Kumo be kaman nɛ e yɔ abee nɛ a wɔ Bɛtɛl be epeŋipetekpa be kaba so na n ya yuu mbe ewajɛbu Bɛtɛl nɛ Ai be kefɛato. Ndoŋ nɛ Eebram naŋ yuu bɔrɛsure m bunyaŋ Enyɛnpe na pɔɛŋ
Ma alɛ e la Ebɔrɛ mo nɛ e daŋ lar fo so ashi Bɛtɛl na. Ndoŋ nɛ fo daŋ duga ŋku n wurge ndulgi be kejembu nɛ fo yuu na so nseŋ nase kɔnɔ n sa ma na. Naniere, lar kasawule ere so nfe epul ere to m bɛta n yɔ kasawule mo nɛ b kurge fo na so.’ ”
Asheŋ ere kikɛ be kaman nɛ Ebɔrɛ kaŋɛ Jeekɔb: “Bɛta n ya chena Bɛtɛl nseŋ yuu bɔrɛsure ndoŋ n sa Ebɔrɛ nɛ e daŋ lara mbe kumu ŋ ŋini fo saŋɛ nɛ fo daa shile a ŋana fo da Isɔɔ so na.”
Nɛ Jeekɔb pɔr bɔrɛsure ndoŋ n sa Ebɔrɛ nseŋ tre kaboŋ na Ɛl Bɛtɛl, ŋkpal manɛ so, ndoŋ nɛ Ebɔrɛ daŋ lara mbe kumu ŋ ŋini mo saŋɛ nɛ e daa shile a ŋana mo da Isɔɔ so na.
B ka wɔ ekpa to a yɔ na, nɛ anebi Elaija kaŋɛ Elaisha le: “Enyɛnpe Ebɔrɛ na kaŋɛ fanɛ n yɔ Bɛtɛl, amoso fo ere e baa jo nfe.” Nɛ Elaisha kaŋɛ le: “Enyɛnpe Ebɔrɛ ka baa wɔ ŋkpa to nɛ fo ere gba wɔ ŋkpa to ere bre, meeŋ tu fo n yɔ.” Amoso bumo kikɛ daŋ bɛ abar so nna n yɔ Bɛtɛl.
Ewura Abija daŋ ju m buu Jeroboam be benapo na so nna hale n ya sɔ bumo be nde ko ana. Nde na e la Bɛtɛl nɛ Jeshana nɛ Efrɔn nɛ ndewurbi nɛ a kulti amo na kikɛ.
“Menyi Israɛl be basa maa ji kashenteŋ a sa ma, ama men sa maŋ shin nɛ Judaebi gba e luri loŋ be kulubi koŋwule ere to. Men sa maŋ naa yɔ Gilgaal ŋko Bɛtavɛn n ya kaa bunyaŋ agbir ŋko a nase nnɔ Enyɛnpe Ebɔrɛ na be ketre to.”
nseŋ yili ndoŋ ŋ gbelge to m bɔla Bɛtɛl nɛ baa tre Luz na hale n ya fo Atarɔf Ada ashi kebeegboŋ nɛ k wɔ Lowa Bɛf Hɔrɔn be kelargato be kaseto be kaba so na.
Ndoŋ nna nɛ Israɛl be basa na kikɛ yɔ Bɛtɛl, kakpa nɛ baa shuŋ Ebɔrɛ na, n ya shu ga a maŋ ji shɛŋ ashi Enyɛnpe Ebɔrɛ be anishito hale nɛ epeŋi ya tɔr. Kaase ka fo nɛ b lara esarga chɔɔso nɛ kɔnɔkoŋwule be esarga n sa Enyɛnpe Ebɔrɛ na a fin mbe nɛfa.
Fo baŋ naŋ yili ndoŋ a yɔ, feeŋ ya tu kedibi gboŋgboŋi ko ashi Tabɔɔ, nseŋ wu benyɛn asa ko ka bee yɔ Bɛtɛl nɛ b ya bunyaŋ Ebɔrɛ. Bumo to be eko beeŋ juŋkpar mboefɔlbi asa, nɛ enyɔsopo na malɛ e sulɔ ebodobodo asa, nɛ esasopo na e sulɔ nsa belbelso deŋkeŋ be bɔlɔ.