Jɛnesis 21:3 - EBƆRƐ BE KAWƆL

³ Ndoŋ nna nɛ Eebraham nase ebinyɛn nɛ Sɛɛra kurge n sa mo na ketre Aizek.

Jɛnesis 21:3 ပူးပေါင်းရင်းမြစ်များ

Jɛnesis 17:19

Nɛ Ebɔrɛ kaŋɛ: “Ayai, loŋ maaŋ wora, fo eche Sɛɛra e naaŋ kurge ebinyɛn n sa fo nɛ fo nase mo ketre Aizek. Meeŋ shin nɛ ma kɔnɔkoŋwule be ŋkre na e baa wɔ mo ere nɛ mbe kaman to ebi so mbaanaayɔ.

Jɛnesis 17:21

Ama meeŋ shin nɛ ma kɔnɔkoŋwule be ŋkre na bre e baa wɔ fo pibinyɛn Aizek nɛ Sɛɛra beeŋ kurge kafɛ a ba saŋɛ ere so na so.”

Jɛnesis 21:12

Ndoŋ nna nɛ Ebɔrɛ kaŋɛ Eebraham le: “Sa maŋ shin nɛ fo kagbene e jija fo ga ŋkpal fo kenyache na nɛ mbe kebia so. Wora kusɔ kama nɛ Sɛɛra kaŋɛ fanɛ fo wora, ŋkpal manɛ so, Aizek so nɛ fo kanaŋ to ebi beeŋ nya ketre.

Jɛnesis 21:6

Sɛɛra ka kurge kebia na nɛ e kaŋɛ le: “Ebɔrɛ sa ma kagbenefuli nɛ emushe. Ekama malɛ nɛ e nu ma kakurge be asheŋ be kagbene beeŋ fuli nɛ e tu ma m mushe.”

Jɛnesis 22:2

Nɛ Ebɔrɛ kaŋɛ mo: “Ta fo pibinyɛn koŋwule Aizek nɛ fee sha ga na n yɔ Moriya be kasawule so n ya mɔ mo n chɔɔ n lara sarga n sa ma ashi abee na be kumo nɛ meeŋ ŋini fo na so.”

Jɛnesis 25:19

Kananɛ Eebraham pibinyɛn Aizek nɛ mbe kanaŋ to ebi be asheŋ lar nde. Aizek mo tuto e daa la Eebraham.

Matiu 1:2

Eebraham pibi e daa la Aizek nɛ Aizek pibi daa la Jeekɔb nɛ Jeekɔb malɛ be mbia daa la Juda nɛ mo daana nɛ mo sipoana.

Ashuŋ Shunso 7:8

Kumo be kaman nɛ Ebɔrɛ shin nɛ mo nɛ Eebraham nase kɔnɔ nɛ e kaŋɛ Eebraham fanɛ mbe kaman to ebi e baa ku atutu a ŋini fanɛ b sɔ kɔnɔ naseso na. Amoso, b ka kurge Aizek mbe kachɛ burwasopo nɛ Eebraham ku mo kututu nɛ Aizek malɛ ba ku Jeekɔb peya nɛ Jeekɔb malɛ ku mbe mbia, basa kuduanyɔ nɛ b juŋkpar Israɛlebi be kanaŋ kuduanyɔ na be atutu.

Romebi 9:7

Kumo alɛ maŋ naa ŋini fanɛ ŋkpal b ka la Eebraham mo nanabiana so bumo kikɛ la Ebɔrɛ be mbia nna. Ayai, kusɔ nɛ Ebɔrɛ kaŋɛ Eebraham e la: “Aizek be kaman to ebi nawule e naaŋ ba ki feya.”

Hibruwebi 11:18

Le nɛ Ebɔrɛ daŋ kaŋɛ mo pibi be asheŋ: “Aizek to nɛ feeŋ bɔla n nya kaman to ebi na.”

Joshuwa 24:3

Ndoŋ nna nɛ n lara men nananyɛn Eebraham ashi Yufreetes be kaba ndoŋ n ya ta mo n nite Keenan be kasawule so kikɛ. N daŋ sa mo ebinyɛn nɛ baa tre mo Aizek nɛ e ki kanaŋ damtawura.