Jɛnesis 24:26 - EBƆRƐ BE KAWƆL

²⁶ Kanyɛn na ka nu loŋ na nɛ e gbir m bunyaŋ Enyɛnpe Ebɔrɛ na

Jɛnesis 24:26 ပူးပေါင်းရင်းမြစ်များ

Jɛnesis 22:5

Ndoŋ nna nɛ e kaŋɛ mbe nyɛrbi na le: “Menyi nɛ kurma ere e baa wɔ nfe nɛ ma nɛ kebia ere e yɔ anishito n ya bunyaŋ Ebɔrɛ nseŋ bɛta m ba menyi kutɔ nfe.”

Jɛnesis 24:25

Kumo be kaman nɛ e naŋ kaŋɛ le: “An kɔ asɔbɔya be ajibi damta nɛ befɔ be ebu anyi pe.”

Jɛnesis 24:48

Kumo be kaman nɛ ŋ gbir m bunyaŋ nseŋ di n nyɛnpe Eebraham be Ebɔrɛ na epaŋ, ŋkpal e ka juŋkpar ma nɛ m ba nya n nyɛnpe Eebraham mo sipo Nahɔɔ mo nanabi nɛ n ya sa mo pibinyɛn na so.

Jɛnesis 24:52

Eebraham be kayɛrbi na ka nu kesheŋ nɛ b kaŋɛ na nɛ e gbir kasawule n chɔrɔ Enyɛnpe Ebɔrɛ na.

1 Kronikɛls 29:20

Kede be kaman nɛ ewura Deevid kaŋɛ basa na kikɛ le: “Men di Enyɛnpe men nananyɛnana be Ebɔrɛ na epaŋ.” Ndoŋ nna nɛ basa na kikɛ di Ebɔrɛ epaŋ nseŋ jɔŋɛ ŋ kurgi bumo be amu n yuu to m bunyaŋ Enyɛnpe Ebɔrɛ nɛ ewura Deevid kikɛ.

2 Kronikɛls 20:18

Ndoŋ nna nɛ ewura Jehoshafat nɛ basa na kikɛ kurgi amu n yuu to, m bunyaŋ Enyɛnpe Ebɔrɛ.

2 Kronikɛls 29:30

Ewura na nɛ efuli na so be bejuŋkparpoana na daŋ kaŋɛ Livaiebi na nna fanɛ b baa boŋ nshɛ nɛ ewura Deevid nɛ anebi Asaf daŋ sibɛ n nase na. B ka bee boŋ amo nɛ ekama be kagbene fuli nɛ b gbir m bunyaŋ Ebɔrɛ.

Nehemaya 8:6

Ɛzra ka kraŋ kawɔl na n loge nɛ e kaŋɛ: “Kemaŋkura e baa la Enyɛnpe Ebɔrɛ nɛ e shi ga na peya!” Nɛ basa na kikɛ maŋ bumo be enɔana esoso nseŋ shuli so ŋ kaŋɛ: “Amɛn! Amɛn!” Kumo be kaman nɛ b gbir ŋ kurgi bumo be amu n yuu to m bunyaŋ Enyɛnpe Ebɔrɛ na.

Nshɛ 22:29

Durnya to be amansherbiwuraana nɛ b kɔ asɔ ga beeŋ bunyaŋ mo, nɛ bumo nɛ b gbar nchaŋ be kɔnɔ gba e fur mo.

Nshɛ 66:4

Durnya ere to be esa kikɛ bee bunyaŋ fo nsaa fur fo.

Nshɛ 72:9

Saŋɛ na so keshishɛrsawule so be basa beeŋ ba jɔŋɛ mo ase m bunyaŋ mo. Nɛ b tintiŋ mo doŋana nɛ b ba dese kasawule ashi mbe anishito.

Nshɛ 95:6

Men ba nɛ an jɔŋɛ m bunyaŋ Enyɛnpe Ebɔrɛ nɛ e to anyi na!

Ɛksodɔs 12:27

Men kaŋɛ bumo fanɛ: ‘K la Enyɛnpe Ebɔrɛ be kebansonchoŋ be sarga nna. E daŋ baŋ anyi Israɛlebi be nwu so nna ashi Ijipt be efuli so nseŋ ya mɔ Ijiptebi be ewurkoŋnyɛnana, ama shɛŋ daa maŋ wora anyi ere be basa.’ ” Ndoŋ nna nɛ Israɛlebi gbir m bunyaŋ Enyɛnpe Ebɔrɛ na.

Ɛksodɔs 34:8

Epul na to nɛ Mosis gbir m bunyaŋ Ebɔrɛ na

Ɛksodɔs 4:31

nɛ b yirda kusɔ nɛ e kaŋɛ na. Kumo be buushi, Israɛlebi na ka nu fanɛ Enyɛnpe Ebɔrɛ wu kananɛ baa tɔrɔ bumo na nsaa shin nɛ e chɛ bumo to nɛ b gbir m bunyaŋ mo.

Maika 6:6

Manɛ bre nɛ meeŋ ta m ba Enyɛnpetale Ebɔrɛ nɛ e wɔ ebɔrɛso na kutɔ m ba bunyaŋ mo? N ta egbolu lela ga nɛ a ji nfɛ koko m ba lara sarga chɔɔso n sa mo a?

Filipaiebi 2:10

Nseŋ yili kumo fanɛ kumuli kikɛ nɛ k wɔ ebɔrɛso nɛ kasawule so nɛ durnya nɛ k wɔ kaseto beeŋ gbir m bunyaŋ Yesu be ketre na.

Demujipoana 7:15

Gidiɔn ka nu edare na nɛ kumo be kifito nɛ e bunyaŋ Ebɔrɛ nseŋ bɛta n yɔ mo braana Israɛlebi na kutɔ n ya kaŋɛ: “Men koso! Enyɛnpe Ebɔrɛ na teŋ shin nɛ an pɔɔ Midianebi na so.”

1 Samuɛl 1:28

Amoso mee ta mo nna a sa Enyɛnpe Ebɔrɛ nɛ e ba la mo ere Enyɛnpe Ebɔrɛ be kayɛrbi mbe ŋkpa to kikɛ.” Ndoŋ nna nɛ b bunyaŋ Enyɛnpe Ebɔrɛ na.