Jɛnesis 28:14 - EBƆRƐ BE KAWƆL

¹⁴ Fo kaman to ebi beeŋ ba kaa shi fanɛ kasawule so be shishɛr nseŋ sɔ durnya be abonfu ana ere kikɛ so nɛ m bɔla fo nɛ fo kanaŋ to ebi so n nɛfa durnya ere be efuli kama so ebi.

Jɛnesis 28:14 ပူးပေါင်းရင်းမြစ်များ

Jɛnesis 12:3

Bekama malɛ nɛ b nɛfa fo, ma alɛ gba beeŋ nɛfa bumo. Ama ekama nɛ e sho fo kɔnɔ, ma alɛ gba beeŋ sho amodoŋwura kɔnɔ. Fo so nɛ meeŋ bɔla n nɛfa durnya to ebi kikɛ.”

Jɛnesis 13:14

Eebram nɛ Lɔt ka daŋ barga abar na be kaman nɛ Enyɛnpe Ebɔrɛ na kaŋɛ Eebram le: “Yili kaboŋ nɛ fo wɔ ere m maŋ fo kumu so ŋ keni ŋ kulti kakpa nɛ fo wɔ ere kikɛ.

Jɛnesis 13:15

Meeŋ ta kasawule nɛ fo wu ere kikɛ n sa fo nɛ fo kaman to ebi nɛ k baa la menyeya nna hale mbaanaayɔ.

Jɛnesis 13:16

Kumo be kaman, meeŋ shin nɛ fo kaman to ebi e wora keshi fanɛ kasawule so be shishɛr. Amoso nɛ esa baŋ tiŋ ŋ karga kasawule so be shishɛr, kumo ere e beeŋ tiŋ ŋ karga fo kaman to ebi gba.

Jɛnesis 18:18

Ŋkpal manɛ so, mbe kanaŋ to ebi beeŋ ba ki kanaŋgboŋ nsaa kɔ eleŋ. Mo alɛ so nɛ meeŋ bɔla n nɛfa durnya be efuliana be basa kikɛ.

Jɛnesis 22:17

meeŋ nɛfa fo kashenteŋto nseŋ shin nɛ fo kaman to ebi e baa shi fanɛ awɔlpa to be achɛkpabi nɛ teku ase be shishɛr na. Fo kaman to ebi beeŋ ba koso m pɔɔ bumo doŋana so n sɔ bumo be ndeana.

Jɛnesis 22:18

Fo kaman to ebi so nɛ durnya to ebi kikɛ beeŋ bɔla n nya nɛfa ŋkpal fo ka wora ma kasonu ere so.”

Jɛnesis 26:4

Meeŋ shin nɛ fo kaman to ebi e wora keshi a sa fanɛ awɔlpa to be achɛkpabi nɛ n ta nsawule ere kikɛ n sa bumo nseŋ bɔla bumo so n nɛfa efuli kama so ebi durnya to.

Jɛnesis 32:12

Ama fo alɛ kaŋɛ fanɛ feeŋ shin nɛ ŋ ki asɔwura nseŋ shin nɛ ma kanaŋ e salga fanɛ teku ase be leele nɛ esa maaŋ tiŋ ŋ karga na.”

Jɛnesis 48:16

Malaika mo nɛ e tu ma ŋ kɔ emaŋ na e nɛfa bumo. Ebɔrɛ e shin nɛ ma ketre nɛ n tuto Aizek be ketre nɛ n nananyɛn Eebraham be ketre e bɔla mbia ere so a wɔtɔ mbaanaayɔ. Ebɔrɛ e sa bumo mbia damta nɛ kanaŋ to ebi damta durnya to.”

Jɛnesis 48:19

Ndoŋ nna nɛ mo tuto kini nseŋ kaŋɛ: “N nyi, m pibi n nyi. Mo alɛ gba beeŋ ki basa ko be kumuwura, mo alɛ gba beeŋ ba ki esagboŋ, ama mo sipo e naaŋ ba kaa chɔ mo eleŋ nɛ mbe kanaŋ to ebi e ba ki efuli damtaana be basa.”

2 Kronikɛls 1:9

O Enyɛnpe Ebɔrɛ, jande shin nɛ fo nnɔ nɛ fo nase n sa n tuto na e bɔlɔ so. Fo ta ma nna ŋ ki basa nɛ b shibi m baŋ so kekarga ere be ewura,

Nshɛ 72:17

Shin nɛ basa e baa nyiŋi ewura na be ketre mbaanaayɔ, n shin nɛ mbe kemaŋkura e baa fulto fanɛ epeŋi. Shin nɛ efuliana na be basa e bɔla mo so n dii kedama nseŋ kule Ebɔrɛ be nɛfa n sa mo.

Ɛksodɔs 32:13

Nyiŋi le be kɔnɔ nɛ fo nase n sa fo nyɛrbi Eebraham nɛ Aizek nɛ Jeekɔb: “Meeŋ shin nɛ menyi be kaman to ebi e wora keshi fanɛ achɛkpabi nɛ a wɔ awɔlpa to na ta kasawule ere kikɛ n sa bumo nɛ k ki bumo be kapetɛ mbaanaayɔ na.”

Aizaaya 54:3

Fo nɛ fo kaman to ebi beeŋ sɔ efuli pɔtɛana be nsawule ŋ ki menyeya; nseŋ pɔr n chena bumo be nde nɛ e bure a dese naniere na to.

Nɔmbɛs 23:10

Wanɛ e naŋ tiŋ ŋ karga Israɛlebi nɛ b shi m baŋ so ere? Shin nɛ ma lalaloge be nchɛ e baa du fanɛ Ebɔrɛ be basa peya. Shin nɛ n wu fanɛ esa niŋiso.”

Matiu 8:11

Ma e kaŋɛ menyi na fanɛ basa damta beeŋ shi epeŋilarkpa nɛ epeŋitɔrkpa m ba nɛ bumo nɛ Eebraham nɛ Aizek nɛ Jeekɔb e chena ebɔrɛso be kuwura na to n ji,

Ashuŋ Shunso 3:25

Nnɔ nɛ Ebɔrɛ daŋ shin nɛ mbe anebiana nase na la menyi alɛ gba peya nna. Le nɛ e daŋ kaŋɛ Eebraham: ‘Fo kanaŋ to nɛ meeŋ bɔla n nɛfa durnya ere to be basa kikɛ.’

Galeeshaebi 3:16

Eebraham nɛ mbe kamanto be esa nɛ Ebɔrɛ daŋ nase nnɔ na n sa. Abɔrɛsibɛ na maa kaŋɛ fanɛ fo Eebraham nɛ fo kaman to ebi, kumo e la fanɛ, a ber bumo fanɛ basa damta. Abɔrɛsibɛ na yɛ: “Nɛ fo kamanto be esa”, a ŋini fanɛ esa koŋwule nɛ Ebɔrɛ de na. Mo e la Kristo na.

Galeeshaebi 3:8

Abɔrɛsibɛ na malɛ wu kumo nna n yili fanɛ Ebɔrɛ ka beeŋ kpal nnyamase be yirda so n shin nɛ b ji n lar mbe anishito so so nseŋ wule m bɔ baru lela na n sa Eebraham fanɛ: “Fo so nɛ Ebɔrɛ beeŋ bɔla n nɛfa durnya ere to ebi kikɛ.”

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Ditɛronɔmi 12:20

“Nɛ Enyɛnpe menyi be Ebɔrɛ na kaŋ shin nɛ menyi be kakpa nɛ menyeeŋ baa wɔ na kpalga to fanɛ kananɛ e nase kumo be kɔnɔ na, menyeeŋ tiŋ a we eblaŋ jemanɛ kikɛ nɛ menyee sha.

Ditɛronɔmi 13:17

Menyi alɛ e sa maŋ kaŋ ta kusɔ kama kade na to. Aloŋ e naaŋ shin nɛ Enyɛnpe Ebɔrɛ na be agbogboŋ e wushi nɛ e wu menyi kuwɔr. Kumo be kaman nɛ e shin nɛ men wora keshi n ti so fanɛ kananɛ e nase kumo be kɔnɔ n sa men nananyɛnana na.

Kelaraŋŋini 7:4

Le be kamalga ere be kaman nɛ n nu kananɛ basa nɛ b dulgi na kikɛ sa. B daa wɔ basa ŋgboŋ kalfa nɛ ŋgboŋ adena nɛ ŋgboŋ ana ashi Israɛlebi be nnaŋ na kikɛ to. Kanaŋkama nɛ kananɛ bumo be basa dulgiso daa sa nde:

Kelaraŋŋini 7:9

Ade be kaman nɛ ŋ keni n wu jimaŋ damta ko nɛ esa kikɛ maaŋ tiŋ ŋ karga bumo ka yil kuwurputi na nɛ Kpakpafɔlbi na be anishito. B daŋ shi efuli kama so nɛ yiri kama to nɛ basa kama to nɛ ŋgbar kama to nna m buu epiŋi fuful nseŋ daŋ keta abii be ayabiana.