Jɛnesis 21:7 - EBƆRƐ BE KAWƆL

⁷ Sɛɛra ka malga le ere be kaman nɛ e naŋ kaŋɛ le: “Wanɛ e daa beeŋ tiŋ ŋ kaŋɛ Eebraham fanɛ mbe eche Sɛɛra beeŋ nya kebia n chena aya so n nyipo? Ama kabre, amo nde. Ma e kurge ebinyɛn n sa mo mbe mbel to na.”

Jɛnesis 21:7 ပူးပေါင်းရင်းမြစ်များ

Jɛnesis 17:17

Ndoŋ nna nɛ Eebraham gbir ŋ kurgi kumu n yuu nseŋ fara a mushe a fɛ le: “Enyɛn beeŋ tiŋ n fo nfɛ kalfa nseŋ naŋ tiŋ n nya mbia a? Sɛɛra malɛ beeŋ naŋ tiŋ ŋ kurge kebia saŋɛ nɛ e fo nfɛ adekpanu ere a?”

Jɛnesis 18:13

Ndoŋ nna nɛ Enyɛnpe na bishi Eebraham le: “Manɛ nna nɛ Sɛɛra mushe nseŋ kaŋɛ mbe kumu fanɛ e maaŋ naŋ tiŋ n nya ebi saŋɛ nɛ e bel ere?

Jɛnesis 21:8

Kebia na ka ba daŋ n fo kenyipo be keku nɛ Eebraham wora kejigboŋ n sa basa kumo be kachɛ na.

1 Bewura 11:20

Hadad be eche na daŋ kurge ebinyɛn nna nɛ b nase mbe ketre Genubaf. Ewurche na e daŋ bela mo nɛ Ijipt be ewura na be mbia kikɛ laŋ koŋwule to.

1 Bewura 3:21

Kare ka chɛ kachipurso nɛ mee sha kesa ma kebia kenyipo, nseŋ keni nɛ e wu. Ŋ ka keni mo nɛnɛ nɛ n wu fanɛ mannɛ m pibinyɛn na nna.”

Nshɛ 86:10

Fo ka la Ebɔrɛ so, fo nawule e naa wora emamachisheŋ nɛ e bee mɔ kɔnɔ.

Nshɛ 86:8

O Enyɛnpe Ebɔrɛ, agbirana kikɛ maŋ du fanɛ fo, Ebɔrɛ kikɛ maŋ naa wɔtɔ a du fanɛ fo. Esa malɛ kikɛ maŋ naŋ wora asheŋ nɛ fee wora ere be kekama.

Aizaaya 49:21

Ndoŋ nna nɛ fo alɛ e kaŋɛ fo kumu le: ‘Wanɛ e kurge mbia ere kikɛ n sa ma? N daŋ paŋ ma mbia nna nsaa maaŋ naŋ tiŋ ŋ kurge ebi. B daŋ pɛ ma kenya nna n yɔ efuli pɔtɛ so; wanɛ e bela mbia ere nɛ b daŋ? N nawule e daŋ ka a wɔtɔ; nnɛ nɛ mbia ere shi m ba?’ ”

Aizaaya 66:8

Wanɛ e daŋ nu ŋko n wu loŋ ŋ ku so? Kachɛ koŋwule nɛ efuli bee ta a ki efuli nɛ basa wɔ kumo to ŋko epul to nɛ loŋ bee wora? Ama Jerusalɛm bre du fanɛ eche nɛ kakurge ta mo nɛ e kurge kebia epul na to nna.

Jɛremaya 20:15

Shoduu e baa wɔ esa kama nɛ e bar baru m ba sa n tuto fanɛ mbo eche kurge ebinyɛn nɛ mbe kagbene fuli mo ŋkpal loŋ so na so.

Nɔmbɛs 23:23

Kudur ŋko kegbaya be eleŋ kikɛ maŋ wɔtɔ nɛ k beeŋ tiŋ ŋ kɔ m pɔɔ Israɛl be efuli ere so, Basa beeŋ ji Israɛl be asheŋ be shɛda ŋ kaŋɛ le: ‘Men keni kusɔ nɛ Ebɔrɛ wora n sa mbe basa!’

Ɛfesesebi 3:10

Saŋɛ na so e beeŋ bɔla asɔriebi na to n shin nɛ mbe kashennyi damta e dii efuli n sa esoso be kenimujipoana nɛ bejuŋkparpo ashi ebɔrɛso.

2 Tɛsalɔnikaebi 1:10

Kachɛ nɛ e beeŋ ba nya kemaŋkura nɛ bunyaŋ ashi mbe basa nɛ b yirda mo na kutɔ na, menyi alɛ gba beeŋ ti loŋ be basa na so ŋkpal men ka yirda kubɔya nɛ an daŋ bɔ n sa menyi na so.