Jɛnesis 21:27 - EBƆRƐ BE KAWƆL

²⁷ Kamalga ere be kaman nɛ Eebraham ya bar mbolpɔ nɛ ana m ba sa Abimelɛk nɛ bumo basa anyɔ na nase kɔnɔ n sa abar fanɛ baaŋ ba kraa ji keteri.

Jɛnesis 21:27 ပူးပေါင်းရင်းမြစ်များ

Jɛnesis 14:13

Ama kanyɛn ko bre daŋ nya mbe kumu n shile nseŋ ya kaŋɛ Eebram, Hibruw be esa na, asheŋ nɛ a daŋ wora na kikɛ. Eebram malɛ daŋ chena m mata ndibigboŋ ko nɛ a daa la Amɔriebi be esa ko nɛ baa tre Mamre na peya. Mamre nɛ mo sipoana Ɛshkɔl nɛ Anɛr nɛ Eebram daŋ yili kumo nna fanɛ baaŋ baa chɛ abar to.

Jɛnesis 21:26

Ndoŋ nna nɛ Abimelɛk kaŋɛ Eebraham le: “Ma ere maŋ nyi esa nɛ e wora loŋ. Naniere nɛ m baa nu kumo be asheŋ na, ŋkpal manɛ so, fo maŋ wule ŋ kaŋɛ ma.”

Jɛnesis 21:28

Kede be kaman nɛ Eebraham lara mbolpɔ cheso fɔlbi ashunu ashi mbe mbolpɔ to n yili ŋ kɔr.

Jɛnesis 31:44

Amoso shin nɛ ma nɛ fo e nase kɔnɔ n sa abar nɛ k baa la shɛda be kusɔ a wɔ anyi be kefɛato.”

Aŋasa 17:8

Brɔbu bee shuŋ nna fanɛ kananɛ baa shuŋ esa kushuŋ nɛ e bee wora esa nɛ e shuŋ mo kushuŋ na be aparsheŋ na. K bee shin nna nɛ asheŋ bee nite nɛnɛ a sa esa nɛ e sa kumo na.

Aŋasa 18:16

Kakɛ bee bugi ekpa nna a sa esa, nɛ e bee tiŋ a yɔ basagboŋ kutɔ.

Aŋasa 18:24

Beteri damta beeŋ tiŋ n jija esa be kebaawɔtɔ; ama eteri ko chɔ eniopibi.

Aŋasa 21:14

Ashiri to be kakɛ beeŋ tiŋ n lɔŋɛ fo nɛ esa nɛ e nya agbo n wɔtɔ fo be kefɛato.

Aizaaya 32:8

Ama esa nɛ ekama bee sa bunyaŋ bre bee ji kashenteŋ nna nsaa yil kusɔ nɛ k niŋi so a wora asheŋ.

Ezikɛl 17:13

Babilɔn be ewurgboŋ na daŋ ta Juda be ewura be kanaŋ to be esa ko nna n shin nɛ e bɔ ntaŋ fanɛ e beeŋ baa nu a sa mo, nseŋ shin nɛ mo nɛ mo wora kɔnɔkoŋwule be ŋkre. Kumo be kaman nɛ e pɛ kade na be basa gboŋ n ti so n yɔ,

Romebi 1:31

B maŋ nyi asheŋ, bumo alɛ maŋ naa bɛ bumo be nnɔ so ŋko a wu kuwɔr nsaa maa la basa.

Galeeshaebi 3:15

Bekurgepoana, men shin nɛ n ta durnya ere to be kesheŋ ŋ kesar kesheŋ ere. Nɛ fanɛ durnya ere to be basa anyɔ baŋ nase kɔnɔ n sa abar, bumo be ekama maaŋ tiŋ n naŋ wora n da kɔnɔ naseso na so ŋko n ta kusɔ ko n naŋ ti kumo so. To, loŋ nɛ kesheŋ na du Ebɔrɛ be kaplɛa so.

1 Samuɛl 18:3

Ŋkpal Jonatan malɛ ka bee sha Deevid ga so, e daŋ shin nna nɛ b nase keteri kpakpaso be kɔnɔ n sa abar.