Jɛnesis 26:18 - EBƆRƐ BE KAWƆL

¹⁸ E ka yɔ ndoŋ na nɛ e naŋ ya shin nɛ b kur ŋ kur atirbu nɛ b daŋ kur Eebraham be jemanɛ to nɛ Filistiebi na daŋ ti amo na to nɛ e naŋ bɛta n ta atre mo nɛ mo tuto daŋ nase amo na gbagba n nase amo.

Jɛnesis 26:18 ပူးပေါင်းရင်းမြစ်များ

Jɛnesis 21:25

Eebraham ka nase kɔnɔ na n loge nɛ e kaŋɛ Abimelɛk kusɔ nɛ k deŋ mbe kagbene so. E yɛ, “Fo shin nɛ fo nyɛrbi suge ketirbu ko ashi ma basa kutɔ.”

Jɛnesis 21:30

Nɛ Eebraham kaŋɛ mo: “Jande, sɔ mbolpɔ cheso fɔlbi ashunu ere nɛ k baa la shɛda a ŋini fanɛ ma e kur ketirbu nɛ fo nyɛrbi suge na.”

Jɛnesis 21:31

Kede so nɛ kaboŋ na nya ketre Bɛshiba na a ŋini fanɛ ndoŋ nɛ basa anyɔ na nase kɔnɔ n sa abar.

Jɛnesis 26:17

Ndoŋ nna nɛ Aizek koso bumo to n yɔ Gerar be ketaŋɛ to n ya yuu mbe wajɛbu ndoŋ n chena.

Jɛnesis 26:19

Kachako nɛ Aizek be nyɛrbi kur Gerar be ketaŋɛ to n nya nchu lela ko ndoŋ.

2 Kronikɛls 26:10

Mo alɛ daŋ m pɔr atempreŋ jeŋgreŋ nna ashi efuli na be kiyi to nseŋ kur edampu damta ŋkpal e ka kɔ asɔbɔya damta nɛ b wɔ epeŋitɔrkpa be kaba so be abee be efuli nɛ keplasawule so na so. Ŋkpal e ka bee sha kudɔ ga so, e daŋ leŋ basa na to nna fanɛ b baa dɔ ndibi nɛ baa tre greep na be adɔ ashi abee be efuli na so nsaa dɔ adɔjibi ndoŋ be kasawule lela na so.

Nshɛ 16:4

Ama bekama nɛ b shil a bɛ agbirana so na bre be etɔrɔ beeŋ wora keshi ga. M maaŋ tu bumo n lara bumo be agbir na be esarga. Ma alɛ maaŋ bunyaŋ amo.

Hoziya 2:17

Ma alɛ beeŋ lara kegbir nɛ baa tre Baal na be ketre ashi men be nnɔ to nɛ men maaŋ naŋ shu n tre kumo kikɛ.

Zakareya 13:2

Jemanɛ na kaŋ fo, meeŋ mur agbirana be atre kasawule na so nɛ esa maaŋ naa nyiŋi amo be asheŋ gba kuraa. Ma alɛ beeŋ lara anebi fɛpoana na nɛ eyurpisheŋ be kiyoyu gba kasawule na so.

Nɔmbɛs 32:38

nɛ Sibma nɛ nde nɛ b daa tre Nebo nɛ Baal Miɔn na. B daŋ nase nde nɛ b pɔr egbal ŋ kulti na atre popɔr nna.