Jɛnesis 24:65 - EBƆRƐ BE KAWƆL

⁶⁵ nseŋ bishi Eebraham be kayɛrbi na le: “Kanyɛn mo e ya kaa wɔ ndoŋ ere a ba anyi kutɔ ere?” Nɛ kayɛrbi na kaŋɛ: “N nyɛnpe nna.” Ndoŋ nna nɛ Rebɛka ta mbe shata m buu mbe kumu so.

Jɛnesis 24:65 ပူးပေါင်းရင်းမြစ်များ

Jɛnesis 20:16

Nseŋ kaŋɛ Sɛɛra malɛ le: “Mee ta gbiti be ndarbi kagboŋ ere nna a sa fo da nɛ a baa la shɛda n sa basa nɛ b wɔ menyi kutɔ ere kikɛ fanɛ n wora asheŋ nɛ amo be ekpa so nɛnɛ. Saŋɛ na so nɛ ekama e pin fo ka maŋ wora kulubi kikɛ.”

Jɛnesis 24:64

Rebɛka malɛ ka wu Aizek nɛ e gbelge ashi mbe nyɔma so

Jɛnesis 24:66

B ka fo Aizek kutɔ nɛ kayɛrbi na kaŋɛ mo asheŋ nɛ e ya wora na kikɛ nyam.

Jɛnesis 38:14

Taama ka nu loŋ nɛ e delge mbe kukulwu be asɔbuuso nɛ e daŋ buu na n nase nseŋ ta asɔ pɔtɛ m buu n ta shata n deŋi kumu nɛ k baa buu mbe anishiakpa so. Kumo be kaman nɛ e ya chena kade nɛ baa tre Enayim na be ekarso. E daŋ wora loŋ nna ŋkpal e kaa nyi Juda pibinyɛn Shela ka daŋ ŋ ki enyɛn nɛ bumo alɛ daa maŋ shin nɛ e ya kil mo na so.

Aizaaya 47:2

Men fara a shuŋ kushuŋ nɛ men maŋ naŋ shuŋ ŋ ku so nseŋ ta kuboo a kɔr ayu! Men deŋi men be eshata na n nase nseŋ gbaŋ menyi be asɔbuuso lela na n lɛ! Nɛ menyee sha kenite nchu to n dii kabombi, men koli ewajɛ nɛ men dela na nɛ men be abembi e dese, pɔɛŋ nɛ men nya n nite nchu na to n choŋ.

1 Kɔrintebi 11:10

Amoso, a daga fanɛ eche e baa ta kusɔ a chɛ mbe kumu a ŋini fanɛ e wɔ mo kul be kaseto nna ŋkpal emalaika so.

1 Timoti 2:9

Mee sha nna fanɛ beche malɛ e baa nyi asheŋ nsaa buu asɔ nɛ a bee kukwe a yulge bumo so nɛnɛ. B sa maa kre bumo be amu kenyishaso ŋko a buu yawu kpakpaso be asɔbuuso ŋko a wɔtɔ shuwa nɛ yawu kpakpaso be abitasɔ nsaa wu bumo be amu kamoowuso.