Jɛnesis 25:20 - EBƆRƐ BE KAWƆL

²⁰ Aizek malɛ daŋ ji nfɛ adena nna pɔɛŋ nseŋ ta Rebɛka nɛ mo tuto daa la Bɛtuwɛl, Mɛsopoteemia be esa na. Rebɛka mo siponyɛn malɛ e daa la Leeban.

Jɛnesis 25:20 ပူးပေါင်းရင်းမြစ်များ

Jɛnesis 22:23

Bɛtuwɛl na e daŋ ba ki Rebɛka mo tuto na. Bibinyɛn aburwa ere nɛ Milka daŋ kurge n sa Eebraham mo sipo Nahɔɔ.

Jɛnesis 24:15

Pɔɛŋ nɛ Eebraham be kayɛrbi na e kule Ebɔrɛ n loge nɛ Rebɛka ta lɔŋkɔŋ m bɛ mbe kebatemu so m ba lar. Rebɛka daa la Bɛtuwɛl pibiche nna nɛ Bɛtuwɛl malɛ daa la Nahɔɔ nɛ Milka pibi. Nahɔɔ malɛ daa la Eebraham mo sipo nna.

Jɛnesis 24:29

Rebɛka daa kɔ esiponyɛn nɛ baa tre mo Leeban. Ndoŋ nna nɛ Leeban koso n shile a yɔ kanyɛn na kutɔ ashi ketirbu na ase.

Jɛnesis 24:67

Kubɔya na be kaman nɛ Aizek keta Rebɛka m ba wajɛbu nɛ mo nio Sɛɛra daa wɔtɔ na to m ba ta mo ŋ ki mbe eche. Rebɛka ka ba ki Aizek be eche na Aizek daa sha mo ga nɛ kumo be loŋ shin nɛ mo nio be luwu be ebesa nɛ k daa kɔ mo na lar nɛ kagbene wushi mo.

Jɛnesis 25:26

Isɔɔ ka lar na be kaman nɛ mo sipo malɛ pɛ mbe kenaŋkuŋ to m bɛ mo so m ba lar. Ŋkpal loŋ so nɛ b nase mo ketre Jeekɔb. Saŋɛ nɛ Rebɛka kurge mbia ere na nɛ Aizek la nfɛ adeshe nna.

Jɛnesis 27:43

Amoso, m pibi, nu nfe nseŋ wora kusɔ nɛ mee sha kekaŋɛ fo ere. Lar nfe manaŋ n shile n yɔ n siponyɛn Leeban kutɔ ashi Haran.

Jɛnesis 28:2

Kusɔ nɛ k daga fanɛ fo wora e la fanɛ fo yɔ fo nananyɛn Bɛtuwɛl pe ashi Mɛsopoteemia epul ere to n ya fin fo wɔpa Leeban be mbichebiana na be eko n ta ŋ ki fo eche.

Jɛnesis 28:7

Mo alɛ daŋ naŋ nu fanɛ Jeekɔb daŋ wora mo tuto nɛ mo nio kasonu nna nseŋ yɔ Mɛsopoteemia.

Jɛnesis 31:18

nseŋ kpa mbe asɔbɔya kikɛ n juŋkpar n ta asɔ nɛ e daŋ nya ashi Mɛsopoteemia na kikɛ n ti so a yɔ mo tuto Aizek kutɔ ashi Keenan be efuli so.

Jɛnesis 31:20

Kumo be kaman Jeekɔb malɛ gba daŋ fule Mɛsopoteemia be kanyɛn Leeban na nna ŋkpal e ka ŋana mo so n shile so.

Jɛnesis 31:24

Kumo be kanyɛso nɛ Ebɔrɛ lar Leeban so edare to ŋ kaŋɛ mo le: “Baa da so nsaa maŋ kaŋ malga kamalga lubi kikɛ ŋ gbiti Jeekɔb.”

Jɛnesis 33:18

Jeekɔb ka shi Mɛsopoteemia be efuli so m ba nɛ alenfia nɛ ya chena m mata kadegboŋ nɛ baa tre Shɛkɛm nɛ k wɔ Keenan be kasawule so na.

Jɛnesis 35:26

Lia be kebita Zilpa be mbia e daa la, Gad nɛ Ashɛr. Jeekɔb be mbinyɛnbi nɛ b daŋ kurge n sa mo ashi Mɛsopoteemia be efuli so nna na.

Jɛnesis 35:9

Jeekɔb ka bɛta n shi Mɛsopoteemia be efuli so a yɔ Keenan na nɛ Ebɔrɛ naŋ lara mbe kumu ŋ ŋini mo nseŋ nɛfa mo

Jɛnesis 46:15

To, bibinyɛn nɛ Lia daŋ kurge n sa Jeekɔb ashi Mɛsopoteemia nna na. Daina nawule e daa la mo pibi cheso ndoŋ. Ama Jeekɔb be bibinyɛn nɛ bibiche kikɛ daa wɔ mbia adesa nɛ asa.

Luuk 4:27

Anebi Elaisha malɛ be jemanɛ na bebotipo damta e daa wɔ Israɛl be efuli so, ama Ebɔrɛ daa maŋ shin nɛ e chɛ bumo be ekama she Neeman nɛ e shi Siriya na.”

Ditɛronɔmi 26:5

Kumo be kaman nɛ esa nɛ e bar kakɛ na e kaŋɛ le ashi Enyɛnpe Ebɔrɛ na be anishito, “N nananyɛn daa la esa nɛ e shi Aremiya be efuli so nna. Mo alɛ daa maa kɔ mo kumu so be kowu nseŋ daŋ ta mbe kanaŋ n yɔ Ijipt be efuli so n ya chena ndoŋ. B ka daŋ yɔ ndoŋ nɛ b daa maŋ shi, ama b daŋ m ba ki efuligboŋ nɛ k kɔ eleŋ ga.