Jɛnesis 21:8 - EBƆRƐ BE KAWƆL

⁸ Kebia na ka ba daŋ n fo kenyipo be keku nɛ Eebraham wora kejigboŋ n sa basa kumo be kachɛ na.

Jɛnesis 21:8 ပူးပေါင်းရင်းမြစ်များ

Jɛnesis 19:3

Ndoŋ nna nɛ e mata bumo so loŋ pɔɛŋ nɛ b ba shuli n bɛ mo so n yɔ mbe laŋ to. Kumo be kaman nɛ Lɔt kaŋɛ fanɛ b wora bodobodo nɛ a maŋ kɔ yiisi amo to na nɛ ajibi lela n sa befɔ na. B ka wora ajibi na n loge nɛ befɔ na ji.

Jɛnesis 21:7

Sɛɛra ka malga le ere be kaman nɛ e naŋ kaŋɛ le: “Wanɛ e daa beeŋ tiŋ ŋ kaŋɛ Eebraham fanɛ mbe eche Sɛɛra beeŋ nya kebia n chena aya so n nyipo? Ama kabre, amo nde. Ma e kurge ebinyɛn n sa mo mbe mbel to na.”

Jɛnesis 21:9

Ndoŋ nna nɛ kachako Sɛɛra wu kebia nɛ Heega nɛ e shi Ijipt na kurge n sa Eebraham na ka bee wora mo ere Sɛɛra pibinyɛn Aizek eyurto.

Jɛnesis 26:30

Ndoŋ nna nɛ Aizek wora kejigboŋ n sa bumo nɛ b ji gbetɛɛ.

Jɛnesis 29:22

Ndoŋ nna nɛ Leeban shɛr ndoŋ be basa kikɛ n wora kejigboŋ n sa bumo.

Jɛnesis 40:20

Edareana na be kaman be kachɛ sasopo na daa la Fɛɛro be kakurgeachɛ nna nɛ e wora kejigboŋ n sa mbe benimu kikɛ nseŋ lara asɔnuuso kenipo nimuso na nɛ bodobodo worapo nimuso na ashi kabuti to m ba benimu kikɛ be anishito.

2 Samuɛl 3:20

Abna daŋ keta mbe benapo adunyɔ nna m ba Deevid kutɔ ashi Hibrɔn, nɛ Deevid wora kejigboŋ n sa bumo.

1 Bewura 3:15

Ewura Sɔlɔmɔn ka tiŋi edi to nɛ e pin fanɛ Ebɔrɛ e daŋ malga mo kutɔ edare to. Ndoŋ nna nɛ e yɔ Jerusalɛm n ya yili Enyɛnpe Ebɔrɛ be ŋkre be deka na be anishito n lara sarga chɔɔso nɛ kɔnɔkoŋwuleso be sarga n sa Enyɛnpe Ebɔrɛ. Kumo be kaman nɛ e wora kejigboŋ n sa mbe benimuana.

Ɛsta 1:3

E ka ji kuwura be kafɛ sasopo to nɛ e wora kejigboŋ n sa mbe benimuana nɛ ekrachiana. Pɛshiya be efuli so nɛ Midia be efuli so be esoji be benimu, n ta bewura nɛ b wɔ efuli na so nɛ bejuŋkparpoana kikɛ e daŋ ba kejigboŋ na to.

Nshɛ 131:2

Ama ŋ koya keshin nɛ kayurwushi be kebaawɔtɔ e kukwe ma. Kananɛ kebia popɔrbi bee dese mo nio be enɔ to boeŋ na, nɛ ma kagbene gba dese ma to.

Hoziya 1:8

Gooma ka ku Lo-Ruhaama kenyipo, nɛ e naŋ di kedampo n kurge ebinyɛn.

Demujipoana 14:10

Samsɔn mo tuto ka yɔ nɛ e ya wu eche na nɛ mbe basa a laŋɛ kejafɔ na be kaplɛa so na nɛ Samsɔn malɛ bee wora kejigboŋ ashi ndoŋ. K daa la daŋkare nna n sa enyɛn kama nɛ e bee ta eche.

Demujipoana 14:12

Ndoŋ nna nɛ Samsɔn kaŋɛ mbrantiɛfɔlbi adesa na le: “Men shin nɛ ŋ kaŋɛ menyi keyiremu ere. Men kaŋ tiŋ ŋ kaŋɛ ma kusɔ nɛ k bee ŋini pɔɛŋ nɛ kejafɔ na be kejigboŋ e loge nchɛ ashunu be jemanɛ to na, meeŋ sa menyi be ekama piŋi lela nɛ asɔbuuso nɛ menyee baa chɛrga a buu.

1 Samuɛl 1:22

Ama kafɛ nɛ Haana kurge na mo ere daa maŋ yɔ. Le nɛ e daŋ kaŋɛ mo kul: “Ma nɛ Samuɛl bre maaŋ yɔ ama m baŋ ku mo kenyipo nna pɔɛŋ nseŋ ta mo n ya sa Enyɛnpe Ebɔrɛ ashi Shilo nɛ e baa wɔ ndoŋ hale n ya fo mbe luwu achɛ.”

1 Samuɛl 1:24

Haana ka ku kebia na kenyipo, nɛ e ta mo n yɔ Shilo. E daŋ ta nfɛnsa be gbolu nɛ nyifu kilo kudu nɛ nsa belbelso deŋkeŋ be bɔlɔ n ti kebia na so nna m ba Enyɛnpe Ebɔrɛ be lambu to ashi Shilo.

1 Samuɛl 25:36

Abigɛl ka bɛta n yɔ nɛ mo kul Nabaal wɔ laŋ to a wora kejigboŋ fanɛ ewura ka wora kejigboŋ na. E daŋ boo nna le chil; ŋkpal loŋ so, Abigɛl daa maŋ kaŋɛ mo shɛŋ hale nɛ kare ya chɛ kachipurso.