Jɛnesis 27:41 - EBƆRƐ BE KAWƆL

⁴¹ Ndoŋ nna nɛ Isɔɔ fara a kishi Jeekɔb ŋkpal nɛfa nɛ mo tuto daŋ sa mo na so nseŋ fɛ mbe kumu to le: “K maaŋ naŋ chɛr nɛ n tuto e wu nɛ an shu mbe keeli. Keeli na be kaman meeŋ mɔ n sipo Jeekɔb.”

Jɛnesis 27:41 ပူးပေါင်းရင်းမြစ်များ

Jɛnesis 27:42

Rebɛka ka pin kesheŋ nɛ Isɔɔ kre na nɛ e shuŋi n tre mo pibinyɛn kekarkarso Jeekɔb ŋ kaŋɛ mo le: “Keni, fo da Isɔɔ bee kre kemɔ fo nna m bishi kuwule.

Jɛnesis 32:11

Amoso mee kule fo nna fanɛ fo mɔlga ma ashi n da Isɔɔ be enɔ to, ŋkpal manɛ so, mee lɔ kufu nna fanɛ e bee ba nna nɛ e ba kɔ ma nɛ ma beche nɛ mbia kena.

Jɛnesis 32:3

Ndoŋ nɛ Jeekɔb yili n shuŋi mbɔ nɛ b juŋkpar mo a yɔ mo da Isɔɔ kutɔ ashi Seyir nɛ k wɔ Edɔm be efuli so na.

Jɛnesis 32:6

Mbɔ na ka bɛta m ba Jeekɔb kutɔ nɛ b kaŋɛ mo le: “An yɔ fo da Isɔɔ kutɔ, amoso e ta basa alfa ana a shɛr fo to.”

Jɛnesis 35:29

Nfɛ ere be kaman nɛ e wu nɛ mbe mbia Isɔɔ nɛ Jeekɔb puli mo.

Jɛnesis 37:18

E kraa wɔ kufɔ nna a ba nɛ mo daana na wu mo nseŋ wora kɔnɔkoŋwule fanɛ e baŋ ba, b mɔ mo.

Jɛnesis 37:4

Mo daana ka wu fanɛ bumo tuto bee sha Josɛf a chɔ bumo na nɛ b kishi mo nsaa maŋ naa malga mo kutɔ kashaso.

Jɛnesis 37:8

Ndoŋ nna nɛ mo daana na bishi mo: “Ama fee fɛ nna fanɛ feeŋ ba ji anyi so kuwura ŋko feeŋ ba kaa kɔ eleŋ anyi so a?” Nɛ b naŋ kpal edare na nɛ mbe mmalga so ŋ kishi mo ga n ti so.

Jɛnesis 50:15

Jeekɔb be luwu na be kaman nɛ Josɛf mo daana na kaŋɛ abar le: “Shere an tuto ka wu ere, Josɛf beeŋ kishi anyi nseŋ wora anyi n tal alubi nɛ an daŋ wora mo na kikɛ nyam to.”

Jɛnesis 50:2

Kumo be kaman nɛ Josɛf sa basa nɛ baa mɛa bubuni to a puli na ekpa fanɛ b gbiti mo tuto Jeekɔb be eyur kudur, nɛ k sa maŋ bɛ.

2 Kronikɛls 35:24

Ndoŋ nna nɛ b lara mo gbaŋɛturko nɛ e daa wɔtɔ na to n wɔtɔ mbe gbaŋɛturko pɔtɛ to n yɔ Jerusalɛm. E ka wu, nɛ b ya puli mo kakpa nɛ baa puli bewura na, nɛ Juda nɛ Jerusalɛm be basa kikɛ shu mbe keeli.

Nshɛ 142:3

M baa pɔ aba kiyoyu to, mo e naa ŋini ma kusɔ nɛ k daga fanɛ n wora. Bedoŋ ŋana n sho ma kejigbelɛ ashi ekpa nɛ mee nite so nna.

Nshɛ 35:14

fanɛ kananɛ meeŋ wora n sa n teri ŋko n niopibi na. N shu kagbenejijaso nna fanɛ ŋ ka bee shu n nio be keeli na.

Nshɛ 37:16

Kebaa kɔ kebaawɔtɔ niŋiso nsaa la etirpo bɔ kebaala damawura nsaa la alubiworapo.

Aŋasa 1:16

Ŋkpal manɛ so, saŋkikɛ, baa jujo nna nɛ b wora alubi. Kemɔ esa maŋ la shɛŋ bumo kutɔ.

Aŋasa 18:19

Keyɔ eteri nɛ fo wora n da so kutɔ n ya fin kechɛto du kpakpa a chɔ kebure n luri kade nɛ b pɔr egbal ŋ kulti to.

Aŋasa 6:14

Baa wora loŋ nna nsaa kɔ nfɛra lubi a kre asheŋ a bar kebagato basa to kaplɛkama.

Kaŋinichiŋgeliŋ 7:9

Bewulpo e naa nya agbo manaŋ manaŋ nsaa ta asheŋ a wɔtɔ kagbene to.

Ezikɛl 35:5

Ŋkpal manɛ so, dra dra kikɛ nɛ menyi Edɔm be basa ta Israɛl be basa ŋ ki men doŋana nseŋ kpal loŋ so n shin nɛ b wu ga jemanɛ nɛ b nya bumo be alubi be kasogberge na.

Ditɛronɔmi 34:8

Nchɛ adesa nɛ Israɛl be basa daŋ shu Mosis be keeli bumo be daŋkare be ekpa so ashi Mowab be kasawule so.

Taites 3:3

Ŋkpal manɛ so, saŋko anyi alɛ gba daŋ wuli nna a kɔ kumuleŋ nɛ ashuŋ lubi. An daa la anyi be eyurana be ayɛlgasɔ nɛ ebel be yiri kikɛ be anya nna. An daa wɔ kayurbesa be nfɛra lubi to nna a kishi beko nɛ beko malɛ daŋ kishi anyi.