Jɛnesis 23:2 - EBƆRƐ BE KAWƆL

² Sɛɛra daŋ wu ashi Kiriaf Arba nɛ kumo koŋwule na la Hibrɔn nɛ k wɔ Keenan be kasawule so na nna nɛ Eebraham shu mbe keeli ga.

Jɛnesis 23:2 ပူးပေါင်းရင်းမြစ်များ

Jɛnesis 13:18

Ndoŋ nna nɛ Eebram tia mbe wajɛbu ŋ kaa n ya chena m mata Mamre be ndibigboŋ na ashi Hibrɔn nseŋ yuu bɔrɛsure a bunyaŋ Enyɛnpe Ebɔrɛ.

Jɛnesis 23:1

Nfɛ nɛ Sɛɛra daŋ ji durnya to kikɛ daa wɔ nfɛ kalfa nɛ adunyɔ nɛ ashunu.

Jɛnesis 23:19

Kesheŋ na ka nya eyilikpa na nɛ Eebraham puli mbe eche Sɛɛra kebeelaŋ na to ashi Hibrɔn nɛ k wɔ Keenan be kasawule so na.

Jɛnesis 24:67

Kubɔya na be kaman nɛ Aizek keta Rebɛka m ba wajɛbu nɛ mo nio Sɛɛra daa wɔtɔ na to m ba ta mo ŋ ki mbe eche. Rebɛka ka ba ki Aizek be eche na Aizek daa sha mo ga nɛ kumo be loŋ shin nɛ mo nio be luwu be ebesa nɛ k daa kɔ mo na lar nɛ kagbene wushi mo.

Jɛnesis 27:41

Ndoŋ nna nɛ Isɔɔ fara a kishi Jeekɔb ŋkpal nɛfa nɛ mo tuto daŋ sa mo na so nseŋ fɛ mbe kumu to le: “K maaŋ naŋ chɛr nɛ n tuto e wu nɛ an shu mbe keeli. Keeli na be kaman meeŋ mɔ n sipo Jeekɔb.”

Jɛnesis 35:27

Jeekɔb nite loŋ m ba fo mo tuto Aizek pe ashi Mamre nɛ k daŋ taga Kiriaf Aba na. Kumo koŋwule na e la Hibrɔn na. Ndoŋ nɛ Aizek nɛ Eebraham daŋ chena na.

Jɛnesis 37:14

Ndoŋ nna nɛ mo tuto kaŋɛ mo: “Keni, yɔ naniere n ya keni kananɛ fo daana nɛ asɔbɔya na du. Fo kaŋ wu bumo, fo naŋ ba kaŋɛ ma kusɔ nɛ k wɔtɔ.” Ndoŋ nna nɛ e shin nɛ Josɛf bɔla Hibrɔn be ketaŋɛ to a yɔ Shɛkɛm.

Jɛnesis 50:1

Ndoŋ nna nɛ Josɛf kilgi n tɔr mo tuto so n shu ga nseŋ lala mo so kashaso.

Jɛnesis 50:10

B daŋ ta loŋ m ba fo Atad nɛ k wɔ Jɔɔdan be epeŋipetekpa be kugooro nɛ b daa bri asɔ ndoŋ na m ba shu awɔrso ndoŋ ga nɛ Josɛf ta bɔkwe n wora keeliwora be edaŋkaresheŋ ndoŋ.

2 Samuɛl 1:12

Nseŋ shu keeli ga ŋ kishi n ya fo kaaseso ŋkpal Ewura Sɔɔl nɛ mo pibi Jonatan nɛ Enyɛnpe Ebɔrɛ be basa Israɛlebi na be bedamta ka wu kena na to so.

2 Samuɛl 1:17

Nɛ Deevid kpal Sɔɔl nɛ mo pibinyɛn Jonatan so n shu keeli ŋ karga awɔba.

2 Samuɛl 2:11

Hibrɔn to nɛ Deevid daŋ chena n ji Juda be efuli so be kuwura nfɛ ashunu nɛ bargato.

2 Samuɛl 5:3

Amoso Israɛlebi be bejuŋkparpoana na kikɛ nɛ ewura Deevid daŋ wora kɔnɔkoŋwule be ŋkre nna ashi Ebɔrɛ be anishito nɛ b ta ŋku n do mbe kumu so m buu mo Israɛl kikɛ be kuwura.

2 Samuɛl 5:5

Nfɛ ashunu nɛ bargato nɛ e daŋ chena Hibrɔn ashi Juda be efuli so n ji kuwura, nseŋ naŋ chena Jerusalɛm malɛ n ji kuwura Israɛl nɛ Juda kikɛ be efuli so nfɛ adesa nɛ asa.

1 Kronikɛls 6:57

B daŋ ta le be kesɔnyige be nde nɛ esa nɛ e maŋ kute m mɔ esa beeŋ tiŋ n shile n ya ŋana ndoŋ nna n sa Ɛɛrɔn nɛ mbe kaman to ebi. Amo e la: Hibrɔn nɛ Jatiir nɛ Libna nɛ Eshtemɔa nɛ Hilɛn nɛ Dɛbir nɛ Ashan nɛ Bɛf Shɛmɛsh, n ta mboŋ nɛ bumo be asɔbɔya bee ya ka ji be nsawule n ti so.

2 Kronikɛls 35:25

Ndoŋ nna nɛ anebi Jɛremaya wora ewura Josaya be keeli be kashɛ. Israɛl be benyɛn nɛ beche kra boŋ kashɛ na a nyiŋi ewura Josaya be luwu saŋkama. Loŋ be kashɛ na wɔ Israɛlebi be nli be nshɛ be kawɔl to.

Nehemaya 11:25

Basa na be beko daa wɔ ndegboŋ nɛ a mata bumo be ndɔana to na nna. Juda be yiri to ebi daa wɔ Kiriaf Aba nɛ Dibɔn nɛ Jekabzeel nɛ

Jɛremaya 22:10

Juda be basa men sa maŋ shu ŋkpal ewura Josaya ka wu so. Ama menyeeŋ tiŋ n shu ga ŋkpal mo pibinyɛn, ewura Jehowahaz nɛ b pɛ a yɔ efuli pɔtɛ wɔfɔ so nɛ e maaŋ naŋ bɛta m ba ŋko n wu kasawule nɛ b kurge mo kumo so na so.

Jɛremaya 22:18

Ama kusɔ nɛ Enyɛnpe Ebɔrɛ na kaŋɛ a laŋɛ Ewura Josaya pibinyɛn Jehowakim, nɛ fo la Juda be ewura na be kaplɛa so nde. E yɛ: “Esa kama maaŋ shu fo keeli ŋko ŋ kaŋɛ le: ‘Wooyo, n teri lela!’ Esa kikɛ maaŋ shu anishichubi ŋko m bugi kɔnɔ n shu ŋkpal fo so ŋ kaŋɛ le: ‘O n nyɛnpe! O ma ewura!’

Nɔmbɛs 13:22

B ka bɔla kelargato be kaseto be kaba so a yɔ na nɛ b ya tu kade ko nɛ baa tre Hibrɔn. Ndoŋ nɛ b tu Ahiman nɛ Shishai nɛ Talmai nɛ b shi basa tenteŋ gboŋgboŋi nɛ baa tre Anakebi be kanaŋ to na. Hibrɔn daŋ chena nfɛ ashunu nna pɔɛŋ nɛ Zowan nɛ k wɔ Ijipt be efuli so na chena.

Nɔmbɛs 20:29

Basa na kikɛ ka nu fanɛ Ɛɛrɔn wu, nɛ b shu mbe keeli nchɛ adesa.

Baru lela nɛ Jɔn kute na 11:31

Juwebi nɛ bumo nɛ Mɛɛri daa tase ebu to nɛ baa wushi mo kagbene na ka wu kananɛ e kpa ŋ koso manaŋ n lar kowu na nɛ b koso m bɛ mo so a fɛ fanɛ e daa yɔ nchaŋ na akpa nna nɛ e ya shu.

Baru lela nɛ Jɔn kute na 11:35

Yesu shu.

Ashuŋ Shunso 8:2

Ebɔrɛ be bebɛsopo ko e daŋ puli Stiven nseŋ boŋ to n shu mbe keeli ga.

Ditɛronɔmi 34:8

Nchɛ adesa nɛ Israɛl be basa daŋ shu Mosis be keeli bumo be daŋkare be ekpa so ashi Mowab be kasawule so.

Joshuwa 10:39

m pɔɔ kumo nɛ kumo be ewura nɛ ndewurbi nɛ a kulti kumo na kikɛ so nseŋ mɔ basa nɛ b wɔ ndoŋ na kikɛ. Kananɛ Joshuwa daŋ wora Libna nɛ Hibrɔn nɛ amo be bewura na koŋwule nɛ e wora Debir gba nɛ kumo be ewura.

Joshuwa 15:13

Joshuwa daŋ bɛ kusɔ nɛ Enyɛnpe Ebɔrɛ kaŋɛ mo na so nna nseŋ ta Juda be kasawule na be kaba n sa Jefune pibi Kalɛb. E daŋ nya Hibrɔn nɛ k la Aba be kade na nna. (Aba be kaman to ebi e daa la basa tenteŋ gboŋgboŋi nɛ baa tre Anakebi na)

Joshuwa 15:54

Humta nɛ Hibrɔn nɛ Ziɔr. Amo alɛ wɔ ndegboŋ akpanu nɛ amo be ndewurbi.

Joshuwa 20:7

Amoso nde nɛ b lara ashi Jɔɔdan be lɔr na be epeŋitɔrkpa e daa la Kadɛsh nɛ k wɔ Galili ashi Naftali be abee be efuli so na nɛ Shɛkɛm nɛ kumo alɛ wɔ Efrayim be abee be efuli so na, nɛ Hibrɔn nɛ k wɔ Juda be abee be efuli so na.

Joshuwa 21:11

B daŋ ta Kiriaf Aba nɛ baa tre Hibrɔn nɛ k wɔ Juda be abee be efuli so na nɛ kumo be asɔbɔya be ejikpa be kasawule na nna n sa bumo (Anak mo nananyɛn e daa la Arba.)

Demujipoana 1:10

Kumo be kaman nɛ b naŋ kilgi n tu Keenanebi nɛ b wɔ kadegboŋ nɛ baa tre Hibrɔn nɛ kumo koŋwule na la Kiriaf Aaba na, n ya kɔ m pɔɔ mbuna asa nɛ baa tre Sheshayi nɛ Ahiman nɛ Talmai na so.

1 Samuɛl 20:31

Fo maŋ nyi fanɛ nɛ Deevid baa wɔ ŋkpa to, fo maaŋ ji efuli ere be kuwura kikɛ a? Men ya pɛ Deevid m bar ma nfe, ŋkpal manɛ so, e daga luwu!”

1 Samuɛl 25:1

Samuɛl ka wu nɛ Israɛlebi na kikɛ ba abar so m ba shu mbe keeli, nseŋ ta mo n ya puli mbe kade to ashi Raama. Ade kikɛ be kaman nɛ Deevid yɔ Paran be kiyi to.

1 Samuɛl 28:3

Samuɛl ka wu, nɛ Israɛlebi na kikɛ ba abar so m ba shu mbe keeli nseŋ ta mo n ya puli mbe kade to ashi Raama. Ndoŋ nna nɛ Sɔɔl ju bekpalpo nɛ belejipo kikɛ ashi Israɛl be kasawule so.