Jɛnesis 26:14 - EBƆRƐ BE KAWƆL

¹⁴ E daa kɔ asɔyigeso damta nɛ nyɛrbi damta nɛ Filistiebi na fara a besa mo eyur

Jɛnesis 26:14 ပူးပေါင်းရင်းမြစ်များ

Jɛnesis 12:16

Ŋkpal Sɛɛrai so, ewura Fɛɛro daŋ keni Eebram so nna nɛnɛ nseŋ daŋ sa mo mbolpɔ nɛ ana nɛ ekurma nyɛnso nɛ becheso nɛ anya nyɛnso nɛ becheso n ta enyɔma n ti so.

Jɛnesis 13:2

Eebram daa la damawura nna kashenteŋto nseŋ daa kɔ mbolpɔ nɛ mboe nɛ ana nɛ shuwa nɛ gbiti.

Jɛnesis 24:35

Enyɛnpe Ebɔrɛ malɛ nɛfa n nyɛnpe Eebraham ga nɛ e dii dama. E sa mo mbolpɔ nɛ ana nɛ shuwa nɛ gbiti nɛ anya nyɛnso nɛ becheso nɛ enyɔma nɛ ekurma.

Jɛnesis 25:5

Eebraham daŋ yige kusɔ kama nɛ e daa kɔ nna n sa Aizek.

Jɛnesis 30:43

Ŋkpal loŋ so Jeekɔb daŋ ba ki damawura gboŋgboŋi nna a kɔ asɔbɔya damta nɛ nyɛrbi nɛ mbita nɛ enyɔma nɛ ekurma ga.

Jɛnesis 37:11

Ndoŋ nna nɛ mo daana na fara a kɔ mo kukɔrkɔ ŋko a besa mo eyur ashi bumo be ŋgbene to, ama mo tuto bre daa maŋ teŋ kesheŋ na so.

Job be kawɔl 1:3

nseŋ daa kɔ mbolpɔ ŋgboŋ ashunu nɛ enyɔma ŋgboŋ asa nɛ ana kagboŋ nɛ ekurma alfa anu nna. Mo alɛ daa naa kɔ beshumpo damta ga nseŋ daa la esa nɛ e dii dama a chɔ ekama ashi efuliana nɛ a wɔ epeŋilarkpa be kaba so na.

Job be kawɔl 42:12

Ade kikɛ be kaman, nɛ Enyɛnpe Ebɔrɛ na naŋ nɛfa Job a chɔ kananɛ e daŋ nɛfa mo dra na. E daŋ naŋ sa mo mbolpɔ ŋgboŋ kuduana nɛ enyɔma ŋgboŋ ashe nɛ egbolu dɔso be benyɔ nyɔ be ntuŋ kagboŋ nɛ ekurma kagboŋ nna.

Job be kawɔl 5:2

Kayurbesa nɛ kukɔrkɔ e naŋ mɔ ewulpo nɛ e maŋ nyi asheŋ.

Nshɛ 112:10

Basa lubi baŋ wu basa nɛ b kɔ le be kebaawɔtɔ ere, baa nya agbo nna a we anyi to yurkishi so nseŋ foe eyur to. B maaŋ nya bumo be kepar kikɛ.

Nshɛ 112:3

Baaŋ nyalɛ nseŋ dii dama; nɛ ekama malɛ e baa nyiŋi bumo ŋkpal bumo be aworbi ka niŋi so.

Aŋasa 10:22

Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Aŋasa 27:4

Esa nɛ e bee nya agbo manaŋ manaŋ lubi a chɔ, esa nɛ e bee kɔ kukɔrkɔ lubi.

Kaŋinichiŋgeliŋ 4:4

Kumo be kaman nɛ n naaŋ pɛshɛ m pin kusɔ nɛ k ba nɛ basa bee pere kenishi a shuŋ ga nɛ b dii dama. Amo kikɛ to nɛ n wu fanɛ an ka bee besa abar eyur so nɛ k du loŋ. Ama amo kikɛ la fuloŋ nna. K du fanɛ fo ka ju a bɛ afu so nna.

1 Samuɛl 18:9

Amoso baŋ yili loŋ be kachɛ na a yɔ nɛ Sɔɔl fara a kɔ Deevid kukɔrkɔ nsaa maŋ naŋ yirda mo nɛnɛ kikɛ.