Jɛnesis 22:2 - EBƆRƐ BE KAWƆL

² Nɛ Ebɔrɛ kaŋɛ mo: “Ta fo pibinyɛn koŋwule Aizek nɛ fee sha ga na n yɔ Moriya be kasawule so n ya mɔ mo n chɔɔ n lara sarga n sa ma ashi abee na be kumo nɛ meeŋ ŋini fo na so.”

Jɛnesis 22:2 ပူးပေါင်းရင်းမြစ်များ

Jɛnesis 17:19

Nɛ Ebɔrɛ kaŋɛ: “Ayai, loŋ maaŋ wora, fo eche Sɛɛra e naaŋ kurge ebinyɛn n sa fo nɛ fo nase mo ketre Aizek. Meeŋ shin nɛ ma kɔnɔkoŋwule be ŋkre na e baa wɔ mo ere nɛ mbe kaman to ebi so mbaanaayɔ.

Jɛnesis 21:12

Ndoŋ nna nɛ Ebɔrɛ kaŋɛ Eebraham le: “Sa maŋ shin nɛ fo kagbene e jija fo ga ŋkpal fo kenyache na nɛ mbe kebia so. Wora kusɔ kama nɛ Sɛɛra kaŋɛ fanɛ fo wora, ŋkpal manɛ so, Aizek so nɛ fo kanaŋ to ebi beeŋ nya ketre.

Jɛnesis 21:3

Ndoŋ nna nɛ Eebraham nase ebinyɛn nɛ Sɛɛra kurge n sa mo na ketre Aizek.

Jɛnesis 22:12

Nɛ malaika na kaŋɛ: “Sa maŋ kaŋ mɔ kebia na. Naniere m pin fo ka bee sha ma Ebɔrɛ, ŋkpal manɛ so, fo maŋ mɔn ma fo pibinyɛn koŋwule nɛ fee sha ga na.”

Jɛnesis 22:16

Enyɛnpe yɛ: “M bɔ ŋ gbagba be kumu fanɛ ŋkpal fo ka maŋ mɔn ma fo pibinyɛn koŋwule Aizek nseŋ daa shin nɛ fo ta mo n lara sarga n sa ma so so,

Jɛnesis 22:3

Kumo be ŋklade chipurdidi nɛ Eebraham kil ndibi nɛ e beeŋ ta n ya chɔɔ sarga na n sulɔ mbe kurma nseŋ keta mo pibi Aizek nɛ nyɛrbi anyɔ n ti so m pɛ kakpa nɛ Ebɔrɛ daŋ malga kumo be asheŋ na be ekpa.

Jɛnesis 22:9

B ka ya fo kakpa nɛ Ebɔrɛ ŋini Eebraham fanɛ e lara sarga na nɛ Eebraham yuu bɔrɛsure ndoŋ nseŋ bela ndibi na n deŋi bɔrɛsure na so. Kumo be kaman nɛ e pɛ mbe kebia na ŋ kre mo n ya deŋi bɔrɛsure na nɛ ndibi na so,

Jɛnesis 8:20

Ndoŋ nna nɛ Nowa gbare ajembu n deŋi abar so nseŋ pɛ m pɛ asɔbɔya nɛ a maŋ kɔ eyurpi n daga keta n lara sarga na be ako nɛ mbuibi nɛ a maŋ kɔ eyurpi n daga keta n lara sarga na be ako m mɔ n deŋi ajembu na so n chɔɔ n lara sarga n sa Ebɔrɛ.

2 Bewura 3:27

Ade kikɛ be kaman nɛ e ta mo pibinyɛn nimuso nɛ e beeŋ sɔ mo so n ji kuwura na n lara sarga n sa Mowab be kegbir ashi kade na be egbal be esoso. Nɛ kumo be loŋ daŋ pɛ Israɛlebi na kufu ga nɛ b bɛta n yɔ bumo be efuli so.

2 Kronikɛls 3:1

Ewura Deevid nɛ e la Sɔlɔmɔn mo tuto na daŋ lɔŋɛ bɔrɛlambu na be kakpa nna ashi Jerusalɛm be kebeegboŋ nɛ baa tre Moriya na so. Ndoŋ nɛ Enyɛnpe Ebɔrɛ daŋ lara mbe kumu ŋ ŋini mo ashi kugooro nɛ Aruna nɛ e la Jerusalɛm be esa na daa bri mbe ayu so na.

Maika 6:7

N ta mbolpɔ ŋgboŋto ŋgboŋto ŋko ɔlif be ŋku nɛ e du fanɛ lɔr be bɔlɔ m ba mo kutɔ, k beeŋ par mo a? N ta ma wurkoŋnyɛn n lara sarga n sa mo ŋkpal ma alubi so a?

Baru lela nɛ Jɔn kute na 3:16

Ŋkpal manɛ so, Ebɔrɛ daŋ sha durnya ere ga so nna nɛ e ta mo Pibinyɛn koŋwule n sa durnya fanɛ nɛ esa kama nɛ e yirda mo, e maaŋ shir, ama e beeŋ nya ŋkpa nɛ k maŋ kɔ ekar na.

Romebi 5:8

Ama kananɛ Ebɔrɛ ŋini anyi mbe kasha nde fanɛ saŋɛ nɛ an daa la alubiworapoana na nɛ Yesu wu n sa anyi.

Romebi 8:32

Esa nɛ e maŋ mɔn anyi mo gbagba Pibinyɛn nseŋ ta mo m bɔɔ basa enɔ ŋkpal anyi kikɛ so na, manɛ nna nɛ e maaŋ bugi kagbene n sa anyi kusɔ kikɛ n ti mo Pibi so?

Hibruwebi 11:17

Yirda so nɛ Eebraham daŋ ta Aizek a shin nɛ e lara sarga n sa Ebɔrɛ saŋɛ nɛ b daŋ wora mo ŋ keni na. Mo alɛ nɛ Ebɔrɛ daŋ ta mbe nnɔ nasesoana n sa, ama e daŋ shuli fanɛ e beeŋ ta mo pibi koŋwule na m mɔ n lara sarga.

Demujipoana 11:31

kusɔ kama nɛ k beeŋ shi ma laŋ to n lar n ba shɛr ma to jemanɛ nɛ meeŋ bɛta n shi anyi nɛ Ammɔnebi be kena na to m ba na meeŋ ta kumo n lara sarga n sa fo.”

Demujipoana 11:39

Afɔl anyɔ na ka fo nɛ e bɛta m ba mo tuto kutɔ nɛ e ta mo n tia mbe kɔnɔ naseso nɛ e nase n sa Enyɛnpe Ebɔrɛ na. Ŋkpal loŋ so e daŋ maŋ pin enyɛn pɔɛŋ nseŋ wu. Kananɛ Israɛlebi be daŋkare ere jɔŋɛ nna na.