Jɛnesis 27:28 - EBƆRƐ BE KAWƆL

²⁸ Ebɔrɛ e shin nɛ bunyaŋ e shi ebɔrɛso m ba sa fo nsawule kayul nseŋ shin nɛ fo kasawule e baa walɛ a wora ajibi damta. Kumo e la fanɛ adɔjibi kama nɛ a shi ayu be yiri to be adamta n ta yabra belbelso n ti so.

Jɛnesis 27:28 ပူးပေါင်းရင်းမြစ်များ

Jɛnesis 27:37

Nɛ Aizek kaŋɛ mo pibi Isɔɔ: “N teŋ ta mo ŋ ki fo nyɛnpe nseŋ ta mo niopibiana kikɛ ŋ ki mbe nyɛrbi. N ta ayu be yiri to be asɔ duuso kikɛ be kanya nɛ yabra belbelso kikɛ be kanya n sa mo. Amoso m pibi shɛŋ maŋ naa wɔtɔ nɛ meeŋ naŋ tiŋ n wora n sa fo.”

Jɛnesis 27:39

Nɛ mo tuto Aizek kaŋɛ mo: “Bunyaŋ maaŋ shi ebɔrɛso m ba wushi fo kasawule; fo echenakpa nɛ kasawule lela malɛ beeŋ baa wɔ kufɔ.

Jɛnesis 45:18

n ya bar men tuto nɛ bumo be beche nɛ mbia nfe. Nɛ men ba, meeŋ sa menyi Ijipt be kasawule lela ga nɛ men chena ndoŋ n nu ebel.

Jɛnesis 49:20

Ashɛr, fo adɔsawule beeŋ wora ajibi lela damta, ajibi nɛ feeŋ nya na beeŋ baa walɛ nna n sa ewura.

Jɛnesis 49:25

Fo tuto be Ebɔrɛ na e naa chɛ fo to. Enyɛnpetale na e naa nɛfa fo, a sa fo bɔrɛchu nɛ nchu nɛ a bee bul kasawule to nɛ asɔbɔya nɛ mbia nɛ kenyipochu damta nɛ mbia na e baa nuu.

2 Samuɛl 1:21

Sa maŋ shin nɛ bɔrɛ ŋko bunyaŋ a ba Gilbɔa be abee so kikɛ. Sa maŋ shin nɛ kumo alɛ be ndɔana e naŋ wora ajibi. Benapo na be abɛlso kuŋso na kikɛ a dese kasawule a gbelti na. Nɛ Sɔɔl be kebɛlso kuŋso na gba ki kusɔ jiga.

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

1 Bewura 5:11

nɛ ewura Sɔlɔmɔn malɛ bee sa ewura Hiram ayu nɛ amo be egbɛ sa fanɛ kilo ŋgboŋ ŋgboŋto be ŋgboŋ alfa anyɔ nɛ ɔlif be ŋku lela egalɔn ŋgboŋ adekpanu, kafɛ kikɛ.

2 Kronikɛls 2:10

Meeŋ sa fo beshumpo na ayu ebɔtɛ ŋgboŋ alfa anyɔ nɛ ayu peper be ebɔtɛ ŋgboŋ alfa anyɔ nɛ nsa edurɔm ŋgboŋ kalfa nɛ kudu nɛ ɔlif be ŋku be edurɔm ŋgboŋ kalfa nɛ kudu.”

Nshɛ 104:15

nsaa nya yabra a nuu nɛ mbe kagbene bee fuli mo, mo alɛ naa nya ŋku a gbiti mbe anishito nɛ k bee nyɛkpɛ nsaa nya ajibi be yiri kikɛ a ji a nya eleŋ nɛ alenfia.

Nshɛ 133:3

Kumo alɛ naa du fanɛ bunyaŋ ka shi Hɛɛmɔn be kebeegboŋ na so a wurge Jerusalɛm be abee so nna. Ndoŋ nɛ Enyɛnpe Ebɔrɛ daŋ nase kɔnɔ fanɛ e beeŋ ta ŋkpa nɛ k maŋ kɔ ekar n nɛfa mbe basa na.

Nshɛ 36:8

Fee wora kejigboŋ nna a sa fo befɔ ashi fo laŋ to. Fo kasha nɛ fo kɔ a sa anyi na baŋ anyi be nfɛra so.

Aŋasa 19:12

Ewura be agbo du fanɛ buluŋ ka bee ponte to nna nɛ mbe kuwɔrwu malɛ du fanɛ bunyaŋ ka tɔr afitiri so.

Aŋasa 3:20

Mbe kanyiasheŋ e shin nɛ eboŋana bee shile, nɛ awɔlpa bee bar bɔrɛchu kasawule so.

Aizaaya 45:8

Meeŋ shin nɛ kewora asheŋ niŋiso e shi ebɔrɛso m ba kasawule so fanɛ bɔrɛchu na, m ba shin nɛ kamooji nɛ kashenteŋji e sɔ kaplɛkama. Ma Enyɛnpe Ebɔrɛ na e naaŋ shin nɛ le e wora.

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Jowɛl 2:19

ŋ kaŋɛ bumo le: “Naniere bre meeŋ sa menyi adɔjibi nɛ asɔ nuuso nɛ ɔlif be asɔrso be ŋku nɛ men ji m moɛ. Loŋ na efuli pɔtɛana so ebi maaŋ naŋ fɛl menyi nseŋ wora menyi eyurto.

Maika 5:7

Israɛl be basa nɛ baaŋ ji efute na beeŋ baa du fanɛ bunyaŋ ŋko bɔrɛchu nɛ k bee sa kayul nseŋ shi Enyɛnpe Ebɔrɛ na kutɔ a ba efuli damtaana so nna.

Zakareya 8:12

Meeŋ shin nɛ men dɔ n duu menyi be asɔduuso kayurwushiso. Menyi be afeelebi nɛ e bee sɔr asɔrso nɛ baa tre greeps na beeŋ sɔr nɛnɛ, nɛ bɔrɛ e ba ga nɛ men be kasawule e wora adɔjibi nɛnɛ. Ma efuli so be basa nɛ baaŋ ji efute na nɛ meeŋ nɛfa le be ekpa so.

Zakareya 9:17

Baaŋ baa walɛ kebita kashenteŋto! Mbifɔlbi beeŋ daŋ a kɔ eleŋ nɛnɛ ŋkpal b ka beeŋ nya aboyu damta a ji nsaa nya yabra popɔr a nuu so.

Nɔmbɛs 13:20

Men keni, kasawule na walɛ kudɔ ŋko k maŋ walɛ? K kɔ ndibi ŋko k maŋ kɔ? Men wora ania n chuge ndoŋ be asɔrso jiso a ba.” Asɔrso nɛ baa tre greep na be kesɔr be saŋɛ e daa la.

Nɔmbɛs 18:12

N ta ɔlif be ŋku nɛ yabra belbelso nɛ ayu nɛ a la sososo be ajibi nɛ Israɛlebi bee lara kafɛ kafɛ kikɛ a sa ma na nna n sa menyi.

Romebi 11:17

B ka fɛta ɔlifs be kedibi fɛaso be keyabi nɛ k bee nya kekeni nseŋ ta menyi nɛ men du fanɛ ɔlifs be kukɔrbua n yuu n chɔga ɔlifs be kedibi na so nɛ menyee nu kedibi na be ebel ere,

Ditɛronɔmi 32:2

Ma keŋini beeŋ ba fanɛ bɔrɛchu nɛ kasawule e pɔ fanɛ bunyaŋ ka tɔr. Ma mmalga beeŋ tɔr to fanɛ bɔrɛ ka bee ba asɔduuso popɔrbi so ŋko fanɛ bɔrɛ ka bee furi afitiri wurbi so.

Ditɛronɔmi 33:13

Le nɛ Mosis kaŋɛ a laŋɛ Efreim nɛ Manase be eyiriana na be kaplɛa so: “Enyɛnpe Ebɔrɛ na e nɛfa bumo be nsawule n sa bumo bɔrɛchu lela, n shin nɛ kasawule na e baa kɔ kayul.

Ditɛronɔmi 33:28

Amoso kayurwushi to nɛ Jeekɔb be kaman to ebi kikɛ wɔ. B maa ŋana shɛŋ ashi kasawule nɛ k kɔ ayu nɛ yabra ga na so; kakpa nɛ bunyaŋ gba bee wushi kasawule na.

Ditɛronɔmi 7:13

Enyɛnpe menyi be Ebɔrɛ na beeŋ baa sha menyi nseŋ nɛfa menyi, saŋɛ na so menyeeŋ kurge mbia damta n salga to. Mo alɛ beeŋ naŋ nɛfa menyi be adɔsawule, saŋɛ na so, menyeeŋ nya ajibi damta nɛ yabra belbelso nɛ ɔlif be ŋku, nɛ menyi be ana nɛ mbolpɔ e kurge ga. Kasawule nɛ e nase kumo kɔnɔ n sa men nananyɛnana na so nɛ e beeŋ sa menyi enɛfa ere na.

Hibruwebi 11:20

Yirda so nɛ Aizek koŋwule ere malɛ daŋ nɛfa mbe mbia, Jeekɔb nɛ Isɔɔ a yili kachako na.

Joshuwa 5:6

Bumo be bekama nɛ b daŋ fo kena be kekɔ saŋɛ so nɛ Israɛlebi na daŋ lar Ijipt be kasawule so a na keshishɛrsawule na so nfɛ adena na bre kikɛ daŋ wu nna ŋkpal b ka maŋ wora Enyɛnpe Ebɔrɛ na kasonu so. Loŋ koŋwule na nɛ bumo nananyɛnana daŋ ta kusoe kpakpaso m paŋ kasawule lela nɛ Enyɛnpe Ebɔrɛ nase kɔnɔ fanɛ e beeŋ sa bumo na.