Jɛnesis 23:4 - EBƆRƐ BE KAWƆL

⁴ “N la efɔ nɛ enitepo nna a wɔ menyi to nfe, amoso men jande, men fa kasawule ko nfe n sa ma nɛ m baa puli ma basa ndoŋ.”

Jɛnesis 23:4 ပူးပေါင်းရင်းမြစ်များ

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Jɛnesis 23:5

Ndoŋ nna nɛ Hitebi na kaŋɛ mo le:

Jɛnesis 3:19

Kashenteŋto feeŋ baa nyɛa kebleŋ damta nna pɔɛŋ nsaa ji, hale loŋ nɛ fo naŋ ya bɛta n yɔ shishɛr to, ŋkpal manɛ so, shishɛr na nɛ b ta n pɔr fo. Fo la shishɛr nna, amo alɛ to nɛ feeŋ naŋ bɛta n yɔ.”

Jɛnesis 47:9

Nɛ Jeekɔb kaŋɛ Fɛɛro: “Nfɛ mo nɛ n ji a na a kilgi to durnya ere to wɔ nfɛ kalfa nɛ adesa. Loŋ be nfɛ na malɛ kikɛ la awurfoŋ be nfɛ nna, amo alɛ maŋ naa shi fanɛ kananɛ n tutoana nɛ n nanaana nɛ b daa na a kilgi to na be nfɛ daa shi na.”

Jɛnesis 49:30

Kumo e wɔ Makpɛla nɛ k mata kade nɛ ba tre Mamre nɛ k wɔ Keenan be kasawule so na. Eebraham e daŋ tɔ loŋ be kasawule na nɛ kebeelaŋ na ashi Efrɔn Hitebi be esa na kutɔ fanɛ k baa la kakpa nɛ baaŋ ba puli mbe bubuni.

Jɛnesis 50:13

B daŋ sulɔ mbe kebuni nna n yɔ Keenan n ya puli kebeelaŋ nɛ k daa wɔ Makpɛla nɛ k mata Mamre nɛ Eebraham daŋ tɔ nɛ kudɔ nɛ k wɔ kumo to na ashi Hitebi be esa kutɔ fanɛ k baa la kakpa nɛ e beeŋ ba puli mbe bubuni na.

1 Kronikɛls 29:15

An la befɔ nna a wɔ durnya ere to fanɛ kananɛ an nananyɛnana gba daa wɔ kumo to na. Anyi be nchɛ du nna fanɛ kiyoyul na, k maa chɛr nsaa choŋ.

Job be kawɔl 30:23

K maaŋ chɛr e beeŋ shin nɛ n wu n yɔ bubuni to, kakpa nɛ ekama beeŋ yɔ kachako na.

Nshɛ 119:19

Efɔ e la ma ashi kasawule ere so; amoso sa maŋ ta fo mbraana ŋ ŋana ma so.

Nshɛ 39:12

Enyɛnpe Ebɔrɛ, jande, nu ma kekule. Nu ma kushu nseŋ chɛ ma to. Anishichubi e bɔlɔ ma anishi kikɛ to. N du fanɛ efɔ nna ashi fo kutɔ, fanɛ kananɛ n nananyɛnana daa la befɔ na.

Ɛksodɔs 2:22

Zipora ka kurge ebinyɛn nɛ Mosis nase mo Gɛshɔn, ŋkpal e ka daa fɛ le so: “N la efɔ nna ashi efuli pɔtɛ ere so, kumo so, meeŋ nase ma kebia ere loŋ be ketre na.”

Kaŋinichiŋgeliŋ 12:5

Feeŋ baa ŋana kedii kakpa jeŋgreŋ ŋko a nite ekpaana to be mboŋ nɛ e bee keta kufu. Fo emin beeŋ kilgi n fuli nɛ enite gba e baa nu fo; shɛŋ malɛ maaŋ naa yɛlga fo. Loŋ be jemanɛ na bee ŋini fanɛ anyi be ekama bee yɔ epe nɛ k wɔtɔ mbaanaayɔ na nna, nɛ basa e sɔ abɔrbi so a shu nli.

Kaŋinichiŋgeliŋ 12:7

Anyi be eyurana ere beeŋ bɛta n yɔ shishɛr nɛ a shi to na to, nɛ Kiyoyu nɛ e bee sa anyi ŋkpa nɛ efute na malɛ e bɛta n yɔ Ebɔrɛ nɛ e ta mo n wɔtɔ anyi to na kutɔ.

Kaŋinichiŋgeliŋ 6:3

Esa beeŋ tiŋ a kɔ mbia kalfa nseŋ chɛr kasawule ere so ga, ama k maŋ tir nfɛ afanɛ nɛ e ji durnya ere to, e baa maŋ nya kagbenefuli ŋko kupuli lela mbe kaluwuachɛ kumo ere kebia nɛ b kurge nɛ e laŋɛ gba bɔ mo.

Levitikɔs 25:23

A maŋ daga men ka fa kasawule n sa esa nɛ e baa kɔ kuraa, ŋkpal manɛ so, k maŋ la menyeya nna, Enyɛnpe Ebɔrɛ na e wɔ kumo nɛ menyi alɛ du fanɛ befɔ nɛ e sa ekpa nɛ men baa ji kumo so be tɔnɔ.

Ashuŋ Shunso 7:16

nɛ b ta bumo n yɔ Shɛkɛm n ya puli kebeelaŋ ko nɛ Eebraham daŋ tɔ ashi Hamɔ be kanaŋ to ebi kutɔ na to.

Ashuŋ Shunso 7:5

Ebɔrɛ daa maŋ sa Eebraham kasawule na be gbrɛ nyitiibi kikɛ gba fanɛ k baa la mo peya. Ama Ebɔrɛ daŋ nase kɔnɔ n sa Eebraham fanɛ e beeŋ ta kasawule na n sa mo nɛ mbe kaman to ebi kikɛ. Saŋɛ na so nɛ Eebraham daa maa kɔ mbia.

Hibruwebi 11:9

Yirda so nɛ e daŋ ya kaa wɔ efuli mo nɛ Ebɔrɛ daŋ nase kɔnɔ fanɛ e beeŋ sa mo na so fanɛ efɔ na. Mo nɛ Aizek nɛ Jeekɔb nɛ Ebɔrɛ daŋ sa bumo alɛ gba kɔnɔ naseso koŋwule na, e daŋ ya kaa wɔ wajɛbu to fanɛ befɔ na.

1 Pita 2:11

N teri lelaana, mee kule menyi nna fanɛ men baa gelge ayɛlgasɔ lubiana nɛ a wɔ men be eyurana to a kɔ men be ayoyuana kena, a na fanɛ befɔ nɛ benitepo ashi durnya ere to.