Jɛnesis 21:22 - EBƆRƐ BE KAWƆL

²² Jemanɛ na so nɛ Abimelɛk nɛ mbe benapo be enimu nɛ baa tre Fikɔl na yɔ Eebraham kutɔ n ya kaŋɛ mo le: “An wu fanɛ kusɔ kama nɛ fee wora, Ebɔrɛ wɔ fo kutɔ nna,

Jɛnesis 21:22 ပူးပေါင်းရင်းမြစ်များ

Jɛnesis 20:14

Ndoŋ nna nɛ Abimelɛk sa Eebraham mbolpɔ nɛ ana nɛ anyanyɛn nɛ anyache ŋkeŋ bɛta mbe eche Sɛɛra n ti so n sa mo.

Jɛnesis 20:17

Ŋkpal Abimelɛk ka daŋ suge Eebraham be eche Sɛɛra so, Enyɛnpetale daŋ ti mbe laŋ to ebi kikɛ be kakurge nna. Ndoŋ nna nɛ Eebraham kule Ebɔrɛ nɛ Ebɔrɛ chɛ Abimelɛk nɛ mbe eche nɛ mbe anyache kikɛ, saŋɛ na so baaŋ naŋ tiŋ ŋ kurge mbia.

Jɛnesis 20:2

Gerar na nɛ e daŋ kaŋɛ fanɛ mbe eche Sɛɛra la mo sipoche na. Ndoŋ nna nɛ Gerar be ewura Abimelɛk shin nɛ b ya ta Sɛɛra m bar mo.

Jɛnesis 26:26

Kachako nɛ ewura Abimelɛk nɛ mbe jinatopo nɛ baa tre Ahusal na nɛ Fikɔl nɛ e la mbe benapo be enimu na shi Gerar m ba Aizek kutɔ.

Jɛnesis 26:28

Nɛ b kaŋɛ mo: “K baŋ di efuli nna fanɛ Enyɛnpetale na wɔ fo kutɔ, amoso nɛ an fɛ fanɛ fo shin nɛ anyi nɛ fo e bɔ ntaŋ n nase kɔnɔ n sa abar. Shin nɛ an wora kɔnɔkoŋwule be ŋkre

Jɛnesis 28:15

Amoso kaplɛkama nɛ fo yɔ, meeŋ baa wɔ fo kutɔ a keni fo so nseŋ bɛta fo m ba kasawule ere so. M maaŋ yige fo kikɛ ama m baŋ wora kusɔ nɛ n nase kɔnɔ fanɛ meeŋ wora ere nna.”

Jɛnesis 30:27

Nɛ Leeban kaŋɛ mo: “Jande, nɛ ma asheŋ bɔlɔ fo kenishi bre, fo baa kraa wɔtɔ, ŋkpal manɛ so, n wu fanɛ fo so nɛ Enyɛnpe na bee nɛfa ma.

Jɛnesis 31:5

B ka ba nɛ e kaŋɛ bumo le: “N wu fanɛ ma nɛ men tuto be kefɛato maŋ naa du fanɛ kananɛ k daa du na, ama n tuto be Ebɔrɛ na malɛ wɔ ma kutɔ.

2 Samuɛl 24:7

Kumo be kaman nɛ b yɔ kade nɛ b pɔr egbal ŋ kulti nɛ baa tre Tayɛ na, n ta loŋ n ya fo Hivebi nɛ Keenanebi be nsawule so be nde kikɛ to. N yili ndoŋ n yɔ Bɛshiba nɛ k wɔ Juda be kelargato be kaseto be keshishɛrsawule so na.

2 Kronikɛls 1:1

Sɔlɔmɔn nɛ e la ewura Deevid pibinyɛn na daŋ ji Israɛl be efuli na so eleŋ ga ŋkpal Enyɛnpe nɛ e la mbe Ebɔrɛ na ka daŋ nɛfa mo nseŋ sa mo eleŋ ga so.

Aizaaya 45:14

Kede be kaman nɛ Enyɛnpe Ebɔrɛ na naŋ kaŋɛ Israɛlebi na le: “Ijipt nɛ Itiopia be efuliana so be kedamaya beeŋ ki menyeya, nɛ Seba be efuli so be basa tenteŋ na e ki menyi be anya. Menyi beeŋ chɛ bumo ŋgbɛlɛbi ŋ gberge bumo m bɛ menyi be amu so. Baaŋ jɔŋɛ menyi ase nseŋ kaŋɛ le: ‘Ebɔrɛ wɔ menyi kutɔ, mo alɛ nawule e la Ebɔrɛ.’

Aizaaya 8:10

Men wora menyi be ŋkre! Ama amo alɛ maaŋ tiŋ n wora m bɔlɔ so. Menyeeŋ tiŋ m malga kusɔ nɛ menyee sha! Ama amo kikɛ la fuloŋ nna, ŋkpal manɛ so Ebɔrɛ wɔ anyi kutɔ.

Zakareya 8:23

Loŋ be jemanɛ na so, eyiri pɔtɛ nɛ efuli pɔtɛana so be basa kudu beeŋ pɛ Israɛl be esa koŋwule be kale to nsaa kaŋɛ mo le: Shin nɛ an bɛ fo so a yɔ, ŋkpal manɛ so, an nu fanɛ Ebɔrɛ wɔ men kutɔ nna.”

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Romebi 8:31

To, asheŋ nɛ an nu ere kikɛ be kaman, nuso nɛ anyeeŋ kaŋɛ? Nɛ Ebɔrɛ baa wɔ anyi be kaman, wanɛ e naaŋ tiŋ m pɔɔ anyi so?

1 Kɔrintebi 14:25

Mbe wulo to be nfɛra beeŋ lar n dii efuli nɛ e gbir n dese kasawule m maŋ Ebɔrɛ so ŋ kaŋɛ le: “Kashenteŋto, Ebɔrɛ wɔ menyi kutɔ nfe.”

Hibruwebi 13:5

Men lara menyi be ŋgbeneana ashi kemansherbisha to nseŋ shin nɛ asɔ nɛ men kɔ na e baa kukwe menyi, ŋkpal manɛ so, Ebɔrɛ kaŋɛ fanɛ: “M maaŋ yige menyi kikɛ, ma alɛ maaŋ kplaŋ menyi so kikɛ.”

Joshuwa 3:7

Nɛ Enyɛnpe Ebɔrɛ na kaŋɛ Joshuwa le: “Kabre meeŋ maŋ fo so ashi Israɛlebi kikɛ be anishito, n shin nɛ b pin fanɛ kananɛ ma nɛ Mosis daa la na, loŋ nɛ ma nɛ fo alɛ gba beeŋ baa la.

Kelaraŋŋini 3:9

Men nu nfe, basa nɛ b wɔ Setani be katuŋ to, befɛpo na, bumo e wɔtɔ a tre bumo be amu Juwebi, bumo alɛ maŋ la na, meeŋ shin nɛ b ba gbir men be anishito n shin nɛ b pin fanɛ ma e sha menyi.

1 Samuɛl 24:22

Nɛ Deevid nase kɔnɔ fanɛ e beeŋ wora loŋ. Ade kikɛ be kaman nɛ Sɔɔl bɛta n yɔ epe nɛ Deevid malɛ nɛ mbe basa bɛta n yɔ bumo be eŋanakpa.

1 Samuɛl 3:19

Samuɛl ka bee daŋ na kikɛ nɛ Enyɛnpe Ebɔrɛ daa wɔ mo kutɔ nseŋ shin nɛ asɔ nɛ e kaŋɛ na malɛ be kekama bɔlɔ so.