Jɛnesis 26:5 - EBƆRƐ BE KAWƆL

⁵ Meeŋ wora ade kikɛ nna ŋkpal Eebraham ka wora ma kasonu m bɛ ma mbra kikɛ so nɛ ma nɛ mo be ŋkre kikɛ so nɛ nnɔ naseso nɛ an nase n sa abar na kikɛ so so.”

Jɛnesis 26:5 ပူးပေါင်းရင်းမြစ်များ

Jɛnesis 12:4

Eebram be nfɛ adushunu nɛ anu be saŋɛ nɛ e lar Haran to, fanɛ kananɛ Enyɛnpe Ebɔrɛ kaŋɛ mo fanɛ e wora na. Nɛ Lɔt gba tu mo n yɔ.

Jɛnesis 17:23

Kumo be kachɛ na malɛ gbagba nɛ Eebraham wora kasonu n sa Ebɔrɛ nseŋ ku mo pibinyɛn Ishmaɛl nɛ benyɛn kama nɛ b kurge mbe laŋ to na kikɛ atutu n ta anya nɛ b daŋ kurge ashi mbe laŋ to nɛ bumo nɛ e tɔ n ti so.

Jɛnesis 18:19

N lara mo nna, nɛ e shin nɛ mbe mbia nɛ basa nɛ b wɔ mbe laŋ to kikɛ e wora kasonu n sa ma nsaa wora kusɔ nɛ k niŋi nɛ kusɔ nɛ k daga. Nɛ b wora loŋ, ma alɛ beeŋ wora kusɔ kama nɛ n nase kɔnɔ fanɛ meeŋ wora n sa mo ere Eebraham na.”

Jɛnesis 22:16

Enyɛnpe yɛ: “M bɔ ŋ gbagba be kumu fanɛ ŋkpal fo ka maŋ mɔn ma fo pibinyɛn koŋwule Aizek nseŋ daa shin nɛ fo ta mo n lara sarga n sa ma so so,

Jɛnesis 22:18

Fo kaman to ebi so nɛ durnya to ebi kikɛ beeŋ bɔla n nya nɛfa ŋkpal fo ka wora ma kasonu ere so.”

Jɛnesis 26:6

Ŋkpal loŋ so nɛ Aizek daŋ shir a wɔ Gerar.

Matiu 5:19

Amoso, esa kama nɛ e kini kenu n sa mbra na to be kebibi kama nseŋ ŋini basa kusɔ nɛ e yirda, beeŋ ba kaa la ekama be kebibi ashi Ebɔrɛ be kuwura na to. Ama ekama nɛ e bee bɛ amo so nsaa ŋini basa loŋ gbagba, beeŋ ba kaa la esagboŋ ashi Ebɔrɛ be kuwura na to.

Matiu 7:24

Amoso, ekama nɛ e nu ma mmalga ere nsaa bɛ amo so du fanɛ enyiashempo nɛ e pɔr mbe ebu n yili kefalta so nna.

1 Kɔrintebi 15:58

Amoso ŋ kurgepo shasoana, men baa yil to kpakpa. Men sa maŋ shin nɛ shɛŋ shɛŋ e tia menyi ashi to. Saŋkikɛ men baa ta men be ŋgbene kikɛ a wɔtɔ Enyɛnpe be kushuŋ na to, ŋkpal manɛ so, menyi alɛ gba baa nyi fanɛ men be kegben nɛ menyee gben a sa Enyɛnpe na maaŋ to jiga kikɛ.

Galeeshaebi 5:6

Ŋkpal manɛ so, nɛ an baa wɔ Kristo to, emo nɛ e ku kututu nɛ emo nɛ e maŋ ku kututu maŋ kɔr abar to. Kusɔ koŋwule nɛ k baa tir e la yirda nɛ k bee bɔla kasha so a shuŋ.

Hibruwebi 11:8

Eebraham be yirda so nɛ Ebɔrɛ daŋ tre mo nɛ e daŋ nu n sa mo nseŋ daŋ lar mbe kade to n yɔ kakpa nɛ Ebɔrɛ daŋ kaŋɛ fanɛ e beeŋ sa mo na. E daŋ lar mbe efuli so, ama e daa maŋ nyi kakpa nɛ e daa yɔ.

Jeems 2:21

An ta fanɛ an nananyɛn Eebraham ŋ keni kusɔ nɛ k ba nɛ Ebɔrɛ daŋ yili kumo fanɛ mo ere Eebraham maŋ kɔ kulubi mo to na. E ka daŋ shuli n ta mo pibi Aizek nɛ e ya lara sarga n sa Ebɔrɛ na so so nɛ Ebɔrɛ daŋ yili kumo fanɛ e maŋ kɔ kulubi mo to na.