Jɛnesis 28:5 - EBƆRƐ BE KAWƆL

⁵ Aizek be kamalga na be kaman nɛ Jeekɔb pɛ Mɛsopoteemia be efuli so be ekpa nɛ e yɔ Bɛtuwɛl nɛ e la Mɛsopoteemia be esa na pibinyɛn Leeban kutɔ. Leeban daa la Jeekɔb nɛ Isɔɔ bumo wɔpa nna.

Jɛnesis 28:5 ပူးပေါင်းရင်းမြစ်များ

Jɛnesis 22:23

Bɛtuwɛl na e daŋ ba ki Rebɛka mo tuto na. Bibinyɛn aburwa ere nɛ Milka daŋ kurge n sa Eebraham mo sipo Nahɔɔ.

Jɛnesis 24:54

E ka wora ade kikɛ n loge na nɛ mo nɛ basa nɛ b daa wɔ mo kutɔ na kikɛ ji ajibi nseŋ di ndoŋ ŋklade. Kare ka chɛ chipurso nɛ Eebraham be kayɛrbi na kaŋɛ bumo le: “To, mee kule ekpa nɛ n yɔ n nyɛnpe kutɔ.”

Jɛnesis 25:20

Aizek malɛ daŋ ji nfɛ adena nna pɔɛŋ nseŋ ta Rebɛka nɛ mo tuto daa la Bɛtuwɛl, Mɛsopoteemia be esa na. Rebɛka mo siponyɛn malɛ e daa la Leeban.

Jɛnesis 27:43

Amoso, m pibi, nu nfe nseŋ wora kusɔ nɛ mee sha kekaŋɛ fo ere. Lar nfe manaŋ n shile n yɔ n siponyɛn Leeban kutɔ ashi Haran.

Jɛnesis 28:2

Kusɔ nɛ k daga fanɛ fo wora e la fanɛ fo yɔ fo nananyɛn Bɛtuwɛl pe ashi Mɛsopoteemia epul ere to n ya fin fo wɔpa Leeban be mbichebiana na be eko n ta ŋ ki fo eche.

Jɛnesis 29:1

Jeekɔb ka lar Bɛtɛl nɛ e ta kumu n sɔ epeŋipetekpa be kaba so ebi be efuli so.

Jɛnesis 29:12

ŋ kaŋɛ Reechel fanɛ mo tuto Leeban mo sipoche Rebɛka pibinyɛn e la mo. Reechel ka nu loŋ na nɛ e shile n ya kaŋɛ mo tuto.

Jɛnesis 31:24

Kumo be kanyɛso nɛ Ebɔrɛ lar Leeban so edare to ŋ kaŋɛ mo le: “Baa da so nsaa maŋ kaŋ malga kamalga lubi kikɛ ŋ gbiti Jeekɔb.”

Jɛnesis 35:27

Jeekɔb nite loŋ m ba fo mo tuto Aizek pe ashi Mamre nɛ k daŋ taga Kiriaf Aba na. Kumo koŋwule na e la Hibrɔn na. Ndoŋ nɛ Aizek nɛ Eebraham daŋ chena na.

Ezikɛl 27:16

Siriya be basa daŋ tɔ fo asɔ faso damta nseŋ ta yawu kpakpaso be kejembu nɛ k la kefitiribumbuŋ nɛ baa tre ‘ɛmeraldi’ na nɛ ewajɛ peper kunɔkunɔ nɛ ewajɛ nɛ jɔɔ nɛ ewajɛchɛbi lela nɛ nchu to be kefalta jembu nɛ baa tre ‘koral’ na nɛ yawu kpakpaso be ajembu peper nɛ baa tre ‘rubi’ na ŋ ka amo be kukɔ.

Hoziya 12:12

An nananyɛn Jeekɔb daŋ shile nna n yɔ Mɛsopoteemia be efuli so n ya ka keni kanyɛn ko be mbolpɔ so pɔɛŋ nseŋ nya eche.

Ditɛronɔmi 26:5

Kumo be kaman nɛ esa nɛ e bar kakɛ na e kaŋɛ le ashi Enyɛnpe Ebɔrɛ na be anishito, “N nananyɛn daa la esa nɛ e shi Aremiya be efuli so nna. Mo alɛ daa maa kɔ mo kumu so be kowu nseŋ daŋ ta mbe kanaŋ n yɔ Ijipt be efuli so n ya chena ndoŋ. B ka daŋ yɔ ndoŋ nɛ b daa maŋ shi, ama b daŋ m ba ki efuligboŋ nɛ k kɔ eleŋ ga.