Jɛnesis 25:18 - EBƆRƐ BE KAWƆL

¹⁸ Ishmaɛl be kaman to ebi daa tase kakpa nɛ k wɔ Havila nɛ Shur be kefɛato ashi Ijipt be efuli so be ekarso a yɔ Asiriya be efuli so be kaba so nna. Bumo nɛ bumo kurgepoana daa maŋ chena abar so.

Jɛnesis 25:18 ပူးပေါင်းရင်းမြစ်များ

Jɛnesis 10:29

nɛ Ɔfir nɛ Havila nɛ Jobaab. Bede kikɛ nyam daa la Jɔktan be mbia nna.

Jɛnesis 10:7

Kush malɛ be bibinyɛn e daa la Seba nɛ Havila nɛ Sabta nɛ Raama nɛ Sabteka. Raama malɛ be bibinyɛn e daa la Sheba nɛ Dedan.

Jɛnesis 13:10

Nɛ Lɔt maŋ mbe kumu so ŋ keni n wu Jɔɔdan be ketaŋɛ ka dese n ya fo Zowar, a kɔ nchu nseŋ daa du fanɛ Enyɛnpe Ebɔrɛ be kudɔbi nɛ baa tre Iden na, ŋko Ijipt be kasawule. [Ade kikɛ daŋ wora nna pɔɛŋ nɛ Enyɛnpe mur Sodɔm nɛ Gomɔra be ndegboŋ na.]

Jɛnesis 14:10

Sidim be ketaŋɛ na malɛ to daa kɔ kootal be amaŋ chiŋgeliŋ nna, amoso Sodɔm nɛ Gomɔra be bewura na nɛ bumo be benapo ka daŋ shile a lar kena na to na nɛ bumo be beko tɔr amaŋ na be ako to nɛ bumo nɛ b ka na malɛ shile n yɔ abee ko to n ya ŋana.

Jɛnesis 16:12

Ama fo pibinyɛn na beeŋ ba ki fanɛ kurma nɛ k kpeŋ n luri kupuŋ to nna. Mo nɛ basa kikɛ beeŋ kɔ abar kena. Mo nɛ mo niopibiana beeŋ ba barga abar a wɔtɔ.”

Jɛnesis 16:7

Ndoŋ nna nɛ Enyɛnpe Ebɔrɛ be malaika ya tu Heega ketirbu ko ase ashi keshishɛrsawule ko so ashi Shur be ekpa to,

Jɛnesis 2:11

Loŋ be eboŋ ana na be kumo nɛ k juŋkpar be ketre e daa la Pishon. K daa shile nna a kulti Havila be efuli.

Jɛnesis 20:1

Eebraham daŋ koso Mamre nna n ya chena Kadɛsh nɛ Shur be kefɛato be keshishɛrsawule nɛ baa tre Negɛf na be efuli so. Saŋko e daŋ ya chena Gerar nna n wora nchɛnnyɔ.

Jɛnesis 21:14

Ebɔrɛ ka malga loŋ ŋklade chipurdidi nɛ Eebraham ta ajibi nɛ deŋkeŋ nɛ nchu n sa Heega. E daŋ ta amo kikɛ nna n di mo nseŋ ju mo nɛ mbe kebia na fanɛ b baa yɔ. Ndoŋ nna nɛ Heega lar m pɛ ekpa n ya kaa na Bɛshiba be kiyi to a kilgi to.

Jɛnesis 21:21

Kiyi na to nɛ e daa wɔ nɛ mo nio ya fin eche ashi Ijipt be efuli so m bar mo.

2 Bewura 23:29

Ewura Josaya be kuwurji be jemanɛ so nɛ Ijipt be efuli so be ewura Neeko keta mbe benapo m bɔla kelargato be esoso be kaba so n yɔ Yufreetes be Lɔrgboŋ na ase nɛ e ya chɛ Asiriya be efuli to ŋ kɔ. Ndoŋ nna nɛ ewura Josaya keta mbe benapo n lar nɛ b ya kɔ ewura Neeko kena. B ka bee kɔ kena na ashi Majido nɛ b mɔ ewura Josaya ndoŋ.

1 Kronikɛls 1:23

Ɔfir nɛ Havila nɛ Jobaab.

Nshɛ 78:64

Bɔrɛmatapoana na daŋ wu luwu nyaŋgraŋ nna, bumo be bekulpoche maŋ nya n shu bumo be nli gba.

Ɛksodɔs 15:22

Ade kikɛ be kaman nɛ Mosis juŋkpar Israɛlebi na ŋ koso teku peper na ase n nite n ya luri Shur be keshishɛrsawule so. B daŋ nite keshishɛrsawule na so nchɛ asa nɛ b maŋ nya nchu nɛ b nuu.

Ezikɛl 23:23

Meeŋ gama benapo nimuso nɛ benapo nɛ baa far egbaŋɛturko be benimuana nɛ basa gboŋ nɛ baa dii egbaŋɛ na kikɛ nɛ b shi Babilɔn be efuli so nɛ Asiriya be efuli so nɛ Chaldian be yiri to be basa nɛ b shi nde nɛ baa tre Pɛkɔd nɛ Showa nɛ Kowa na m ba abar so.

1 Samuɛl 15:7

Nɛ Sɔɔl yili Havila kikɛ ŋ kɔ m pɔɔ Amalɛkebi na so hale n ya fo Shur nɛ k wɔ Ijipt be efuli so be epeŋilarkpa na.