Jɛnesis 22:14 - EBƆRƐ BE KAWƆL

¹⁴ Sarga ere be kaman nɛ Eebraham nase kaboŋ na ketre: “Enyɛnpe beeŋ sa.”

Jɛnesis 22:14 ပူးပေါင်းရင်းမြစ်များ

Jɛnesis 22:13

Malaika na ka kaŋɛ loŋ na nɛ Eebraham maŋ kumo so ŋ keni nɛ asɔ ko fanɛ chakpaŋare kre kpakpa ko n yili, nɛ e yɔ n ya saŋɛ kpakpa na m ba mɔ n chɔɔ n lara sarga n sa Ebɔrɛ, nseŋ yige mbe kebia na.

Jɛnesis 22:15

Kumo be kaman nɛ Enyɛnpe be malaika na naŋ yili ebɔrɛso n tre Eebraham kela nyɔsopo ŋ kaŋɛ fanɛ

Jɛnesis 22:8

Nɛ Eebraham kaŋɛ mo: “M pibi, Ebɔrɛ gbagba e naaŋ sa kubɔlpo fɔlbi nɛ anyeeŋ mɔ n chɔɔ n lara sarga na.” Ndoŋ nna nɛ b naŋ kilgi m pɛ bumo be ekpa.

Jɛnesis 28:19

Kumo be kaman nɛ e nase kakpa na ketre Bɛtɛl. Kade nɛ k daa wɔ ndoŋ na nɛ b daa tre Luz pɔɛŋ nɛ e nase kumo Bɛtɛl na.

Jɛnesis 32:30

Amoso nɛ Jeekɔb daŋ nase kaboŋ na be ketre Peniyɛl na, ŋkpal manɛ so, e yɛ: “N wu Ebɔrɛ kenishiso nfe nna, ma alɛ maŋ wu.”

1 Bewura 17:8

Ndoŋ nna nɛ Enyɛnpe Ebɔrɛ na kaŋɛ anebi Elaija le:

Ɛksodɔs 17:15

Ade kikɛ be kaman nɛ Mosis pɔr bɔrɛsure nseŋ nase kumo: ‘Enyɛnpe Ebɔrɛ na e la ma Kekɔmpɔɔso be tuuta.’

Ezikɛl 48:35

Egbal nɛ k kulti kadegboŋ na n wɔtɔ na be nteŋ kikɛ n chambɔ beeŋ baa la fanɛ emayɛl adunyɔ nɛ ashe nna. Yili kabre a yɔ, kadegboŋ na be ketre e naŋ baa la “Enyɛnpe Ebɔrɛ na Wɔ Nfe!”

Maika 4:10

Men baa shu nsaa kii nnɔ to fanɛ eche nɛ kakurge ta na, ŋkpal manɛ so, k maaŋ chɛr nɛ men lar kadegboŋ na to n yaa kaa wɔ kupuŋ to. Baaŋ pɛ menyi n yɔ kufɔ kufɔ Babilɔn be efuli so, ama ma, Enyɛnpe Ebɔrɛ na, beeŋ mɔlga menyi ashi men doŋana be enɔ to ndoŋ.

Baru lela nɛ Jɔn kute na 1:14

Esa nɛ baa tre Kamalga na daŋ ki dimɛdi nna m ba kaa wɔ anyi to. An wu mbe kemaŋkura nɛ kuwɔr be kakɛ nɛ kashenteŋ bɔlɔ kemaŋkura na to. Le be kemaŋkura ere la mo peya nna ŋkpal e ka la Ebɔrɛ Pibinyɛn koŋwule na so.

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.

1 Timoti 3:16

Kashenteŋto, esa kikɛ maaŋ tiŋ ŋ kaŋɛ anyi be keŋini ere nɛ Ebɔrɛ lara ŋ ŋini ere maŋ la keŋinigboŋ, ŋkpal manɛ so, k bee ŋini esa nɛ e ta nyiŋgbasa be eyur nna n shi ebɔrɛso m ba durnya to be asheŋ. Mo nɛ Kiyoyu Cheeŋ na daŋ kaŋɛ anyi fanɛ e maŋ kɔ kulubi na, emalaika daŋ wu mo nɛ basa bɔ mbe kubɔya nnyamase to nɛ durnya to be basa yirda mo. Mo koŋwule na nɛ Ebɔrɛ daŋ shin nɛ e luri to n yɔ kemaŋkura be ŋkpa na to.

Demujipoana 6:24

Kumo be kaman nɛ Gidiɔn pɔr bɔrɛsure n yili nseŋ nase ndoŋ ketre fanɛ: “Enyɛnpe Ebɔrɛ na la kayurwushiwura nna.” Hale nɛ mbre, bɔrɛsure na kraa yil Ofra nɛ k wɔ Abiyeza be kabuna ebi be kasawule so na.

1 Samuɛl 29:10

Amoso Deevid, a daga fanɛ fo nɛ bekama nɛ men lar Sɔɔl kutɔ m ba ma kutɔ na ka wule ŋ koso echefo kachipurso n lar nfe pɔɛŋ nɛ kakpa e bugi to.”

1 Samuɛl 7:12

Ndoŋ nna nɛ Samuɛl ta kejembu n yuu Mizpa nɛ Shɛn be kefɛato nseŋ nase kumo be ketre Ebeneeza ŋ kaŋɛ le: “Enyɛnpe Ebɔrɛ na e chɛ anyi to m ba fo nfe.”