Jɛnesis 26:22 - EBƆRƐ BE KAWƆL

²² Ŋkpal kɔnɔgberge na so, nɛ Aizek naŋ lar ndoŋ gba n yɔ kaboŋ pɔtɛ. Ndoŋ bre kɔnɔgberge kama daa maŋ naŋ ba, nɛ e nase kumo Rehobɔt ŋkpal manɛ so, e yɛ: “Naniere bre, Enyɛnpe na shin nɛ an nya anyi be amu nɛ an chena kasawule ere so n nya kanya.”

Jɛnesis 26:22 ပူးပေါင်းရင်းမြစ်များ

Jɛnesis 17:6

Meeŋ shin nɛ fo mbia e wora keshi nɛ efuli damtaana nɛ bewuraana e shi bumo to n lar.

Jɛnesis 26:21

Kede be kaman nɛ Aizek be nyɛrbi naŋ ya kur ketirbu ko nɛ bumo nɛ Gerarebi be asɔbɔya kpapoana na naŋ nya kɔnɔgberge ŋkpal kumo alɛ gba so nɛ Aizek naŋ sa kumo alɛ ketre Sitna.

Jɛnesis 28:3

Ebɔrɛ Enyɛnpetale na e nɛfa fo nseŋ sa fo mbia be kanya nɛ fo ba ki basa damta bumo tuto.

Jɛnesis 41:52

Ketre mo nɛ e daŋ sa mo pibinyɛn nyɔsopo na e daa la Efrayim nseŋ kaŋɛ: “N nase mo loŋ nna, ŋkpal manɛ so, Ebɔrɛ shin nna nɛ n nya kakurge ashi efuli mo nɛ n wɔ a ji awurfoŋ so.”

Nshɛ 118:5

Ma awurfoŋ nɛ ebesa to nɛ n shu n tre Enyɛnpe Ebɔrɛ na, nɛ e nu ma kabɔrɛkule nseŋ lara kafɔŋ na ma so.

Nshɛ 119:32

N wora shiriya kenishipereso nna nɛ ŋ wora fo mbraana kasonu, ŋkpal manɛ so, feeŋ chɛ ma to nɛ n nya kepinto n ti so.

Nshɛ 18:19

Mo e lara ma ashi kenishipere na to, nseŋ mɔlga ma ŋkpal ma asheŋ ka bee bɔlɔ mo kenishi so.

Nshɛ 4:1

Enyɛnpe Ebɔrɛ nɛ fo la ma ekumpo, nu ma kekule. N daa wɔ tɔrɔ to nna nɛ fo chɛ ma to. Amoso wu ma kuwɔr nseŋ nu ma kekule.

Ɛksodɔs 1:7

Ama bumo be kaman to ebi, Israɛlebi na, daa kurge nna ga n wora keshi n sɔ kasawule na so kikɛ.

Aizaaya 54:2

Kpalga wajɛbu nɛ fo wɔtɔ to na, nseŋ teŋi amo be efɔlana so nseŋ naŋ lɔŋɛ kumo be ayir ŋ gbir nɛnɛ!

Aizaaya 54:3

Fo nɛ fo kaman to ebi beeŋ sɔ efuli pɔtɛana be nsawule ŋ ki menyeya; nseŋ pɔr n chena bumo be nde nɛ e bure a dese naniere na to.