Jɛnesis 24:10 - EBƆRƐ BE KAWƆL

¹⁰ Kede be kaman nɛ kayɛrbi na lara mo nyɛnpe be enyɔma kudu nseŋ ta ŋkɛ lela be yiri yiri ashi mo nyɛnpe kutɔ m pɛ ekpa a yɔ Nahɔɔ be kade nɛ k wɔ Mɛsopoteemia na.

Jɛnesis 24:10 ပူးပေါင်းရင်းမြစ်များ

Jɛnesis 11:26

Ndoŋ nna nɛ Tɛra malɛ ji nfɛ adushunu nɛ mo alɛ nɛ mbe eche kurge Eebram nɛ Nahɔɔ nɛ Haran.

Jɛnesis 11:29

Eebram nɛ Nahɔɔ gba daŋ ta beche nna. Eebram be eche be ketre e daa la Sɛɛrai nɛ Nahɔɔ malɛ peya daa ji Milka. Milka nɛ Iska kikɛ bumo tuto e daa la Haran.

Jɛnesis 11:31

Nɛ Tɛra keta mo pibinyɛn Eebram nɛ mo nanabi Lɔt nɛ e daa la Haran pibinyɛn na nɛ mo shache Sɛɛrai, Eebram be eche, n ti mbe kumu so nɛ b lar Ur ashi Babilɔnia n yɔ Keenan be kasawule so. B ka bee yɔ Keenan n ya fo Haran nɛ b chena ndoŋ.

Jɛnesis 11:32

Tɛra daŋ ji nfɛ alfa anyɔ nɛ anu durnya ere to nna pɔɛŋ nseŋ wu ashi Haran.

Jɛnesis 22:20

Kachako nɛ Eebraham nu fanɛ mo sipo Nahɔɔ be eche Milka gba kurge bibinyɛn n sa mo kul. Mbi na be atre nde:

Jɛnesis 24:2

Kachako nɛ Eebraham kaŋɛ mbe kayɛrbi nimuso nɛ e daa keni mbe kusɔ kikɛ nyam so na le: “Ta fo enɔ n wɔtɔ ma kebembi be kaseto m bɔ ntaŋ n nase kɔnɔ kpakpaso

Jɛnesis 24:22

Enyɔma na kikɛ ka nuu n loge nɛ kanyɛn na lara kamuna so be shuwa be kepinibi nɛ shuwa be enɔ to be mpinibi anyɔ n sa Rebɛka.

Jɛnesis 24:53

Kumo be kaman nɛ e lara shuwa nɛ gbiti be abitasɔ nɛ asɔbuusoana ko n sa Rebɛka nseŋ naŋ sa Rebɛka mo da Leeban nɛ mo nio gba yawu kpakpaso be ŋkɛ.

Jɛnesis 27:43

Amoso, m pibi, nu nfe nseŋ wora kusɔ nɛ mee sha kekaŋɛ fo ere. Lar nfe manaŋ n shile n yɔ n siponyɛn Leeban kutɔ ashi Haran.

Jɛnesis 29:1

Jeekɔb ka lar Bɛtɛl nɛ e ta kumu n sɔ epeŋipetekpa be kaba so ebi be efuli so.

Jɛnesis 29:2

E ka bee yɔ nɛ e ya tu ketirbu ko kudɔsawule ko so nɛ mbolpɔ dese kumo ase ntuŋsaso, ŋkpal manɛ so, ketirbu na to nɛ b daa jɔ nchu a sa bumo. Kejembu gboŋgboŋi ko malɛ nɛ b daŋ ta m buu ketirbu na be kɔnɔ so.

1 Kronikɛls 19:6

Ewura Hanun nɛ Ammɔnebi na malɛ ka pin fanɛ ewura Deevid ki bumo doŋ, nɛ b ta gbiti be ndarbi nɛ amo be egbɛ sa fanɛ kilo ŋgboŋ adesa nɛ ana n ya haya egbaŋɛturko nɛ egbaŋɛturko be bediipoana ashi Mɛsopoteemia be efuli so nɛ Maaka nɛ Zoba nɛ a la Siriyaebi be efuli na.

Ashuŋ Shunso 2:9

To, Paatia nɛ Midia nɛ Ilam nɛ Mɛsopoteemia nɛ Judiya nɛ Kapadosia nɛ Pɔntes nɛ Eeshia,

Ditɛronɔmi 23:4

Ŋkpal manɛ so, b daŋ kini kesa menyi ajibi nɛ nchu jemanɛ nɛ men daŋ lar Ijipt be efuli so a ba na nna. Kumo be kaman nɛ b ya haya kanyɛn nɛ baa tre Balaam nɛ e la Biyɔɔ pibinyɛn na nseŋ shi kadegboŋ nɛ baa tre Peto ashi Mɛsopoteemia be efuli so na fanɛ e ba sho menyi kɔnɔ.