Jɛnesis 24:7 - EBƆRƐ BE KAWƆL

⁷ M baa nyi fanɛ Enyɛnpe nɛ e wɔ ebɔrɛso nsaa la esa nɛ e lara ma ashi n tuto pe nɛ ma efuli so nseŋ malga ŋ kutɔ n nase kɔnɔ n sa ma fanɛ e beeŋ ta efuli ere n sa ma kaman to ebi na beeŋ shuŋi mbe malaika nɛ e juŋkpar fo n shin nɛ fo nya eche m ba sa m pibi ere.

Jɛnesis 24:7 ပူးပေါင်းရင်းမြစ်များ

Jɛnesis 13:15

Meeŋ ta kasawule nɛ fo wu ere kikɛ n sa fo nɛ fo kaman to ebi nɛ k baa la menyeya nna hale mbaanaayɔ.

Jɛnesis 15:18

To, kumo be kachɛ na nɛ Enyɛnpe nɛ Eebram wora kɔnɔkoŋwule be ŋkre nɛ Enyɛnpe kaŋɛ mo: “Kɔnɔ nɛ mee nase a sa fo e la fanɛ meeŋ ta kasawule nɛ k yili lɔr nɛ k wɔ Ijipt be kasawule be ekar n ya fo lɔrgboŋ nɛ baa tre Yufreetes na kikɛ n sa fo kaman to ebi,

Jɛnesis 16:7

Ndoŋ nna nɛ Enyɛnpe Ebɔrɛ be malaika ya tu Heega ketirbu ko ase ashi keshishɛrsawule ko so ashi Shur be ekpa to,

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Jɛnesis 21:17

Ndoŋ nna nɛ Ebɔrɛ nu kebia na be kushu na nɛ Ebɔrɛ be malaika shi ebɔrɛso n tre Heega m bishi mo le: “Heega, manɛ nna? Sa maa lɔ kufu. Ebɔrɛ nu kebia na be kushu ashi kakpa nɛ e dese na.

Jɛnesis 22:11

Ndoŋ nna nɛ Enyɛnpe be malaika shi ebɔrɛso m ponte n tre: “Eebraham, Eebraham!” Nɛ Eebraham shuli so: “Ma nde.”

Jɛnesis 24:3

ashi Enyɛnpe nɛ e la esoso nɛ kasawule so kikɛ be Ebɔrɛ na be ketre to fanɛ fo maaŋ ta eche ashi Keenanebi nɛ n wɔ bumo to nfe ere n sa m pibinyɛn Aizek.

Jɛnesis 24:40

Nɛ e kaŋɛ ma fanɛ Enyɛnpe nɛ e bee bɛ mo so na beeŋ shin nɛ mbe malaika e juŋkpar ma n yɔ n ya shin nɛ n nya kumulela n nya eche ashi mbe kanaŋ to nɛ mo tuto pe m ba sa mo pibi na.

Jɛnesis 26:24

Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”

Ɛzra 1:2

kusɔ nɛ Pɛshiya be ewura, Sairus, kaŋɛ nde: “Enyɛnpe Ebɔrɛ nɛ e wɔ ebɔrɛso na e ta efuliana nɛ e wɔ durnya ere kikɛ to be kuwura m buu ma, nseŋ kaŋɛ ma fanɛ n ya pɔr bɔrɛlambu n sa mo ashi Jerusalɛm nɛ k wɔ Juda be efuli so na.

Nshɛ 103:20

Menyi emalaika lempoana, nɛ menyee nu Enyɛnpe Ebɔrɛ be kɔnɔ nsaa wora mo kasonu na kikɛ e kpaŋ mo!

Nshɛ 136:26

Men baa di Ebɔrɛ nɛ e wɔ ebɔrɛso na epaŋ; mbe kasha nɛ k maa chɛrga na malɛ wɔtɔ nna mbaanaayɔ.

Nshɛ 32:8

Fo yɛ feeŋ ŋini ma ekpa nɛ meeŋ bɔla so. Feeŋ ji ma asoeto nseŋ keni ma so.

Nshɛ 34:7

Enyɛnpe be emalaika bee kulti bekama nɛ baa bunyaŋ mo nna a wɔtɔ, nsaa mɔlga bumo ashi kenishipere to.

Nshɛ 73:24

Fo kasotoji e daa ŋini ma kananɛ meeŋ baa wora asheŋ, kumo be lalaloge nɛ fo ba ta ma n yɔ kemaŋkura to.

Ɛksodɔs 13:5

Enyɛnpe Ebɔrɛ kaŋ baŋ yɛr menyi basa nɛ baa tre Keenanebi nɛ Hitebi nɛ Amɔriebi nɛ Hivebi nɛ Jebusiebi be kasawule nɛ e nase kumo be kɔnɔ n sa men nananyɛnana fanɛ e beeŋ ta n sa menyi na so, men baa kraa wora le be kesheŋ ere kufɔl ere to.

Ɛksodɔs 32:13

Nyiŋi le be kɔnɔ nɛ fo nase n sa fo nyɛrbi Eebraham nɛ Aizek nɛ Jeekɔb: “Meeŋ shin nɛ menyi be kaman to ebi e wora keshi fanɛ achɛkpabi nɛ a wɔ awɔlpa to na ta kasawule ere kikɛ n sa bumo nɛ k ki bumo be kapetɛ mbaanaayɔ na.”

Ɛksodɔs 33:2

Loŋ be kasawule na e kɔ kanya alegaiso nsaa wora ajibi nɛnɛ na. Meeŋ shin nɛ ma malaika e juŋkpar menyi nɛ men ju Keenanebi nɛ Amɔriebi nɛ Hitebi nɛ Pɛrizebi nɛ Hivebi nɛ Jebusiebi na kikɛ ashi loŋ be kasawule na so.

Aizaaya 63:9

Enyɛnpe Ebɔrɛ na ka wu mbe basa ka wɔ etɔrɔ to nɛ k tɔrɔ mo ga nɛ e shuŋi mbe malaika nɛ e ba mɔlga bumo ashi awurfoŋ na to. Kashenteŋto Enyɛnpe Ebɔrɛ na bee wu kuwɔr pasaa, amoso nɛ e kɔ n suge mbe basa na. Mbe enɔ to nɛ e keta bumo nfɛ damta nɛ a choŋ ere kikɛ na.

Danɛl 2:44

Kuwurgboŋ nasopo na be bewura be jemanɛ so, Ebɔrɛ nɛ e wɔ esoso na beeŋ shin nɛ kuwurgboŋ nɛ k maaŋ tɔr kikɛ na e yili nsaa wɔtɔ mbaanaayɔ. Shɛŋ shɛŋ maaŋ tiŋ ŋ kɔ m pɔ kumo so, ama kumo ere beeŋ pɔɔ bewurgboŋ ana na kikɛ so m mur bumo cheche.

Jona 1:9

Ndoŋ nna nɛ Jona kaŋɛ le: “N la Hibruw be esa nna. Enyɛnpe Ebɔrɛ nɛ e wɔ ebɔrɛso nseŋ to teku nɛ kasawule kikɛ na nɛ mee shuŋ.”

Nɔmbɛs 11:12

Mannɛ ma e di bumo be kedampo ŋko ŋ kurge bumo! Nɛ mannɛ nna nɛ fee sha fanɛ ŋ keta bumo enɔ to fanɛ mbi popɔrbi n yɔ kasawule nɛ fo bɔ ntaŋ n nase kɔnɔ fanɛ feeŋ sa bumo nananyɛnana na so?

Nɔmbɛs 14:16

‘Fo, Enyɛnpe Ebɔrɛ mɔ fo basa ashi keshishɛrsawule na so nna ŋkpal fo ka maŋ tiŋ ŋ keta bumo n luri kasawule nɛ fo bɔ ntaŋ n nase kɔnɔ fanɛ feeŋ sa bumo na to so.’

Nɔmbɛs 14:30

maaŋ yɔ kasawule nɛ m bɔ ntaŋ n nase kɔnɔ fanɛ meeŋ sa menyi na so. Jefune pibinyɛn Kalɛb nɛ Nun pibinyɛn Joshuwa nawule e naaŋ yɔ ndoŋ.

Nɔmbɛs 32:11

‘Ma e naa kaŋɛ na fanɛ, ŋkpal b ka maŋ ji kashenteŋ n sa ma na so, bumo be bekama nɛ b shi Ijipt be kasawule so m ba nseŋ fo nfɛ adunyɔ ŋko m baŋ so na be ekama maaŋ yɔ kasawule nɛ n nase kɔnɔ fanɛ meeŋ sa Eebraham nɛ Aizek nɛ Jeekɔb na so.’

Ashuŋ Shunso 7:5

Ebɔrɛ daa maŋ sa Eebraham kasawule na be gbrɛ nyitiibi kikɛ gba fanɛ k baa la mo peya. Ama Ebɔrɛ daŋ nase kɔnɔ n sa Eebraham fanɛ e beeŋ ta kasawule na n sa mo nɛ mbe kaman to ebi kikɛ. Saŋɛ na so nɛ Eebraham daa maa kɔ mbia.

Ditɛronɔmi 1:8

Le be kasawule ere nɛ ma, Enyɛnpe Ebɔrɛ na nase kɔnɔ fanɛ meeŋ ta n sa Eebraham nɛ Aizek nɛ Jeekɔb nɛ b la men nananyɛnana na nɛ bumo be kaman to ebi na. Men yɔ n ya sɔ kumo n chena so.’ ”

Ditɛronɔmi 34:4

Ade be kaman nɛ Enyɛnpe Ebɔrɛ na kaŋɛ Mosis le: “Kasawule nɛ n nase kumo be kɔnɔ n sa Eebraham nɛ Aizek nɛ Jeekɔb fanɛ meeŋ ta n sa bumo be kaman to ebi na nna na. N shin nɛ fo wu kumo, ama fo alɛ maaŋ yɔ ndoŋ.”

Hibruwebi 1:14

To, kananɛ emalaika be asheŋ du Ebɔrɛ be anishito nna na. Bumo kikɛ la ayoyu nna a shuŋ Ebɔrɛ nɛ e bee shuŋi bumo nɛ baa chɛ bumo nɛ baaŋ nya kumɔlga na to.

Hibruwebi 11:9

Yirda so nɛ e daŋ ya kaa wɔ efuli mo nɛ Ebɔrɛ daŋ nase kɔnɔ fanɛ e beeŋ sa mo na so fanɛ efɔ na. Mo nɛ Aizek nɛ Jeekɔb nɛ Ebɔrɛ daŋ sa bumo alɛ gba kɔnɔ naseso koŋwule na, e daŋ ya kaa wɔ wajɛbu to fanɛ befɔ na.

Joshuwa 1:6

Leŋ fo kumu to nsaa kɔ kagbene, ŋkpal manɛ so, fo e naaŋ juŋkpar basa ere n ya sɔ kasawule nɛ n nase kɔnɔ fanɛ meeŋ ta n sa bumo nananyɛnana na.

Joshuwa 24:3

Ndoŋ nna nɛ n lara men nananyɛn Eebraham ashi Yufreetes be kaba ndoŋ n ya ta mo n nite Keenan be kasawule so kikɛ. N daŋ sa mo ebinyɛn nɛ baa tre mo Aizek nɛ e ki kanaŋ damtawura.

Kelaraŋŋini 11:13

Amo be saŋɛ na malɛ gbagba to nɛ kasawule be kebembeŋgboŋ ko ba beeŋ ndoŋ nɛ kadegboŋ na to be ntuŋ kudu be katuŋ koŋwuleso tɔr nɛ kebembeŋ na mɔ basa ŋgboŋ ashunu. Nɛ kufu pɛ basa nɛ b daŋ ka na nɛ b sa Ebɔrɛ nɛ e wɔ ebɔrɛso na kemaŋkura.

Demujipoana 2:1

Enyɛnpe Ebɔrɛ na be Malaika daŋ shi Gilgaal nna n yɔ Bokim n ya kaŋɛ Israɛlebi na le: “Ma e lara menyi Ijipt be efuli so nseŋ bar menyi kasawule nɛ n nase kɔnɔ dra kikɛ fanɛ meeŋ ta n sa men nananyɛnana na so. N daŋ kaŋɛ bumo fanɛ m maaŋ lar kɔnɔkoŋwule be ŋkre nɛ ma nɛ men nananyɛn Eebraham kre na kaman kikɛ.