Jɛnesis 24:3 - EBƆRƐ BE KAWƆL

³ ashi Enyɛnpe nɛ e la esoso nɛ kasawule so kikɛ be Ebɔrɛ na be ketre to fanɛ fo maaŋ ta eche ashi Keenanebi nɛ n wɔ bumo to nfe ere n sa m pibinyɛn Aizek.

Jɛnesis 24:3 ပူးပေါင်းရင်းမြစ်များ

Jɛnesis 14:19

nseŋ nɛfa mo ŋ kaŋɛ: “Ebɔrɛ Ewurgboŋ nɛ e to esoso nɛ kasawule na e nɛfa fo Eebram.

Jɛnesis 14:22

Nɛ Eebram kaŋɛ: “M bɔ ntaŋ Enyɛnpe Ebɔrɛ Ewurgboŋ nɛ e to esoso nɛ kasawule na be anishito

Jɛnesis 21:23

amoso nase kɔnɔ Ebɔrɛ be anishito nfe fanɛ echefoso fo maaŋ fule ma nɛ ma mbia nɛ ma kaman to ebi. N wora fo kelela n chɛr, amoso fo alɛ gba e nase kɔnɔ n sa ma nɛ efuli mo nɛ fo la efɔ kumo so ere so ebi fanɛ fo maaŋ lar anyi kaman kikɛ.”

Jɛnesis 24:7

M baa nyi fanɛ Enyɛnpe nɛ e wɔ ebɔrɛso nsaa la esa nɛ e lara ma ashi n tuto pe nɛ ma efuli so nseŋ malga ŋ kutɔ n nase kɔnɔ n sa ma fanɛ e beeŋ ta efuli ere n sa ma kaman to ebi na beeŋ shuŋi mbe malaika nɛ e juŋkpar fo n shin nɛ fo nya eche m ba sa m pibi ere.

Jɛnesis 27:46

Rebɛka ka malga le ere be kaman nɛ e naŋ kaŋɛ Aizek le: “Ma ere, Hitebi to be mbichebi nɛ Isɔɔ ta ere be asheŋ baŋ lar ma ebɔl nna. Nɛ Jeekɔb malɛ naŋ ta Hitebi ere to be eche ko, kumo ere ŋ ka wu bɔ.”

Jɛnesis 28:1

Ndoŋ nna nɛ Aizek tre Jeekɔb n nɛfa mo nseŋ fiɛ mo so ŋ kaŋɛ: “Sa maŋ kaŋ ta Keenan be efuli so nfe be eche kikɛ.

Jɛnesis 28:8

Loŋ be asheŋ na kikɛ e daŋ shin nɛ Isɔɔ pin mo tuto Aizek ka daa maa sha Keenancheana na be keta be asheŋ.

Jɛnesis 34:9

Men shin nɛ anyi nɛ menyi e wora kɔnɔkoŋwule a ta abar be mbichebi. Anyeeŋ baa ta anyi be mbichebi a sa menyi nɛ men baa kil nɛ menyi alɛ gba e baa ta menyi be mbichebi a sa anyi nɛ an baa kil.

Jɛnesis 38:2

Ndoŋ nɛ Juda daŋ wu Keenan be kanyɛn ko nɛ baa tre mo Shuwa na pibicheso nseŋ n ta mo

Jɛnesis 47:31

Nɛ Jeekɔb kaŋɛ mo: “Nase kɔnɔ fanɛ ŋ kaŋ wu feeŋ wora loŋ.” Ndoŋ nna nɛ Josɛf nase kɔnɔ na nɛ Jeekɔb gbir mbe edesekpa m bunyaŋ Ebɔrɛ.

Jɛnesis 50:25

Kede be kaman nɛ Josɛf kaŋɛ mo daana na le: “Ama, men nase kɔnɔ n sa ma fanɛ ŋ kaŋ wu nɛ Ebɔrɛ lara menyi nfe, menyeeŋ ta ma eyur n ti so n yɔ.”

Jɛnesis 6:2

Ndoŋ nna nɛ Ebɔrɛso be asɔtoso nyɛnsoana ko wu edimɛdi be bibichesobiana na nɛ bumo be kebita par bumo nɛ b ta bumo nɛ baa sha a kil.

Jɛnesis 6:4

Jemanɛ na so nɛ kumo be kaman nɛ basa ko nɛ b daa tre Nefilebi nɛ b la basa tenteŋ nsaa kɔ eleŋ a kɔ kena ga nɛ basa kikɛ bee sa bumo bunyaŋ ga na daa wɔ durnya to. Le be saŋɛ ere nɛ Ebɔrɛso be asɔtoso nyɛnsoana daa ta edimɛdi be bibichesobiana a kurge mbia na.

2 Bewura 19:15

nseŋ kule Ebɔrɛ ŋ kaŋɛ le: “Enyɛnpetale nɛ fo la Israɛl be Ebɔrɛ, fo e chena fo kuwurputi so awɔlto nɛ asɔkeniso nɛ a du fanɛ emalaika nɛ baa tre amo Chɛrubim na wɔ fo aya ase. Fo nawule e la Ebɔrɛ. Fo e to esoso nɛ kasawule nsaa ji kuwura durnya kikɛ so.

2 Kronikɛls 2:12

Kemaŋkura e baa la Enyɛnpe Ebɔrɛ nɛ e la Israɛl be Ebɔrɛ nɛ esoso nɛ kasawule kikɛ be etopo na peya! Mo e sa ewura Deevid ebinyɛn nyiashempo nɛ e kɔ asheŋ be kepinto nɛ kasheŋwora be kenyi nsaa sha kepɔr bɔrɛlambu n sa Enyɛnpe Ebɔrɛ nɛ ewura be laŋ n sa mbe kumu.

Ɛzra 5:11

Ama kusɔ nɛ b kaŋɛ nde: ‘Anyi ere la Ebɔrɛ nɛ esoso nɛ kasawule kikɛ la mo peya na be anya nna. Bɔrɛlambu nɛ Israɛl be ewurgboŋ ko daŋ pɔr nfɛ damta nɛ a choŋ na nɛ anyee lɔŋɛ a pɔr.

Nehemaya 13:25

Amoso n daŋ shoduu loŋ be benyɛn agbo so nna nseŋ naŋ shin nɛ b bri beko nseŋ gberge bumo be emin gba n tia. Kumo be kaman nɛ n shin nɛ b nase kɔnɔ ŋ kaŋɛ: ‘An bɔ ntaŋ a nase kɔnɔ Ebɔrɛ be ketre to fanɛ anyi maaŋ shin nɛ anyi be mbinyɛnso ŋko mbicheso e ta ŋko ŋ kil befɔ.’

Nehemaya 9:6

Ndoŋ nna nɛ basa na kule Ebɔrɛ ŋ kaŋɛ: “Fo nawule e la Enyɛnpe anyi be Ebɔrɛ na. Fo e to ebɔrɛso nɛ achɛkpabi kikɛ, Fo e to kasawule nɛ asɔ nɛ e wɔ kumo so kikɛ. Fo e to teku nɛ kumo to be asɔ keniso kikɛ Ŋkpa kikɛ shi fo kutɔ nna, nɛ achɛkpabi nɛ a wɔ awɔlpa to kikɛ bee fur fo a kpaŋ fo.

Nshɛ 115:15

Enyɛnpe Ebɔrɛ nɛ e to esoso nɛ kasawule na e nɛfa menyi!

Nshɛ 136:26

Men baa di Ebɔrɛ nɛ e wɔ ebɔrɛso na epaŋ; mbe kasha nɛ k maa chɛrga na malɛ wɔtɔ nna mbaanaayɔ.

Ɛksodɔs 20:7

Men sa maa ta Enyɛnpe Ebɔrɛ be ketre a wora asheŋ lubi. Men sa maa bɔ Enyɛnpe Ebɔrɛ be ketre na chilchil, ŋkpal manɛ so, Enyɛnpe Ebɔrɛ maaŋ yige m paŋ esa kama nɛ e kɔ mbe ketre a wora a wora asheŋ lubi kikɛ.

Ɛksodɔs 22:11

k daga fanɛ esa nɛ e bee keni kusɔbɔya na so na e yɔ Ebɔrɛ be anishito n ya bɔ ntaŋ fanɛ e maŋ wora kusɔbɔya na shɛŋ. Kede be kaman a daga fanɛ kusɔbɔya na wura e shuli fanɛ k la kashenteŋ nna, nɛ mo barkasa na e sa maŋ ka shɛŋ n sa mo.

Ɛksodɔs 23:13

Men wora kasonu n sa kusɔ kama nɛ ma, Enyɛnpe Ebɔrɛ kaŋɛ menyi ere kikɛ. Menyi alɛ e sa maŋ kaŋ shuŋ kegbir kama ŋko a ti kegbir kama be ketre.”

Ɛksodɔs 34:16

Men baŋ ta kasawule na so be mbichesobi n sa men be mbinyɛnsobi loŋ be mbichebi nɛ baa bɛ agbir so na beeŋ shin nɛ men be mbinyɛnsobi na gba e shuŋ bumo be agbir na.

Aizaaya 45:23

Ma kɔnɔ naseso la kashenteŋ nna, kumo alɛ maa chɛrga. M bɔ ntaŋ n nase kɔnɔ fanɛ ekama beeŋ ba gbir ma kumuli nseŋ shuŋ ma, Enyɛnpe Ebɔrɛ na.

Aizaaya 48:1

Israɛl be basa, men nu nfe! Menyi nɛ men la an nananyɛn Jeekɔb be kanaŋ to ebi nseŋ shi Juda be yiri to na nɛ n de na. Menyi e naa ta Enyɛnpe Ebɔrɛ na be ketre a bɔ ntaŋ nsaa kaŋɛ fanɛ menyi ere bee shuŋ Israɛl be Ebɔrɛ na nna, ama k maŋ la kashenteŋ nɛ k shi menyi be ŋgbene to.

Aizaaya 65:16

Esa kama nɛ e bee sha nɛfa ashi kasawule na so beeŋ kule Ebɔrɛ nɛ e bee ji kashenteŋ na nɛ e nɛfa mo. Ekama malɛ nɛ e bee sha kenase kɔnɔ e beeŋ nase kɔnɔ na kashenteŋji be Ebɔrɛ na be ketre to nna. Ŋkpal manɛ so, etɔrɔ dra na kikɛ choŋ nɛ n teŋ amo so.”

Jɛremaya 10:11

Fo yɛ ŋ kaŋɛ basa fanɛ, mannɛ agbirana e to ebɔrɛso nɛ kasawule; fo Enyɛnpe Ebɔrɛ na malɛ beeŋ mur kegbir kikɛ nɛ edimɛdi lɔŋɛ.

Jɛremaya 12:16

Jemanɛ ko b daŋ ŋini ma basa kananɛ baa shuŋ kegbir nɛ baa tre Baal na nna. Ama nɛ b shuli so fanɛ ma e la kashenteŋ be Ebɔrɛ na nseŋ shin nɛ ma basa ŋini bumo kananɛ baaŋ baa shuŋ ma bre, meeŋ shin nɛ efuli pɔtɛana ere be basa gba e ki ma basa.

Jɛremaya 29:6

Men ta beche ŋ kurge mbia nseŋ shin nɛ menyi be mbia malɛ gba e ta beche ŋ kurge mbia. A daga fanɛ men salga to n wora keshi nsaa maŋ duga so.

Jɛremaya 4:2

kumo ere menyeeŋ tiŋ n ta ma ketre n nase nnɔ. Kumo be kaman nɛ efuliana na be basa e kpaŋ ma nɛ ma alɛ e nɛfa bumo.”

Levitikɔs 19:12

Sa maŋ kaŋ ta ma ketre n nase kɔnɔ nɛ fo maŋ kre ketia, saŋɛ na so, fo maaŋ ŋaba ma ketre. Ma e la Enyɛnpe, men be Ebɔrɛ na.

Zefanaiya 1:5

Ma alɛ beeŋ mur bekama nɛ baa dii achoŋi so n ya kaa jɔŋɛ epeŋi nɛ kufɔl nɛ achɛkpabi ase a bunyaŋ amo na. Kumo be kaman nɛ n mur bekama nɛ baa bunyaŋ ma a kaŋɛ fanɛ ma e wɔ bumo, ama nsaa ta kegbir nɛ baa tre Mɔlɛk na be ketre a bɔ ntaŋ na gba.

Nɔmbɛs 5:21

Enyɛnpe Ebɔrɛ beeŋ shin nɛ fo ki fanɛ esa nɛ b sho kɔnɔ fo basa to. E beeŋ shin nɛ fo ki egbentepo nɛ fo epun malɛ gba e tiŋ.

1 Kɔrintebi 7:39

Eche kilpo mo kul baa wɔ ŋkpa to, e maŋ wɔ mbe kumu enyɛn na be kaman, ama nɛ enyɛn na baŋ wu bre e kɔ ekpa nɛ e kil enyɛn kama nɛ e bee sha, ama a daga fanɛ amo be kanyɛn na e baa la Enyɛnpe na peya.

Ditɛronɔmi 10:20

Kumo be kaman, men baa sa Enyɛnpe menyi be Ebɔrɛ na bunyaŋ nsaa shuŋ mo nawule. Men baa ji kashenteŋ a sa mo nsaa nase nnɔ ashi mo nawule be ketre to.

Ditɛronɔmi 6:13

Amoso men baa bunyaŋ Enyɛnpe menyi be Ebɔrɛ na nsaa shuŋ mo nawule nseŋ naa nase nnɔ mo nawule be ketre to.

Hibruwebi 6:16

Nɛ basa baa bɔ ntaŋ, esa nɛ e chɔ bumo be ketre nɛ baa kaa ti a bɔ ntaŋ na a ji kashenteŋ a mɔ emɔrɔ kama nɛ k wɔ bumo be nfɛra to.

Joshuwa 2:12

Amoso men jande, men nase kɔnɔ n sa ma nseŋ bɔ ntaŋ Enyɛnpe Ebɔrɛ na be ketre to fanɛ menyeeŋ wora ma nɛ ma kanaŋ kikɛ kelela, ŋkpal ŋ ka wora menyi kelela so.

Demujipoana 14:3

Ndoŋ nna nɛ b kaŋɛ mo le: “Beche nɛ b walɛ m par fo maŋ wɔ fo kurgepoana Israɛl be basa ere kikɛ to nna a? Nɛ manɛ nna nɛ fo ya kaa fin eche Filisti be basa nɛ b la nnyamase ere to?” Nɛ Samsɔn kaŋɛ: “Men ya sha mo n sa ma, ŋkpal manɛ so, mo nɛ mee sha.”

1 Samuɛl 20:17

Ŋkpal Jonatan ka daa sha Deevid fanɛ kananɛ e bee sha mo gbagba be kumu so e daŋ shin nɛ Deevid nase kɔnɔ kela nyɔsopo nna n sa mo fanɛ e beeŋ baa la mo teri kpakpaso.

1 Samuɛl 30:15

Nɛ Deevid bishi mo le: “Feeŋ tiŋ n yɛr ma Amalɛkebi na kutɔ a?” Nɛ e yɛ: “Mm, nɛ feeŋ nase kɔnɔ Ebɔrɛ be ketre to fanɛ fo maaŋ mɔ ma ŋko n ta ma m bɔɔ n nyɛnpe enɔ bre, meeŋ yɛr fo bumo kutɔ.”