Jɛnesis 26:12 - EBƆRƐ BE KAWƆL

¹² Aizek ka dɔ n duu asɔ kasawule na so nɛ e nya adɔjibi ga loŋ be kafɛ na ŋkpal Enyɛnpe Ebɔrɛ na ka nɛfa mo so so.

Jɛnesis 26:12 ပူးပေါင်းရင်းမြစ်များ

Jɛnesis 24:1

Naniere Eebraham nya nfɛ damta nseŋ bel ga nɛ Enyɛnpe malɛ nɛfa mo ashi ekpa kama so nyam.

Jɛnesis 24:35

Enyɛnpe Ebɔrɛ malɛ nɛfa n nyɛnpe Eebraham ga nɛ e dii dama. E sa mo mbolpɔ nɛ ana nɛ shuwa nɛ gbiti nɛ anya nyɛnso nɛ becheso nɛ enyɔma nɛ ekurma.

Jɛnesis 25:11

Eebraham ka wu nɛ Ebɔrɛ nɛfa mo pibinyɛn Aizek nɛ e daŋ ya kaa wɔ a mata Beer Lahai Roi na.

Jɛnesis 26:29

fanɛ fo maaŋ wora anyi shɛŋ fanɛ kananɛ fo daa wɔ anyi kutɔ nɛ an maŋ tɔrɔ fo nseŋ daa kɔ fo to a wora fo kelela loŋ n ya lara fo ndoŋ kagbenewushiso boeŋ na. Naniere an wu fanɛ Enyɛnpetale nɛfa fo, amoso nɛ an ba na.”

Jɛnesis 26:3

Baa wɔ nfe n wora nchɛnnyɔ nɛ m baa wɔ fo kutɔ a nɛfa fo. Meeŋ bɛ kɔnɔ nɛ n nase n sa fo tuto Eebraham na so nseŋ ta kasawule ere kikɛ n sa fo nɛ fo kaman to ebi.

Jɛnesis 30:30

Asɔbɔya gbrɛbi nɛ fo daa kɔ pɔɛŋ nɛ m ba, ama naniere b salga n sɔ kakpa, nɛ Enyɛnpe na bɔla ma so n nɛfa fo ekpa kama so. To saŋɛ mo nɛ ma alɛ beeŋ wora kusɔ ko n sa ŋ gbagba be laŋ to ebi?”

Job be kawɔl 42:12

Ade kikɛ be kaman, nɛ Enyɛnpe Ebɔrɛ na naŋ nɛfa Job a chɔ kananɛ e daŋ nɛfa mo dra na. E daŋ naŋ sa mo mbolpɔ ŋgboŋ kuduana nɛ enyɔma ŋgboŋ ashe nɛ egbolu dɔso be benyɔ nyɔ be ntuŋ kagboŋ nɛ ekurma kagboŋ nna.

Nshɛ 67:6

Anyi be Ebɔrɛ na nɛfa kasawule n shin nɛ k wora ajibi n sa anyi.

Nshɛ 72:16

Shin nɛ ndegboŋ nɛ e wɔ kasawule na so kikɛ e bɔlɔ ajibi, nɛ abeeana so kikɛ e bɔlɔ aboyu nɛ ayu be yiri kikɛ. Shin nɛ kasawule na so be ndibi sɔrso e wora ga, fanɛ Lebanɔn be kebee so be ndibi sɔrso peya, nseŋ shin nɛ ndegboŋ na e bɔlɔ basa fanɛ kupuŋ to be afitiri.

Aŋasa 10:22

Enyɛnpe Ebɔrɛ e naa ta esa e ki damawura. Kepere kenishi n shuŋ maaŋ tiŋ n shin nɛ fo dii dama.

Kaŋinichiŋgeliŋ 11:6

Baa wule a koso kachipurdidi n ya kaa duu fo asɔduu nsaa pere kenishi a shuŋ a tɔr epeŋi. Ŋkpal manɛ so fo maaŋ tiŋ m pin fanɛ kachipurso peya na ŋko kaaseso peya na e naaŋ wora n lar tɔnɔ n sa fo.

Zakareya 8:12

Meeŋ shin nɛ men dɔ n duu menyi be asɔduuso kayurwushiso. Menyi be afeelebi nɛ e bee sɔr asɔrso nɛ baa tre greeps na beeŋ sɔr nɛnɛ, nɛ bɔrɛ e ba ga nɛ men be kasawule e wora adɔjibi nɛnɛ. Ma efuli so be basa nɛ baaŋ ji efute na nɛ meeŋ nɛfa le be ekpa so.

Matiu 13:23

Asɔ duuso nɛ a tɔr eshishɛr lela to na du fanɛ esa nɛ e bee nu kamalga na nsaa pin kumo to na nna. Le be esa e naa bar tɔnɔ kashenteŋto na fanɛ kananɛ asɔ duuso bee wora bibi na, saŋko a bee wora bibi kalfa, saŋko bibi adeshe, nɛ saŋko malɛ bibi adesa.”

Matiu 13:8

Ama asɔ duuso na be ako malɛ tɔr eshishɛr lela to ŋ kɔr n daŋ n wora. Amo be ako wora bibi kalfa kalfa, ako adesheshe, ako malɛ adesasa.”

Maak 4:8

Asɔ duuso na be ako malɛ tɔr eshishɛr lela to ŋ kɔr n daŋ n wora. Amo be ako wora bibi adesasa, ako adesheshe, ako malɛ kalfa kalfa.”

1 Kɔrintebi 3:6

An baa du fanɛ basa nɛ b wɔ ndɔ to a shuŋ nna. Ma e duu asɔ duuso nɛ Apɔlɔs wora nchu n wurge amo so, ama Ebɔrɛ e shin nɛ a daŋ.