Jɛnesis 22:23 - EBƆRƐ BE KAWƆL

²³ Bɛtuwɛl na e daŋ ba ki Rebɛka mo tuto na. Bibinyɛn aburwa ere nɛ Milka daŋ kurge n sa Eebraham mo sipo Nahɔɔ.

Jɛnesis 22:23 ပူးပေါင်းရင်းမြစ်များ

Jɛnesis 11:29

Eebram nɛ Nahɔɔ gba daŋ ta beche nna. Eebram be eche be ketre e daa la Sɛɛrai nɛ Nahɔɔ malɛ peya daa ji Milka. Milka nɛ Iska kikɛ bumo tuto e daa la Haran.

Jɛnesis 22:22

Bumo nɛ b naŋ ti so e la Kesɛd nɛ Hazo nɛ Pildash nɛ Jidelaf nɛ Bɛtuwɛl.

Jɛnesis 22:24

Nahɔɔ mo jipoche nɛ b daa tre Rɔima na gba daŋ kurge bibinyɛn nna n sa mo. Bumo be atre nde: Teba nɛ Gaham nɛ Tahash, nɛ Maaka.

Jɛnesis 24:15

Pɔɛŋ nɛ Eebraham be kayɛrbi na e kule Ebɔrɛ n loge nɛ Rebɛka ta lɔŋkɔŋ m bɛ mbe kebatemu so m ba lar. Rebɛka daa la Bɛtuwɛl pibiche nna nɛ Bɛtuwɛl malɛ daa la Nahɔɔ nɛ Milka pibi. Nahɔɔ malɛ daa la Eebraham mo sipo nna.

Jɛnesis 24:24

Nɛ Rebɛka kaŋɛ mo: “N tuto e la Bɛtuwɛl nɛ e la Nahɔɔ nɛ Milka pibi na.”

Jɛnesis 24:47

Kumo be kaman nɛ m bishi mo fanɛ wanɛ pibiche e la mo. Nɛ e yɛ, mo tuto e la Bɛtuwɛl nɛ e la Nahɔɔ nɛ Milka pibinyɛn na. E ka kaŋɛ ma loŋ na nɛ n ta kamuna so be kepinibi n wɔtɔ mbe kamuna to nseŋ ta enɔ to be mpinibi na malɛ n wɔtɔ mbe enɔ to.

Jɛnesis 24:51

An shuli. Rebɛka nde. Keta mo a yɔ n ya shin nɛ e ki fo nyɛnpe pibi na be eche fanɛ kananɛ Enyɛnpe Ebɔrɛ baŋ yili kumo na.”

Jɛnesis 24:60

Le be mmalga nɛ b daŋ ta ŋ kela mo. B yɛ: “Esipoche, Ebɔrɛ e nɛfa fo n shin nɛ fo mbia e wora keshi n fo ŋgboŋto ŋgboŋto nɛ fo kanaŋ to ebi kikɛ e pɔɔ bumo doŋana so n sɔ bumo be mboŋ a wɔtɔ.”

Jɛnesis 24:67

Kubɔya na be kaman nɛ Aizek keta Rebɛka m ba wajɛbu nɛ mo nio Sɛɛra daa wɔtɔ na to m ba ta mo ŋ ki mbe eche. Rebɛka ka ba ki Aizek be eche na Aizek daa sha mo ga nɛ kumo be loŋ shin nɛ mo nio be luwu be ebesa nɛ k daa kɔ mo na lar nɛ kagbene wushi mo.

Jɛnesis 25:20

Aizek malɛ daŋ ji nfɛ adena nna pɔɛŋ nseŋ ta Rebɛka nɛ mo tuto daa la Bɛtuwɛl, Mɛsopoteemia be esa na. Rebɛka mo siponyɛn malɛ e daa la Leeban.

Jɛnesis 28:2

Kusɔ nɛ k daga fanɛ fo wora e la fanɛ fo yɔ fo nananyɛn Bɛtuwɛl pe ashi Mɛsopoteemia epul ere to n ya fin fo wɔpa Leeban be mbichebiana na be eko n ta ŋ ki fo eche.

Jɛnesis 28:5

Aizek be kamalga na be kaman nɛ Jeekɔb pɛ Mɛsopoteemia be efuli so be ekpa nɛ e yɔ Bɛtuwɛl nɛ e la Mɛsopoteemia be esa na pibinyɛn Leeban kutɔ. Leeban daa la Jeekɔb nɛ Isɔɔ bumo wɔpa nna.

Romebi 9:10

Kede malɛ be kaman Rebɛka gba be mbinyɛnbi anyɔ na gba daa kɔ etuto koŋwule nna, mo e la an nananyɛn Aizek na.