ epeŋipetekpa.

Jɛnesis 35:1

Asheŋ ere kikɛ be kaman nɛ Ebɔrɛ kaŋɛ Jeekɔb: “Bɛta n ya chena Bɛtɛl nseŋ yuu bɔrɛsure ndoŋ n sa Ebɔrɛ nɛ e daŋ lara mbe kumu ŋ ŋini fo saŋɛ nɛ fo daa shile a ŋana fo da Isɔɔ so na.”

Jɛnesis 35:7

Nɛ Jeekɔb pɔr bɔrɛsure ndoŋ n sa Ebɔrɛ nseŋ tre kaboŋ na Ɛl Bɛtɛl, ŋkpal manɛ so, ndoŋ nɛ Ebɔrɛ daŋ lara mbe kumu ŋ ŋini mo saŋɛ nɛ e daa shile a ŋana mo da Isɔɔ so na.

1 Bewura 4:30

Ewura Sɔlɔmɔn daa kɔ kanyiasheŋ a chɔ epeŋilarkpa be kaba so be benyiashempo nɛ Ijipt be efuli so be benyiashempo kikɛ.

Nshɛ 119:32

N wora shiriya kenishipereso nna nɛ ŋ wora fo mbraana kasonu, ŋkpal manɛ so, feeŋ chɛ ma to nɛ n nya kepinto n ti so.

Nshɛ 119:60

Meeŋ baa nya manaŋ a wora fo mbraana kasonu.

Kaŋinichiŋgeliŋ 9:7

Baa ji a nuu kagbenefuliso! Kusɔ nɛ Ebɔrɛ yili dra kikɛ fanɛ fo baa wora nna na.

Hoziya 12:12

An nananyɛn Jeekɔb daŋ shile nna n yɔ Mɛsopoteemia be efuli so n ya ka keni kanyɛn ko be mbolpɔ so pɔɛŋ nseŋ nya eche.

Nɔmbɛs 23:7

Ndoŋ nna nɛ Balaam kaŋɛ: “Mowab be ewura Balak e bar ma ashi Siriya nɛ k wɔ abee be efuli so na fanɛ m ba sho Israɛlebi kɔnɔ n shin nɛ b mur.

Demujipoana 6:3

Jemanɛ kikɛ nɛ Israɛlebi na baŋ ya dɔ n duu bumo be adɔjibi, Midianebi nɛ Amalɛkebi nɛ basa nɛ b wɔ keshishɛrsawule be epeŋilarkpa be kaba so na, bee ba nna m ba kaa kɔ bumo.

Demujipoana 6:33

Midianebi nɛ Amalɛkebi nɛ basa nɛ b shi epeŋilarkpa be kaba so na kikɛ daŋ ba abar so nna m ba far Jɔɔdan be lɔr na n dii nseŋ ba yuu bumo be abuu ashi Jizreel be Ketaŋɛ to n chena.

Demujipoana 7:12

Midianebi nɛ Amalɛkebi nɛ eyiri nɛ b shi epeŋilarkpa na kikɛ daŋ pesaŋ to nna n sɔ ketaŋɛ na to kikɛ fanɛ elotɔr ka gama abar so na. Enyɔma nɛ b daa kɔ ndoŋ na be keshi daa du fanɛ teku ase be shishɛr nna.

Demujipoana 8:10

Le be jemanɛ ere nɛ Zeba nɛ Zalmuna nɛ bumo be benapo ŋgboŋ kuduanu wɔ kaboŋ ko nɛ baa tre ndoŋ Kakɔɔ na. Benapo nɛ b daŋ ka nna na, ŋkpal manɛ so, bekama nɛ b shi efuliana nɛ a wɔ epeŋilarkpa m ba na to be benapo ŋgboŋ kalfa nɛ adunyɔ nɛ b mɔ kena na to.