Jɛnesis 24:42 - EBƆRƐ BE KAWƆL

⁴² Ma alɛ ka ba menyi be ketirbu na ase kabre, le nɛ ŋ kule: ‘O Enyɛnpe, n nyɛnpe Eebraham be Ebɔrɛ, nɛ k par fo, fo shin nɛ n nya kumulela ashi ma enite ere to.

Jɛnesis 24:42 ပူးပေါင်းရင်းမြစ်များ

Jɛnesis 24:11

Kaaseso, saŋɛ nɛ beche bee yɔ eboŋ to na nɛ b fo ndoŋ. Ndoŋ nna nɛ e shin nɛ enyɔma na gbir ŋ gbir ketirbu ko ase ashi kade na be ekarso.

Jɛnesis 24:27

ŋ kaŋɛ: “Kapandi e baa la Enyɛnpetale n nyɛnpe Eebraham be Ebɔrɛ na peya, ŋkpal manɛ so e maŋ teŋ mbe kelela be kɔnɔ naseso nɛ e sa n nyɛnpe na so. Mo e juŋkpar ma le m ba luri n nyɛnpe mo kurgepoana gbagba pe.”

Jɛnesis 24:31

E ka ya tu kanyɛn na nɛ e kaŋɛ mo le: “Fo nɛ Ebɔrɛ nɛfa ere, manɛ nɛ fo yil nfe a wora? Baa ba epe. N lɔŋɛ ebu nɛ enyɔma ere gba be kakpa n yili.”

Jɛnesis 39:3

Josɛf mo nyɛnpe Potifa ka wu fanɛ Enyɛnpe Ebɔrɛ na wɔ Josɛf kutɔ nsaa nɛfa kusɔ kama nɛ e bee wora na

Ɛzra 8:21

Ahava be kabombi na ase nɛ ŋ kaŋɛ fanɛ a daga an kikɛ ka kishi nseŋ bar anyi be amu kaseto ashi Ebɔrɛ be anishito nseŋ kule mo nɛ e juŋkpar anyi nseŋ keni anyi nɛ anyi be mbia nɛ anyi be asɔ kikɛ so ashi anyi be enite to.

Nehemaya 1:11

O Enyɛnpe Ebɔrɛ, nu ma nɛ fo nyɛrbi nɛ b kɔ kasha n sa fo nsaa ŋana fo ketre na be kabɔrɛkule. Chɛ ma to nɛ n nya kusɔ nɛ mee tama kabre ere nseŋ shin nɛ ewura malɛ gba e wu ma kuwɔr.” Loŋ be jemanɛ nɛ ma e daa duga ewurgboŋ Atazɛzɛs be yabra a sa mo nɛ e bee nuu.

Nshɛ 37:5

Shin nɛ Enyɛnpe Ebɔrɛ na e baa juŋkpar fo kusɔ kama to. Yirda fanɛ e beeŋ chɛ fo to.

Nshɛ 90:17

Enyɛnpe anyi be Ebɔrɛ, shin nɛ fo nɛfa e baa wɔ anyi so, nseŋ shin nɛ asheŋ e baa nite nsaa loge to nɛnɛ a sa anyi!

Ashuŋ Shunso 10:22

Nɛ b kaŋɛ: “Kɔɔnilias, benapo be enimu na e shuŋi anyi. E la esa lela nna a bunyaŋ Ebɔrɛ nsaa la Juwebi kikɛ be ebunyampo. Ebɔrɛ be malaika ko e ba kaŋɛ mo fanɛ e shin nɛ fo ba mo pe m ba shin nɛ e nu kusɔ nɛ feeŋ kaŋɛ mo.”

Romebi 1:10

Ma alɛ bee kule Ebɔrɛ nna fanɛ naniere nɛ k par mo, e sa ma ekpa nɛ m ba bɔɔ menyi so.

1 Samuɛl 1:13

E daa kule Ebɔrɛ mbe kagbene to nna nɛ mbe kɔnɔ bee wora nyuminyumibi, ama kamalga daa maa lar. Ndoŋ nna nɛ Eli fɛ fanɛ e boo nsa nna,

1 Samuɛl 9:6

Nɛ kayɛrbi na kaŋɛ le: “N nyɛnpe, kebɔrɛnya ko wɔ kade ere to nɛ basa bee sa mo bunyaŋ ga, ŋkpal manɛ so kusɔ kama nɛ e baŋ kaŋɛ, k bee wora kashenteŋ nna. An yɔ mo kutɔ, ashere e beeŋ tiŋ ŋ ŋini anyi kakpa nɛ ekurma na wɔ.”