Jɛnesis 27:4 - EBƆRƐ BE KAWƆL

⁴ Fo kaŋ bar loŋ be eblaŋ na fo ta kumo n daŋɛ ajibi belbelso mo nɛ mee sha ga na m ba sa ma nɛ n ji n nɛfa fo pɔɛŋ nseŋ wu.”

Jɛnesis 27:4 ပူးပေါင်းရင်းမြစ်များ

Jɛnesis 14:19

nseŋ nɛfa mo ŋ kaŋɛ: “Ebɔrɛ Ewurgboŋ nɛ e to esoso nɛ kasawule na e nɛfa fo Eebram.

Jɛnesis 24:60

Le be mmalga nɛ b daŋ ta ŋ kela mo. B yɛ: “Esipoche, Ebɔrɛ e nɛfa fo n shin nɛ fo mbia e wora keshi n fo ŋgboŋto ŋgboŋto nɛ fo kanaŋ to ebi kikɛ e pɔɔ bumo doŋana so n sɔ bumo be mboŋ a wɔtɔ.”

Jɛnesis 27:14

Ndoŋ nna nɛ Jeekɔb ya pɛ mboe na m ba sa mo nio nɛ e wora ajibi belbelso mo nɛ Jeekɔb mo tuto bee sha ga n yili

Jɛnesis 27:17

E ka loge ade kikɛ na nɛ e ta ajibi belbelso na nɛ bodobodo nɛ e wora na n sa Jeekɔb.

Jɛnesis 27:19

Nɛ Jeekɔb kaŋɛ mo tuto le: “Ma, fo wurkoŋ Isɔɔ nna. N wora kusɔ nɛ fo yɛ n ya wora na nna. Amoso jande, niŋi to n chena n ji kusɔ nɛ n ya nya kekpaŋ to m ba ere pɔɛŋ nseŋ nɛfa ma.”

Jɛnesis 27:23

Aizek daa maŋ pin fanɛ Jeekɔb nna ŋkpal mbe enɔana ka daa kɔ afuibi fanɛ Isɔɔ peya na so so, amoso e daa shin nna nɛ e nɛfa mo.

Jɛnesis 27:25

Kumo be kaman nɛ Aizek kaŋɛ mo: “Kumo ere m pibi, ta kusɔ nɛ fo ya nya ashi fo kekpaŋ to m ba daŋɛ na m bar ma nɛ n ji nseŋ nɛfa fo.” Ndoŋ nna nɛ Jeekɔb ta ajibi na n sa mo nɛ e ji. Kumo be kaman nɛ e sa mo yabra belbelso nɛ e nuu.

Jɛnesis 27:27

Ndoŋ nna nɛ Jeekɔb yɔ nɛ mo tuto e lala mo so. Aizek ka nu mbe asɔbuuso na be efɛa nɛ e nɛfa mo nseŋ kaŋɛ le: “Cha, ma kebia ere be efɛa baa du fanɛ kasawule mo nɛ Enyɛnpe nɛfa nna.

Jɛnesis 27:31

Ndoŋ nna nɛ Isɔɔ gba ya wora ajibi m bar mo tuto m ba kaŋɛ le: “N tuto, niŋi to n chena n ji kusɔ nɛ n ya nya kekpaŋ to m ba ere pɔɛŋ nseŋ nɛfa ma.”

Jɛnesis 27:5

Aizek ka daa malga asheŋ ere kikɛ a sa mo pibinyɛn na nɛ Isɔɔ mo nio Rebɛka yil nseŋ nu amo kikɛ nyam. Isɔɔ ka baŋ ta n choŋ kupuŋ to

Jɛnesis 27:9

Lar ketaman n yɔ asɔbɔya na to n ya pɛ mboefɔlbi lelabi anyɔ m bar ma nɛ n wora ajibi belbelso nɛ fo tuto bee sha ga na,

Jɛnesis 28:3

Ebɔrɛ Enyɛnpetale na e nɛfa fo nseŋ sa fo mbia be kanya nɛ fo ba ki basa damta bumo tuto.

Jɛnesis 48:9

Nɛ Josɛf kaŋɛ mo: “Ma mbia nɛ Ebɔrɛ sa ma Ijipt nfe nna na.” Nɛ Jeekɔb kaŋɛ mo: “Keta bumo m ba ma kutɔ nfe nɛ n nɛfa bumo.”

Jɛnesis 49:28

To, bede kikɛ e la Israɛl be nnaŋ kuduanyɔ na be bejuŋkparpo nna. Asɔ nɛ bumo tuto malɛ daŋ nɛfa bumo nseŋ kaŋɛ ŋ kaŋɛ bumo kukoko to a yɔ ekama be da be kaplɛa so nna na.

Luuk 2:34

Amo be kaman nɛ Simiɔn nɛfa bumo nseŋ kaŋɛ kebia na mo nio Mɛɛri: “Ebɔrɛ e lara kebia ere nɛ e shin nɛ Israɛlebi be bedamta e foe Ebɔrɛ be ekpa so nɛ bedamta malɛ e pin Ebɔrɛ be ekpa na. E beeŋ ba kaa la Ebɔrɛ be tɔɔnɛ nɛ basa damta e malga ŋ gbiti mo,

Luuk 24:51

E ka bee nɛfa bumo nɛ e fara a yige bumo a yɔ ebɔrɛso.

Hibruwebi 11:20

Yirda so nɛ Aizek koŋwule ere malɛ daŋ nɛfa mbe mbia, Jeekɔb nɛ Isɔɔ a yili kachako na.

Joshuwa 14:13

Ndoŋ nna nɛ Joshuwa nɛfa Jefune pibi Kalɛb nseŋ ta Hibrɔn be kade na n sa mo fanɛ mbe kapetɛ.

Joshuwa 22:6

Kumo be kaman nɛ Joshuwa nɛfa bumo nseŋ ta le kubɔya n sa bumo fanɛ b yɔ epe: “Menyee bɛta a yɔ epe nɛ kedamaya nɛ asɔbɔya nɛ gbiti nɛ shuwa nɛ ntishaŋ peper nɛ abɛlso nɛ asɔbuuso damta. Men ya sa men braana asɔ nɛ men sɔ men doŋana kutɔ na be ako.” Nɛ b lar n yɔ. Mosis e daŋ sa Manase be yiri to ebi be bargato kasawule ashi Jɔɔdan be lɔr na be epeŋilarkpa nɛ Joshuwa malɛ sa yiri na be bargato nɛ k ka na nɛ eyiri nɛ a ti so na kasawule ashi Jɔɔdan be lɔr na be epeŋitɔrkpa be kaba so.