Jɛnesis 28:20 - EBƆRƐ BE KAWƆL

²⁰ Asheŋ ere be kaman nɛ Jeekɔb nase kɔnɔ ŋ kaŋɛ le: “Nɛ Ebɔrɛ beeŋ baa wɔ ma kutɔ nsaa keni ma so ashi ma enite ere to nsaa sa ma ajibi nɛ asɔbuuso loŋ

Jɛnesis 28:20 ပူးပေါင်းရင်းမြစ်များ

Jɛnesis 28:15

Amoso kaplɛkama nɛ fo yɔ, meeŋ baa wɔ fo kutɔ a keni fo so nseŋ bɛta fo m ba kasawule ere so. M maaŋ yige fo kikɛ ama m baŋ wora kusɔ nɛ n nase kɔnɔ fanɛ meeŋ wora ere nna.”

Jɛnesis 31:13

Ma alɛ e la Ebɔrɛ mo nɛ e daŋ lar fo so ashi Bɛtɛl na. Ndoŋ nɛ fo daŋ duga ŋku n wurge ndulgi be kejembu nɛ fo yuu na so nseŋ nase kɔnɔ n sa ma na. Naniere, lar kasawule ere so nfe epul ere to m bɛta n yɔ kasawule mo nɛ b kurge fo na so.’ ”

Jɛnesis 35:3

nseŋ ba nɛ an yɔ Bɛtɛl n ya yuu bɔrɛsure n sa Ebɔrɛ nɛ e nu n sa ma nsaa wɔ ma kutɔ kaplɛkama nɛ n yɔ saŋɛ nɛ n wɔ awurfoŋ to na.”

2 Samuɛl 15:8

Ŋkpal manɛ so saŋɛ so nɛ n daa wɔ Geshur ashi Siriya be efuli so na nɛ n nase kɔnɔ Enyɛnpe Ebɔrɛ be anishito fanɛ nɛ e baŋ shin nɛ n naŋ bɛta n yɔ Jerusalɛm, kumo ere ma alɛ beeŋ ya bunyaŋ mo ashi Hibrɔn.”

1 Kronikɛls 4:10

Ama Jabez daŋ kule Israɛl be Ebɔrɛ na nna ŋ kaŋɛ le: “Ebɔrɛ, nɛfa ma nseŋ shin nɛ ma kasawule e wora keshi ga. Baa wɔ ŋ kutɔ nsaa kuŋ ma ashi kulubi to, saŋɛ na so ebesa maaŋ ba ma so.” Nɛ Ebɔrɛ wora kusɔ nɛ e kule na gbagba n sa mo.

Nshɛ 116:14

Jemanɛ nɛ mbe basa kikɛ beeŋ shɛr abar so na nɛ meeŋ tia nnɔ nɛ n nase n sa mo na kikɛ.

Nshɛ 116:18

Jemanɛ nɛ fo basa beeŋ shɛr abar so fo bɔrɛlambu to ashi Jerusalɛm be kadegboŋ to na, nɛ meeŋ tia kɔnɔ nɛ n nase n sa fo na. Men kpaŋ Enyɛnpe Ebɔrɛ na!

Nshɛ 119:106

M bɔ ntaŋ n nase kɔnɔ nsaa yil kumo so fanɛ meeŋ wora fo mbra niŋisoana na kasonu.

Nshɛ 132:2

Nyiŋi kɔnɔ nɛ e daŋ nase n sa fo, Enyɛnpetale Ebɔrɛ nɛ an nananyɛn Jeekɔb daŋ shuŋ dra dra na:

Nshɛ 22:25

Saŋɛ nɛ ma nɛ fo basa shɛr na, nɛ meeŋ fur fo ŋkpal kusɔ nɛ fo wora so; nseŋ tia nnɔ nɛ n nase n sa fo na ashi bumo be anishito.

Nshɛ 56:12

Enyɛnpe ma Ebɔrɛ, meeŋ bɛ kɔnɔ nɛ n nase n sa fo na so. Meeŋ ta ma kechɔrɔ be kakɛ m bar fo.

Nshɛ 61:5

Enyɛnpe Ebɔrɛ, fo nu ma kɔnɔ naseso na nseŋ nɛfa ma fanɛ kananɛ fo nɛfa bumo nɛ baa bunyaŋ fo na.

Nshɛ 61:8

Saŋɛ na so meeŋ baa di fo ketre epaŋ saŋkama nsaa wora a bɔlɔ ma kɔnɔ naseso so saŋkama.

Nshɛ 66:13

Meeŋ wora m bɛ kɔnɔ nɛ n nase n sa fo saŋɛ so nɛ n daa wɔ tɔrɔ to na so. Meeŋ ba lara sarga ashi fo bɔrɛlambu to n sa fo.

Nshɛ 76:11

Men nase nnɔ n sa Enyɛnpe, menyi be Ebɔrɛ na. Menyi alɛ e wora m bɔlɔ men be nnɔ naseso na so. Enyɛnpe Ebɔrɛ na e daga keŋana, mo e daga fanɛ efuli pɔtɛana nɛ a kulti anyi na kikɛ be basa ka bar ŋkɛ m ba sa mo.

Aizaaya 19:21

Kede be kaman nɛ Enyɛnpe Ebɔrɛ na e lara mbe kumu ŋ ŋini Ijiptebi na, nɛ bumo alɛ e pin mo nsaa shuŋ mo. Baaŋ baa lara bumo be esarga nɛ ŋkɛ be yiri kikɛ a sa mo nsaa wora a bɔlɔ nnɔ nɛ b nase n sa mo so.

Baru lela nɛ Jɔn kute na 1:16

Mbe kuwɔr be kakɛ nɛ k bɔlɔ mo to felɛlɛ na to nɛ e nɛfa anyi nseŋ kraa wɔtɔ a nɛfa a nɛfa anyi.

Ashuŋ Shunso 18:18

Pɔɔl ka chena bekurgepoana na kutɔ ashi Kɔrint n wora nchɛnnyɔ nɛ e kela bumo nɛ mo nɛ Prisila nɛ Akwila luri ekuloŋgboŋ ko to m bɔla nchu so n yɔ Siriya. E daŋ nase kɔnɔ ashi Kɛŋkriya nna n sa Ebɔrɛ n shin nɛ b she mbe kumu pɔɛŋ nɛ e luri ekuloŋgboŋ to n yɔ.

1 Timoti 6:8

Amoso, nɛ an baa kɔ ajibi nɛ asɔbuuso, a kukwe anyi.

1 Samuɛl 1:11

nseŋ nase kɔnɔ ŋ kaŋɛ le: “Enyɛnpetale, n la fo kebita nna! Ama kebaawɔtɔ ki ma jiga. Nɛ fo baa maŋ teŋ ma so nseŋ chɛ ma to nɛ n nya ebinyɛn, kumo ere ma alɛ beeŋ laŋɛ mo n sa fo nɛ e baa wɔ fo kutɔ hale n ya fo mbe luwuachɛ. Kusɔ nɛ k beeŋ ŋini fanɛ n ta kebia na ŋ kɛ fo e la fanɛ b maaŋ she mbe emin kikɛ.”

1 Samuɛl 1:28

Amoso mee ta mo nna a sa Enyɛnpe Ebɔrɛ nɛ e ba la mo ere Enyɛnpe Ebɔrɛ be kayɛrbi mbe ŋkpa to kikɛ.” Ndoŋ nna nɛ b bunyaŋ Enyɛnpe Ebɔrɛ na.

1 Samuɛl 14:24

Akoŋ daŋ mɔ Israɛlebi be benapo na nna nɛ b bɛlɛ ŋkpal Sɔɔl ka daŋ bɔ ntaŋ ŋ kaŋɛ le so: “Kɔnɔsho e baa wɔ ekama nɛ e beeŋ ji ajibi pɔɛŋ nɛ n wora ma doŋana n tal to so.” Ŋkpal loŋ so esa kama daa maŋ ji shɛŋ kumo be kamɔnchɛ.