Jɛnesis 25:6 - EBƆRƐ BE KAWƆL

⁶ Ama e ka daa wɔ ŋkpa to na e daŋ kɛ mo jipocheana be mbia na asɔ nna pɔɛŋ nseŋ n shin nɛ b lar Aizek kutɔ n ya ka wɔ epeŋipetekpa.

Jɛnesis 25:6 ပူးပေါင်းရင်းမြစ်များ

Jɛnesis 16:3

Nɛ Sɛɛrai ta mbe Ijipt be kebita Heega na n sa Eebram fanɛ e ki mbe eche. Eebram daŋ chena Keenan beeŋ wora nfɛ kudu be kaman nna pɔɛŋ nɛ loŋ be kesheŋ na wora.

Jɛnesis 21:14

Ebɔrɛ ka malga loŋ ŋklade chipurdidi nɛ Eebraham ta ajibi nɛ deŋkeŋ nɛ nchu n sa Heega. E daŋ ta amo kikɛ nna n di mo nseŋ ju mo nɛ mbe kebia na fanɛ b baa yɔ. Ndoŋ nna nɛ Heega lar m pɛ ekpa n ya kaa na Bɛshiba be kiyi to a kilgi to.

Jɛnesis 25:1

Eebraham be eche Sɛɛra ka wu na be kaman nɛ e naŋ ta eche ko nɛ baa tre mo Ketura.

Jɛnesis 29:1

Jeekɔb ka lar Bɛtɛl nɛ e ta kumu n sɔ epeŋipetekpa be kaba so ebi be efuli so.

Jɛnesis 30:4

Kamalga ere be kaman nɛ Reechel ta mbe kebita Bilha n sa mo kul Jeekɔb fanɛ e ta mo ŋ ki mbe eche.

Jɛnesis 30:9

Lia malɛ ka wu fanɛ e maŋ naa kurge nɛ mo alɛ gba ta mbe kebita Zilpa n sa mo kul fanɛ e ta mo ŋ ki mbe eche.

Jɛnesis 32:22

Kumo be kanyɛso nɛ Jeekɔb koso n ta mbe beche nɛ bumo be mbita anyɔ nɛ mbe bibinyɛn kudukako n ya bɔla Jabɔk be lɔr na be kakpa nɛ k maŋ wɔ nchiŋ na n dii.

Jɛnesis 35:22

Saŋɛ nɛ Jeekɔb daa wɔ ndoŋ na nɛ Ruben ya tu mo tuto Jeekɔb mo jipoche Bilha n di nɛ Jeekɔb nu kumo be asheŋ. Jeekɔb daa kɔ mbinyɛnbi kuduanyɔ nna.

2 Kronikɛls 11:21

Ewura Rehoboam daa kɔ beche kuduaburwa nɛ bejipo malɛ adeshe. E daa kɔ bibinyɛn adunyɔ nɛ aburwa nɛ bibiche malɛ adeshe. Mbe beche nɛ bejipo kikɛ to Maaka nɛ e daa sha ga.

Job be kawɔl 1:1

Kanyɛn ko e daa wɔ Uz be kasawule so nɛ baa tre mo Job. Job daa la esa nɛ esa kikɛ maŋ tiŋ n wu mo kulubi nna. E daa la esa nɛ e bee bunyaŋ Ebɔrɛ nseŋ kishi kulubi be kewora nna.

Job be kawɔl 1:3

nseŋ daa kɔ mbolpɔ ŋgboŋ ashunu nɛ enyɔma ŋgboŋ asa nɛ ana kagboŋ nɛ ekurma alfa anu nna. Mo alɛ daa naa kɔ beshumpo damta ga nseŋ daa la esa nɛ e dii dama a chɔ ekama ashi efuliana nɛ a wɔ epeŋilarkpa be kaba so na.

Matiu 5:45

saŋɛ na so menyeeŋ baa la men Tuto nɛ e wɔ ebɔrɛso na be mbia. Men baa nyi fanɛ mo ere gbagba maa kpɛa to a shin nɛ mbe epeŋi bee nyaŋɛ a yuu basa lela so a ka basa lubi, mo alɛ maŋ naa shin nɛ bɔrɛ bee ba a sa basa nɛ baa ji asheŋ nɛ amo be ekpa so a ka bumo nɛ b maa wora loŋ na.

Ashuŋ Shunso 14:17

Ama jemanɛ kikɛ, mo alɛ bee wora asɔ lela damta nna a ŋini menyi esa nɛ e la mo. Mo e naa sa menyi bɔrɛchu nɛ adɔjibi jemanɛ nɛ a daga. Mo e naa sa menyi ajibi jiso nsaa shin nɛ kagbenefuli bee bɔlɔ menyi to.”

Demujipoana 19:4

Eche na mo tuto na daa maa sha fanɛ kanyɛn na e bɛta n yɔ kakpa nɛ e shi m ba. Amoso nchɛ asa nɛ e daŋ ji ndoŋ, nɛ mo nɛ mo shanyɛn bee ji a nuu.

Demujipoana 6:3

Jemanɛ kikɛ nɛ Israɛlebi na baŋ ya dɔ n duu bumo be adɔjibi, Midianebi nɛ Amalɛkebi nɛ basa nɛ b wɔ keshishɛrsawule be epeŋilarkpa be kaba so na, bee ba nna m ba kaa kɔ bumo.