Jɛnesis 25:26 - EBƆRƐ BE KAWƆL

²⁶ Isɔɔ ka lar na be kaman nɛ mo sipo malɛ pɛ mbe kenaŋkuŋ to m bɛ mo so m ba lar. Ŋkpal loŋ so nɛ b nase mo ketre Jeekɔb. Saŋɛ nɛ Rebɛka kurge mbia ere na nɛ Aizek la nfɛ adeshe nna.

Jɛnesis 25:26 ပူးပေါင်းရင်းမြစ်များ

Jɛnesis 21:5

Eebraham daa la nfɛ kalfa nna nɛ b kurge mo pibinyɛn Aizek.

Jɛnesis 25:20

Aizek malɛ daŋ ji nfɛ adena nna pɔɛŋ nseŋ ta Rebɛka nɛ mo tuto daa la Bɛtuwɛl, Mɛsopoteemia be esa na. Rebɛka mo siponyɛn malɛ e daa la Leeban.

Jɛnesis 27:36

Nɛ Isɔɔ kaŋɛ mo tuto: “Mbe kela nyɔsopo nna na e ka puni ma. E daŋ kesɔ ma kekurge to be kenimu nseŋ naŋ sɔ ma nɛfa ere na. Alawude e ka bee ji Jeekɔb.” Kamalga ere be kaman nɛ Isɔɔ bishi mo tuto: “Ama fo maŋ yige nɛfa kaman yili ma a?”

Jɛnesis 35:28

Aizek be nfɛ nɛ e daŋ ji daa wɔ nfɛ kalfa nɛ aduburwa nna.

1 Kronikɛls 1:34

Eebraham pibinyɛn Aizek be mbinyɛnsobi daa wɔ benyɔ. Bumo e la Isɔɔ nɛ Jeekɔb.

Hoziya 12:3

Bumo nananyɛn Jeekɔb nɛ mo da Isɔɔ nɛ b daa la mborobi na daŋ kɔ emaŋ nna ashi bumo nio be epunto. Ama Jeekɔb ka ba daŋ nɛ mo nɛ Ebɔrɛ

Hoziya 12:4

be malaika kɔ emaŋ nɛ Jeekɔb pɔɔ mo so nseŋ shu ŋ kule mo fanɛ e nɛfa mo. Ndoŋ nna nɛ Enyɛnpe Ebɔrɛ malga mo kutɔ ndoŋ ashi Bɛtɛl.

Malakai 1:2

E yɛ: “Israɛlebi, saŋkama, ma kasha wɔ menyi so nna ga.” Ama le nɛ bumo alɛ daŋ kaŋɛ: “Ekpa mo so nɛ fo ŋini anyi kasha?” Ndoŋ nna nɛ Enyɛnpe Ebɔrɛ kaŋɛ: “Isɔɔ nɛ Jeekɔb la esa nɛ mo sipo nna, ama Jeekɔb nɛ mbe kaman to ebi nɛ n lara a sha ga,

Nɔmbɛs 20:14

Nɛ Mosis yili Kadɛsh n shuŋi mbɔ fanɛ b ya kaŋɛ Edɔm be ewura le: “Fo kurgepoana Israɛlebi e la anyi. Fo gbagba nyi awurfoŋ nɛ anyee ji

Ashuŋ Shunso 7:8

Kumo be kaman nɛ Ebɔrɛ shin nɛ mo nɛ Eebraham nase kɔnɔ nɛ e kaŋɛ Eebraham fanɛ mbe kaman to ebi e baa ku atutu a ŋini fanɛ b sɔ kɔnɔ naseso na. Amoso, b ka kurge Aizek mbe kachɛ burwasopo nɛ Eebraham ku mo kututu nɛ Aizek malɛ ba ku Jeekɔb peya nɛ Jeekɔb malɛ ku mbe mbia, basa kuduanyɔ nɛ b juŋkpar Israɛlebi be kanaŋ kuduanyɔ na be atutu.

Ditɛronɔmi 23:8

Yili bumo be kenanafofo mbaanaayɔ, bumo be kaman to ebi ti Enyɛnpe Ebɔrɛ na be basa, Israɛlebi so.

Joshuwa 24:4

N sa Aizek malɛ mbinyɛnbi anyɔ nɛ baa tre Jeekɔb nɛ Isɔɔ na. Edɔm be abee be kasawule na be kaba so nɛ n ta n sa Isɔɔ fanɛ mbe kapetɛ, ama Jeekɔb bre nɛ mbe mbia daŋ yɔ Ijipt nna.