Nɛ Tɛra keta mo pibinyɛn Eebram nɛ mo nanabi Lɔt nɛ e daa la Haran pibinyɛn na nɛ mo shache Sɛɛrai, Eebram be eche, n ti mbe kumu so nɛ b lar Ur ashi Babilɔnia n yɔ Keenan be kasawule so. B ka bee yɔ Keenan n ya fo Haran nɛ b chena ndoŋ.
Eebram daŋ keta mbe eche Sɛɛrai nɛ mo sipo pibi Lɔt nna n ta bumo kikɛ be kanya nɛ basa nɛ b daŋ nya ashi Haran be kasawule so na kikɛ nyam m pɛ Keenan be ekpa a yɔ ndoŋ.
N nyi ŋ ka maŋ daga kuwɔrwu nɛ kashenteŋji nɛ fo wu ma fo kenya ere kikɛ. Kekpabi nawule nɛ n daŋ ta n dii Jɔɔdan be lɔr ere n yɔ n wɔpa kutɔ, ama kabre m bɛta a ba nɛ basa nɛ asɔbɔya damta.
Asheŋ ere kikɛ be kaman nɛ Ebɔrɛ kaŋɛ Jeekɔb: “Bɛta n ya chena Bɛtɛl nseŋ yuu bɔrɛsure ndoŋ n sa Ebɔrɛ nɛ e daŋ lara mbe kumu ŋ ŋini fo saŋɛ nɛ fo daa shile a ŋana fo da Isɔɔ so na.”
Nɛ Jeekɔb pɔr bɔrɛsure ndoŋ n sa Ebɔrɛ nseŋ tre kaboŋ na Ɛl Bɛtɛl, ŋkpal manɛ so, ndoŋ nɛ Ebɔrɛ daŋ lara mbe kumu ŋ ŋini mo saŋɛ nɛ e daa shile a ŋana mo da Isɔɔ so na.
Kachako nɛ Enyɛnpe Ebɔrɛ kaŋɛ Mosis: “Fo nɛ basa nɛ fo juŋkpar n lar Ijipt be kasawule so na e koso nfe n yɔ efuli nɛ n nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ bumo be kaman to ebi kikɛ na so.
Nɛ Stiven kaŋɛ: “N daana nɛ n tutoana, men nu nfe. Ebɔrɛ nɛ e daga kemaŋkura na e daŋ ba an nananyɛn Eebraham kutɔ, saŋɛ nɛ e daa wɔ Mɛsopoteemia pɔɛŋ m ba kaa n yɔ Haran be kade to na
