Jɛnesis 22:17 - EBƆRƐ BE KAWƆL

¹⁷ meeŋ nɛfa fo kashenteŋto nseŋ shin nɛ fo kaman to ebi e baa shi fanɛ awɔlpa to be achɛkpabi nɛ teku ase be shishɛr na. Fo kaman to ebi beeŋ ba koso m pɔɔ bumo doŋana so n sɔ bumo be ndeana.

Jɛnesis 22:17 ပူးပေါင်းရင်းမြစ်များ

Jɛnesis 12:2

Meeŋ shin nɛ fo ki kanaŋgboŋwura nsaa kɔ efuligboŋ. Meeŋ nɛfa fo n shin nɛ fo ketre e dii, nɛ fo ki nɛfa n sa basa kikɛ.

Jɛnesis 13:16

Kumo be kaman, meeŋ shin nɛ fo kaman to ebi e wora keshi fanɛ kasawule so be shishɛr. Amoso nɛ esa baŋ tiŋ ŋ karga kasawule so be shishɛr, kumo ere e beeŋ tiŋ ŋ karga fo kaman to ebi gba.

Jɛnesis 15:5

Ndoŋ nna nɛ Enyɛnpe Ebɔrɛ shin nɛ Eebram lar kowu nɛ e kaŋɛ mo: “Keni esoso ŋ keni, feeŋ tiŋ ŋ karga achɛkpabi ere a? To, nɛ fo maaŋ tiŋ ŋ karga amo bre, kumo ere loŋ nɛ fo kanaŋ to ebi beeŋ ba kaa sa na.”

Jɛnesis 17:6

Meeŋ shin nɛ fo mbia e wora keshi nɛ efuli damtaana nɛ bewuraana e shi bumo to n lar.

Jɛnesis 24:60

Le be mmalga nɛ b daŋ ta ŋ kela mo. B yɛ: “Esipoche, Ebɔrɛ e nɛfa fo n shin nɛ fo mbia e wora keshi n fo ŋgboŋto ŋgboŋto nɛ fo kanaŋ to ebi kikɛ e pɔɔ bumo doŋana so n sɔ bumo be mboŋ a wɔtɔ.”

Jɛnesis 25:11

Eebraham ka wu nɛ Ebɔrɛ nɛfa mo pibinyɛn Aizek nɛ e daŋ ya kaa wɔ a mata Beer Lahai Roi na.

Jɛnesis 26:24

Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”

Jɛnesis 26:4

Meeŋ shin nɛ fo kaman to ebi e wora keshi a sa fanɛ awɔlpa to be achɛkpabi nɛ n ta nsawule ere kikɛ n sa bumo nseŋ bɔla bumo so n nɛfa efuli kama so ebi durnya to.

Jɛnesis 28:3

Ebɔrɛ Enyɛnpetale na e nɛfa fo nseŋ sa fo mbia be kanya nɛ fo ba ki basa damta bumo tuto.

Jɛnesis 28:4

Ebɔrɛ koŋwule na e sa fo nɛ fo kaman to ebi nɛfa mo nɛ e daŋ sa Eebraham na saŋɛ na so kasawule mo nɛ fo wɔ kumo so fanɛ efɔ naniere ere beeŋ ki feya. Kumo e la kasawule nɛ Ebɔrɛ ta n sa Eebraham na.”

Jɛnesis 32:12

Ama fo alɛ kaŋɛ fanɛ feeŋ shin nɛ ŋ ki asɔwura nseŋ shin nɛ ma kanaŋ e salga fanɛ teku ase be leele nɛ esa maaŋ tiŋ ŋ karga na.”

Jɛnesis 32:13

Jeekɔb nɛ mbe basa na daŋ di ndoŋ nna ŋklade. Kare ka chɛ nɛ e lara asɔ nɛ e kɔ na to be ako nɛ e ya kɛ mo da Isɔɔ.

2 Samuɛl 17:11

Ma kasotoji e la fanɛ fo yili Dan be kade to ashi kelargato be esoso be kaba so n chala Israɛl be benapo n ya fo Bɛshiba be kade to be kelargato be kaseto na saŋɛ na so feeŋ nya benapo, nɛ b baa shi fanɛ teku ase be leele na, nɛ fo Absalɔm gbagba e juŋkpar nɛ an ya kɔ Deevid kena.

1 Bewura 4:20

Saŋɛ nɛ Sɔlɔmɔn daa la ewura na, Juda nɛ Israɛl be basa daa shibi ga nna fanɛ teku ase be shishɛr. Ama bumo kikɛ ka bee nya a ji nsaa nuu yɛlyɛla so, bumo kikɛ be ŋgbene daa fuli bumo nna.

1 Bewura 9:26

Kumo be kaman nɛ ewura Sɔlɔmɔn yɔ Eziɔngɛba nɛ Elaf nɛ a wɔ teku peper na be kɔnɔ ase na n yaa wora ekuloŋgboŋana.

1 Kronikɛls 27:23

Ewura Deevid daa maŋ karga Israɛl be basa nɛ b daa maŋ naŋ fo nfɛ adunyɔ na ŋkpal Enyɛnpe Ebɔrɛ ka daŋ nase kɔnɔ fanɛ e beeŋ shin nɛ Israɛl be basa e wora kishi fanɛ achɛkpabi nɛ a wɔ awɔlpa to.

2 Kronikɛls 1:9

O Enyɛnpe Ebɔrɛ, jande shin nɛ fo nnɔ nɛ fo nase n sa n tuto na e bɔlɔ so. Fo ta ma nna ŋ ki basa nɛ b shibi m baŋ so kekarga ere be ewura,

Nehemaya 9:23

Fo daŋ bar bumo kasawule nɛ fo nase kumo be kɔnɔ n sa bumo nanaana na so nna. Kumo be kaman nɛ fo nɛfa bumo nɛ k wora fanɛ bumo be efuli so be basa ka daa shi a chɔ achɛkpabi nɛ e wɔ awɔlpa to na.

Ɛksodɔs 32:13

Nyiŋi le be kɔnɔ nɛ fo nase n sa fo nyɛrbi Eebraham nɛ Aizek nɛ Jeekɔb: “Meeŋ shin nɛ menyi be kaman to ebi e wora keshi fanɛ achɛkpabi nɛ a wɔ awɔlpa to na ta kasawule ere kikɛ n sa bumo nɛ k ki bumo be kapetɛ mbaanaayɔ na.”

Aizaaya 48:19

Menyi be kaman to ebi beeŋ wora keshi fanɛ shishɛr, nɛ ma alɛ e shin nɛ b sa maŋ mur kikɛ

Jɛremaya 32:22

Kumo be kaman nɛ fo ta kasawule nɛ k kɔ eleŋ a wora adɔjibi nɛnɛ ga na n sa Israɛlebi bumo nananyɛnana.

Jɛremaya 33:22

Meeŋ shin nɛ ma kenya Deevid be kaman to ebi nɛ bɔrɛmatapoana nɛ b shi Livai be yiri to e wora keshi n ti so, nɛ esa maaŋ tiŋ ŋ karga bumo fanɛ kananɛ esa maaŋ tiŋ ŋ karga achɛkpabi ŋko teku ase be leele na.”

Hoziya 1:10

Kachako so Israɛl be basa beeŋ ba kaa du fanɛ teku ase be leele nɛ esa maaŋ tiŋ ŋ karga ŋko m ber na. Naniere bre Ebɔrɛ bee kaŋɛ bumo nna fanɛ b maŋ la mbe basa, ama saŋko beeŋ ba nɛ e kaŋɛ bumo le: “Ebɔrɛ nɛ e wɔ ŋkpa to na be mbia e la menyi!”

Hoziya 2:1

Amoso tre fo braana Israɛlebi, Ebɔrɛ be basa nɛ basa nɛ Enyɛnpe Ebɔrɛ bee sha.

Maika 1:9

Ŋkpal manɛ so, Samɛria jija e shin nɛ k mur cheche nɛ Juda malɛ gba luri loŋ be tɔrɔ na to. Loŋ be tɔrɔ na tiŋ n fo ma basa be mbuna to ashi Jerusalɛm to.”

Romebi 4:13

Ebɔrɛ daŋ nase kɔnɔ nna n sa Eebraham nɛ mbe kaman to ebi fanɛ baaŋ nya durnya ere. Mannɛ Eebraham ka daa bɛ mbra na so so nɛ Ebɔrɛ nase kɔnɔ na, e ka daŋ yirda Ebɔrɛ nɛ e nase kumo fanɛ e la elelapo na so nɛ e daŋ wora loŋ.

Romebi 9:27

Le nɛ anebi Aizaaya bee kaŋɛ Israɛlebi be asheŋ awɔrso: “Nɛ Israɛlebi baa shi fanɛ teku ase be ajembubi gba, bumo to be gbrɛbi e naaŋ nya kumɔlga.

1 Kɔrintebi 15:57

Ama anyee chɔrɔ Ebɔrɛ ga ŋkpal manɛ so, mo e naa bɔla an Nyɛnpe Yesu Kristo so a shin nɛ anyee kɔ a pɔɔ so.

Ɛfesesebi 1:3

Men shin nɛ an chɔrɔ an Nyɛnpe Yesu Kristo be Ebɔrɛ nɛ e la mo Tuto na ga, ŋkpal manɛ so, e bɔla Kristo so n nɛfa anyi n ta abɔrɛsheŋ be kakɛ be yiri kikɛ ashi ebɔrɛso n sa anyi.

Ditɛronɔmi 1:10

Enyɛnpe, menyi be Ebɔrɛ na malɛ naŋ shin nɛ men wora keshi fanɛ achɛkpabi ashi awɔlpa so.

Ditɛronɔmi 1:11

Enyɛnpe, men nananyɛnana be Ebɔrɛ na e shin nɛ men naŋ wora keshi alegaiso gba n ti so nseŋ shin nɛ kusɔ kama bee nite nɛnɛ a sa menyi fanɛ kananɛ e nase kɔnɔ na!

Ditɛronɔmi 10:22

Menyi nananyɛnana nɛ b daŋ yɔ Ijipt be efuli so na daa la basa adushunu nna. Ama naniere Enyɛnpe menyi be Ebɔrɛ na shin nɛ men wora keshi a du fanɛ achɛkpabi nɛ a wɔ awɔlpa to na.

Ditɛronɔmi 13:17

Menyi alɛ e sa maŋ kaŋ ta kusɔ kama kade na to. Aloŋ e naaŋ shin nɛ Enyɛnpe Ebɔrɛ na be agbogboŋ e wushi nɛ e wu menyi kuwɔr. Kumo be kaman nɛ e shin nɛ men wora keshi n ti so fanɛ kananɛ e nase kumo be kɔnɔ n sa men nananyɛnana na.

Ditɛronɔmi 13:18

Amoso nɛ a daga fanɛ men baa wora kusɔ nɛ Enyɛnpe menyi be Ebɔrɛ na kaŋɛ fanɛ k walɛ na. Mee ta mbraana ere nna a sa menyi kabre nɛ men baa wora amo kasonu.”

Ditɛronɔmi 21:19

Loŋ be kebia mo tuto nɛ mo nio daga fanɛ b yɛr mo kade nɛ b wɔ na be benimuana kutɔ nna nɛ b ya ji kebia na demu.

Hibruwebi 11:12

Ŋkpal le be yirda ere so nɛ basa damta daŋ shi enyɛn koŋwule nɛ e daa maŋ naa kɔ eleŋ nseŋ daa du fanɛ esa nɛ e teŋ wu na to. Naniere b shi fanɛ achɛkpabi mo nɛ a wɔ awɔlpa to na nna. Esa malɛ maaŋ tiŋ ŋ karga bumo fanɛ kananɛ b maaŋ tiŋ ŋ karga teku ase be ajembubi na.

Hibruwebi 6:14

Le nɛ e daŋ kaŋɛ Eebraham: “Kashenteŋ nɛ mee ji fo na fanɛ meeŋ nɛfa fo n sa fo kaman to ebi damta.”

Kelaraŋŋini 11:15

Ndoŋ nna nɛ malaika shunusopo na foŋ mbe kabel nɛ awɔr damtaana chɛ ashi ebɔrɛso a kaŋɛ le: “Eleŋ mo nɛ k bee ji kuwura durnya ere so na ki an Nyɛnpe nɛ mbe Kristo peya, mo alɛ beeŋ ji kuwura na mbaanaayɔ.”