Jɛnesis 27:1 - EBƆRƐ BE KAWƆL

¹ Aizek ka bel nsaa maŋ naa wu nɛnɛ nɛ e tre mo pibinyɛn nimuso Isɔɔ kachako ŋ kaŋɛ mo: “M pibi.” Nɛ Isɔɔ shuli ŋ kaŋɛ: “Ma nde.”

Jɛnesis 27:1 ပူးပေါင်းရင်းမြစ်များ

Jɛnesis 25:33

E ka kaŋɛ loŋ na nɛ Jeekɔb kaŋɛ mo le: “Kumo ere bɔ ntaŋ pɔɛŋ.” Ndoŋ nna nɛ Isɔɔ bɔ ntaŋ n ta mbe kekurge to be kenimu na n chɛr epo na Jeekɔb kutɔ.

Jɛnesis 48:10

Jemanɛ na so nɛ Jeekɔb maŋ naa wu nɛnɛ ŋkpal mbel so so. Ndoŋ nna nɛ Josɛf gberge mbe mbia na m ba mo tuto kutɔ nɛ e lala bumo so kashaso nseŋ pɛ m pɛ bumo m mata m mata mbe kumu.

1 Bewura 14:4

Ndoŋ nna nɛ ewura Jeroboam be eche yɔ anebi Ahija pe ashi Shilo. Loŋ be saŋɛ nɛ Ahija bel hale nɛ mbe anishi tan.

Kaŋinichiŋgeliŋ 12:3

Ndoŋ nna nɛ fo mbre nɛ e bee kuŋ fo na e fara a chicha nɛ fo aya nɛ e kɔ eleŋ kabre ere e paŋ amo be eleŋ. Fo anyii damta na beeŋ gbaŋ n tɔr nseŋ ka gbrɛbi nɛ fo maaŋ naŋ tiŋ ŋ we ajibi to nɛnɛ nɛ fo anishi malɛ maaŋ naa wu nɛnɛ.

Baru lela nɛ Jɔn kute na 9:3

Nɛ Yesu kaŋɛ bumo: “Mannɛ kanyɛn ere gbagba be alubi so ŋko mo nio nɛ mo tuto be alubi so so nɛ e tan. E tan nna nɛ Ebɔrɛ e bɔla mo so ŋ ŋini basa mbe eleŋ be ashuŋ.

Ditɛronɔmi 34:7

Mosis daŋ ji nfɛ kalfa nɛ adunyɔ nna nseŋ wu, ama e daŋ kraa kɔ eleŋ nna fanɛ kabrantiɛ, nɛ mbe anishi malɛ daŋ kraa wu nɛnɛ.

1 Samuɛl 3:2

Loŋ be saŋɛ na nɛ Eli maŋ naa wu nɛnɛ. Kachako kanyɛso nɛ Eli dese mbe ebu to,