Jɛnesis 27:39 - EBƆRƐ BE KAWƆL

³⁹ Nɛ mo tuto Aizek kaŋɛ mo: “Bunyaŋ maaŋ shi ebɔrɛso m ba wushi fo kasawule; fo echenakpa nɛ kasawule lela malɛ beeŋ baa wɔ kufɔ.

Jɛnesis 27:39 ပူးပေါင်းရင်းမြစ်များ

Jɛnesis 27:27

Ndoŋ nna nɛ Jeekɔb yɔ nɛ mo tuto e lala mo so. Aizek ka nu mbe asɔbuuso na be efɛa nɛ e nɛfa mo nseŋ kaŋɛ le: “Cha, ma kebia ere be efɛa baa du fanɛ kasawule mo nɛ Enyɛnpe nɛfa nna.

Jɛnesis 27:28

Ebɔrɛ e shin nɛ bunyaŋ e shi ebɔrɛso m ba sa fo nsawule kayul nseŋ shin nɛ fo kasawule e baa walɛ a wora ajibi damta. Kumo e la fanɛ adɔjibi kama nɛ a shi ayu be yiri to be adamta n ta yabra belbelso n ti so.

Jɛnesis 33:9

Nɛ Isɔɔ kaŋɛ: “Bumo nɛ ma alɛ gba kɔ shi ga, amoso baa kɔ feya.”

Ditɛronɔmi 33:13

Le nɛ Mosis kaŋɛ a laŋɛ Efreim nɛ Manase be eyiriana na be kaplɛa so: “Enyɛnpe Ebɔrɛ na e nɛfa bumo be nsawule n sa bumo bɔrɛchu lela, n shin nɛ kasawule na e baa kɔ kayul.

Ditɛronɔmi 33:28

Amoso kayurwushi to nɛ Jeekɔb be kaman to ebi kikɛ wɔ. B maa ŋana shɛŋ ashi kasawule nɛ k kɔ ayu nɛ yabra ga na so; kakpa nɛ bunyaŋ gba bee wushi kasawule na.

Hibruwebi 11:20

Yirda so nɛ Aizek koŋwule ere malɛ daŋ nɛfa mbe mbia, Jeekɔb nɛ Isɔɔ a yili kachako na.

Joshuwa 24:4

N sa Aizek malɛ mbinyɛnbi anyɔ nɛ baa tre Jeekɔb nɛ Isɔɔ na. Edɔm be abee be kasawule na be kaba so nɛ n ta n sa Isɔɔ fanɛ mbe kapetɛ, ama Jeekɔb bre nɛ mbe mbia daŋ yɔ Ijipt nna.