Jɛnesis 25:23 - EBƆRƐ BE KAWƆL

²³ Ndoŋ nna nɛ Enyɛnpe Ebɔrɛ kaŋɛ mo le: “Mbia anyɔ nɛ baaŋ ba ki efuli anyɔ be bejuŋkparpo anyɔ a wɔ fo epun to. Bumo alɛ beeŋ ba barga to a wɔtɔ. Eko beeŋ ba kaa kɔ eleŋ a chɔ mo barkasa, nɛ enimuso na e ba kaa shuŋ ekekarso so na.”

Jɛnesis 25:23 ပူးပေါင်းရင်းမြစ်များ

Jɛnesis 17:16

Meeŋ nɛfa mo nseŋ shin nɛ e kurge ebinyɛn n sa fo. Meeŋ nɛfa mo n shin nɛ mbe mbia e ki efuli damta be bewura.”

Jɛnesis 17:4

“Ma kɔnɔkoŋwule be ŋkre nɛ k wɔ ma nɛ fo be kefɛato e la fanɛ, feeŋ ki efuli damtaana be basa bumo tuto.

Jɛnesis 24:60

Le be mmalga nɛ b daŋ ta ŋ kela mo. B yɛ: “Esipoche, Ebɔrɛ e nɛfa fo n shin nɛ fo mbia e wora keshi n fo ŋgboŋto ŋgboŋto nɛ fo kanaŋ to ebi kikɛ e pɔɔ bumo doŋana so n sɔ bumo be mboŋ a wɔtɔ.”

Jɛnesis 25:24

B wɔtɔ loŋ nɛ mbe kakurge be saŋɛ ba fo nɛ e kurge mborobi nyɛnso.

Jɛnesis 25:27

Mbia na ka daŋ nɛ Isɔɔ ki ekpampo a nyi kekpaŋ to ga nsaa sha kupuŋ to be kebaawɔtɔ, nɛ Jeekɔb malɛ du boeŋ nsaa sha laŋ to be kebaawɔtɔ.

Jɛnesis 27:29

Ebɔrɛ e shin nɛ efuli pɔtɛana be basa e ba kaa bunyaŋ fo nɛ basa be nnanto e baa gbir fo kumuli. Baa la fo sipoana kikɛ be ewura n shin nɛ fo nio be bibinyɛn kikɛ e ba kaa gbir fo kumuli. Ebɔrɛ e shin nɛ bekama nɛ baaŋ sho fo kɔnɔ e nya kɔnɔsho nɛ bekama malɛ nɛ b nɛfa fo e nya nɛfa.”

Jɛnesis 27:33

Nɛ Aizek be eyur kikɛ chicha mo nɛ e bishi: “To, nɛ wanɛ malɛ e ya ji kekpaŋ n daŋɛ m bar ma na? M baŋ ji kumo nna pɔɛŋ nɛ fo ba na. Ma alɛ teŋ nɛfa amodoŋwura. Kashenteŋto malɛ, m maaŋ naŋ tiŋ n laŋɛ nɛfa na.”

Jɛnesis 27:37

Nɛ Aizek kaŋɛ mo pibi Isɔɔ: “N teŋ ta mo ŋ ki fo nyɛnpe nseŋ ta mo niopibiana kikɛ ŋ ki mbe nyɛrbi. N ta ayu be yiri to be asɔ duuso kikɛ be kanya nɛ yabra belbelso kikɛ be kanya n sa mo. Amoso m pibi shɛŋ maŋ naa wɔtɔ nɛ meeŋ naŋ tiŋ n wora n sa fo.”

Jɛnesis 27:40

Fo tokobi so nɛ feeŋ baa bɔla a ji; fo alɛ beeŋ baa la fo sipo be kayɛrbi nna. Ama kachɛ nɛ fo ba diewu bre, feeŋ sɔ fo kumu ashi mbe enɔ to.”

Jɛnesis 32:6

Mbɔ na ka bɛta m ba Jeekɔb kutɔ nɛ b kaŋɛ mo le: “An yɔ fo da Isɔɔ kutɔ, amoso e ta basa alfa ana a shɛr fo to.”

Jɛnesis 33:3

Jeekɔb ka wora loŋ na nɛ mo gbagba juŋkpar bumo kikɛ a jɔŋɛ a jɔŋɛ mo da Isɔɔ ase. E daŋ jɔŋɛ mo ase ale shunu nna pɔɛŋ nseŋ tu mo.

Jɛnesis 36:31

Le be bewura ere e daŋ ji kuwura ashi Edɔmebi na so pɔɛŋ nɛ Israɛlebi na be ekama fara a ji kuwura.

Jɛnesis 48:19

Ndoŋ nna nɛ mo tuto kini nseŋ kaŋɛ: “N nyi, m pibi n nyi. Mo alɛ gba beeŋ ki basa ko be kumuwura, mo alɛ gba beeŋ ba ki esagboŋ, ama mo sipo e naaŋ ba kaa chɔ mo eleŋ nɛ mbe kanaŋ to ebi e ba ki efuli damtaana be basa.”

2 Samuɛl 8:14

Deevid daŋ yige mbe benapo ko ashi Edɔm be efuli so nna, nɛ ndoŋebi bee shuŋ mo. Kaplɛkama malɛ nɛ Deevid baaŋ yɔ, Enyɛnpe Ebɔrɛ na bee chɛ mo to nna nɛ e bee kɔ a pɔɔ so.

1 Bewura 22:47

Loŋ be jemanɛ na nɛ Edɔm be efuli so maŋ kɔ ewura, amoso Juda be ewura e daŋ lara mbe ebɛsopo nɛ e bee ji kumo be kuwura.

1 Kronikɛls 18:13

E daŋ wora benapo be echenakpaana nna ashi Edɔm be efuli so kikɛ nna n shin nɛ basa nɛ b wɔ ndoŋ na kikɛ sɔ ewura Deevid ŋ ki bumo be ewura. Kaplɛkama malɛ nɛ ewura Deevid daŋ yɔ, Enyɛnpe Ebɔrɛ na daa shin nna nɛ e bee kɔ a pɔɔ so.

Obadaya 1:21

Zayɔn to be bekɔmpɔɔsopoana beeŋ ya kɔ Edɔm m pɔɔ kumo so nsaa ji kuwura kumo so. Enyɛnpetale malɛ gbagba e naaŋ ki bumo be ewura.”

Nɔmbɛs 20:14

Nɛ Mosis yili Kadɛsh n shuŋi mbɔ fanɛ b ya kaŋɛ Edɔm be ewura le: “Fo kurgepoana Israɛlebi e la anyi. Fo gbagba nyi awurfoŋ nɛ anyee ji

Ditɛronɔmi 2:4

Kumo be kaman nɛ e naŋ kaŋɛ ma fanɛ n ta mbraana ere n sa menyi: “Menyee sha kebɔla Edɔmebi nɛ b la Isɔɔ be kaman to ebi nseŋ naa la men kurgepoana na be kasawule so n choŋ nna na. Baaŋ baa ŋana menyi,

Ditɛronɔmi 2:8

Amoso an ka wɔ enite na to na nɛ an ku Isɔɔ be kaman to ebi nɛ b la an kurgepoana na be kasawule n lɛ. An daŋ bɔla ekpa nɛ k dese nde nɛ baa tre Elaf nɛ Eziɔngɛba a yɔ Teku Wuso na ase na nna, nseŋ ya kilgi n sɔ keshishɛrsawule be ekpa nɛ k bee yɔ Mowab be kasawule so na.

1 Samuɛl 17:14

Deevid e daa la bumo kikɛ to be kebia,