Jɛnesis 21:6 - EBƆRƐ BE KAWƆL

⁶ Sɛɛra ka kurge kebia na nɛ e kaŋɛ le: “Ebɔrɛ sa ma kagbenefuli nɛ emushe. Ekama malɛ nɛ e nu ma kakurge be asheŋ be kagbene beeŋ fuli nɛ e tu ma m mushe.”

Jɛnesis 21:6 ပူးပေါင်းရင်းမြစ်များ

Jɛnesis 17:17

Ndoŋ nna nɛ Eebraham gbir ŋ kurgi kumu n yuu nseŋ fara a mushe a fɛ le: “Enyɛn beeŋ tiŋ n fo nfɛ kalfa nseŋ naŋ tiŋ n nya mbia a? Sɛɛra malɛ beeŋ naŋ tiŋ ŋ kurge kebia saŋɛ nɛ e fo nfɛ adekpanu ere a?”

Nshɛ 113:9

Eche kilpo baa maa kɔ mbia, Ebɔrɛ e naa nɛfa mo nɛ e bee nya mbia nɛ mbe kagbene e fuli. Men kpaŋ Enyɛnpe Ebɔrɛ na!

Nshɛ 126:2

Emushe nɛ kagbenefuli be nshɛ nɛ an daŋ ta n ji eyur. Ndoŋ nna nɛ efuli pɔtɛana be basa ji anyi be asheŋ ŋ kaŋɛ le: “Enyɛnpe Ebɔrɛ e wora asheŋgboŋ n sa mbe basa na.”

Aizaaya 49:15

Ndoŋ nna nɛ Enyɛnpe Ebɔrɛ na kaŋɛ le: “Eche kurgepo beeŋ tiŋ n teŋ kebia nɛ mo gbagba sa mo kenyipo so a? Nɛ ebinio beeŋ tiŋ n teŋ mo kebia so gba, ma ere maaŋ teŋ menyi so kikɛ.

Aizaaya 49:21

Ndoŋ nna nɛ fo alɛ e kaŋɛ fo kumu le: ‘Wanɛ e kurge mbia ere kikɛ n sa ma? N daŋ paŋ ma mbia nna nsaa maaŋ naŋ tiŋ ŋ kurge ebi. B daŋ pɛ ma kenya nna n yɔ efuli pɔtɛ so; wanɛ e bela mbia ere nɛ b daŋ? N nawule e daŋ ka a wɔtɔ; nnɛ nɛ mbia ere shi m ba?’ ”

Aizaaya 54:1

Jerusalɛm, fo daa du fanɛ egbentepo nna, ama naniere feeŋ tiŋ m boŋ nshɛ kagbenefuliso Naniere bre feeŋ nya mbia damta a chɔ eche kurgepo nɛ e kɔ ekul gba.

Jɛremaya 20:15

Shoduu e baa wɔ esa kama nɛ e bar baru m ba sa n tuto fanɛ mbo eche kurge ebinyɛn nɛ mbe kagbene fuli mo ŋkpal loŋ so na so.

Luuk 1:14

Fo kagbene beeŋ fuli n wora fo ebel ga nɛ kebia na be kakurge na be asheŋ e wora basa damta ebel ga.

Luuk 1:58

Mbe bechenashapoana nɛ mo kurgepoana ka nu mamachi be kelela nɛ Enyɛnpe wora mo na nɛ bumo kikɛ be ŋgbene fuli bumo.

Romebi 12:15

Men baa tu bumo nɛ bumo be ŋgbene fuli a shin nɛ menyi be ŋgbene e baa fuli nsaa tu bumo nɛ baa shu malɛ a shu.

Hibruwebi 11:11

Yirda e daŋ shin nɛ mbe eche Sɛɛra daŋ bel nseŋ daŋ nya eleŋ n di kedampo, ŋkpal manɛ so, e daŋ baa nyi geeŋ fanɛ esa nɛ e daŋ sa mo loŋ be kɔnɔ naseso na daa beeŋ wora kusɔ nɛ e daŋ kaŋɛ fanɛ e beeŋ wora na.

1 Samuɛl 1:26

Nɛ Haana kaŋɛ mo le: “N nyɛnpe fo pin ma a? Ma e la kache nɛ e daŋ ba yili nfe jemanɛ ko a kule Enyɛnpe Ebɔrɛ na.