Jɛnesis 24:15 - EBƆRƐ BE KAWƆL

¹⁵ Pɔɛŋ nɛ Eebraham be kayɛrbi na e kule Ebɔrɛ n loge nɛ Rebɛka ta lɔŋkɔŋ m bɛ mbe kebatemu so m ba lar. Rebɛka daa la Bɛtuwɛl pibiche nna nɛ Bɛtuwɛl malɛ daa la Nahɔɔ nɛ Milka pibi. Nahɔɔ malɛ daa la Eebraham mo sipo nna.

Jɛnesis 24:15 ပူးပေါင်းရင်းမြစ်များ

Jɛnesis 11:27

Tɛra be kanaŋ to ebi nde. Tɛra be mbia e daa la Eebram nɛ Nahɔɔ nɛ Haran. Haran e daŋ koso ŋ kurge Lɔt.

Jɛnesis 11:29

Eebram nɛ Nahɔɔ gba daŋ ta beche nna. Eebram be eche be ketre e daa la Sɛɛrai nɛ Nahɔɔ malɛ peya daa ji Milka. Milka nɛ Iska kikɛ bumo tuto e daa la Haran.

Jɛnesis 21:14

Ebɔrɛ ka malga loŋ ŋklade chipurdidi nɛ Eebraham ta ajibi nɛ deŋkeŋ nɛ nchu n sa Heega. E daŋ ta amo kikɛ nna n di mo nseŋ ju mo nɛ mbe kebia na fanɛ b baa yɔ. Ndoŋ nna nɛ Heega lar m pɛ ekpa n ya kaa na Bɛshiba be kiyi to a kilgi to.

Jɛnesis 24:14

Shin nɛ bumo be ekama nɛ ŋ kaŋ kaŋɛ fanɛ e sa ma nchu nɛ n nuu nɛ e shuli ŋ kaŋɛ fanɛ n sɔ n nuu nɛ e ya jɔ ako m ba sa ma enyɔma ere gba e baa la eche nɛ fo lara a sa fo kenya Aizek na. Nɛ loŋ wora, meeŋ pin fanɛ fo e wora n nyɛnpe Eebraham kelela kashenteŋto.”

Jɛnesis 24:24

Nɛ Rebɛka kaŋɛ mo: “N tuto e la Bɛtuwɛl nɛ e la Nahɔɔ nɛ Milka pibi na.”

Jɛnesis 24:45

Ŋ kraa kule Ebɔrɛ ma kagbene to nna nɛ Rebɛka sulɔ lɔŋkɔŋ mbe kebatemu so n ya jɔ nchu ketirbu na to. Ndoŋ nna nɛ ŋ kaŋɛ mo le: ‘Jande, sa ma nchu nɛ n nuu.’

Jɛnesis 25:20

Aizek malɛ daŋ ji nfɛ adena nna pɔɛŋ nseŋ ta Rebɛka nɛ mo tuto daa la Bɛtuwɛl, Mɛsopoteemia be esa na. Rebɛka mo siponyɛn malɛ e daa la Leeban.

Jɛnesis 29:5

Nɛ Jeekɔb bishi bumo fanɛ b nyi Nahɔɔ mo nanabi Leeban a? Nɛ b shuli ŋ kaŋɛ: “Mm, an nyi mo.”

Jɛnesis 29:9

Jeekɔb kraa malga bumo kutɔ nna nɛ Reechel keta mo tuto be mbolpɔ m ba, ŋkpal manɛ so, e daa la eche nɛ e bee kpa mbolpɔ nna.

Nshɛ 34:15

Enyɛnpe Ebɔrɛ na bee keni basa nɛ baa wora asheŋ niŋiso so nsaa nu bumo be kekule nna.

Nshɛ 65:2

Ekama beeŋ ba fo kutɔ ŋkpal fo ka bee nu kekule so.

Ɛksodɔs 2:16

Nɛ Jetro nɛ e daa la bɔrɛmatapo ashi Midian na be mbichebi ashunu ba nɛ b ba jɔ nchu ketirbu na to n wɔtɔ asɔbɔya be asɔnuunchu to n sa bumo tuto be mbolpɔ nɛ mboe.

Aŋasa 31:27

E bee keni mbe laŋ to ebi so nɛnɛ nna, mo alɛ maŋ kɔ ntɔl.

Aizaaya 58:9

Nɛ men baŋ kule ma kusɔ kama, meeŋ nu menyi be kekule. Nɛ men tre ma malɛ meeŋ shuli menyi be ketre na! Nɛ men yige kanyaŋ nɛ nfɛlso be kebaawɔtɔ nɛ mmalga lubi be kebaamalga

Aizaaya 65:24

Pɔɛŋ nɛ baaŋ kule ma kusɔ kama gba nɛ n tiŋ n nu bumo be kekule.

Ruf be kawɔl 2:17

To, Ruf daŋ shishi asɔ na kudɔ na to loŋ hale nɛ epeŋi ya kaa tɔr nɛ e bri amo n nya fanɛ agbaŋkaŋ be bɔlɔ.

Ruf be kawɔl 2:2

Kachako nɛ Ruf nɛ e shi Mowab na kaŋɛ Nawomi le: “Shin nɛ n yɔ basa be ndɔana to n ya keni, esa ko beeŋ wu ma kuwɔr n shin nɛ m bɛ mo so n shishi n shishi ajibi m ba a!” Nɛ Nawomi shuli so ŋ kaŋɛ mo: “To, m pibi, baa yɔ.”

1 Samuɛl 9:11

B ka dii kebee a yɔ kade na to na, nɛ b ya tu besuŋgurbi ko nɛ baa ba nɛ b ba saŋ nchu, nɛ b bishi bumo le: “Anyee fin kanyɛn nɛ e bee wu asheŋ a kaŋɛ na nna. E wɔtɔ nna ere a?”