Jɛnesis 21:17 - EBƆRƐ BE KAWƆL

¹⁷ Ndoŋ nna nɛ Ebɔrɛ nu kebia na be kushu na nɛ Ebɔrɛ be malaika shi ebɔrɛso n tre Heega m bishi mo le: “Heega, manɛ nna? Sa maa lɔ kufu. Ebɔrɛ nu kebia na be kushu ashi kakpa nɛ e dese na.

Jɛnesis 21:17 ပူးပေါင်းရင်းမြစ်များ

Jɛnesis 15:1

Ade kikɛ be kaman nɛ Eebram ku bɔrɛdare nseŋ nu Enyɛnpe Ebɔrɛ na ka kaŋɛ mo: “Eebram, sa maa lɔ kufu. Ma e la fo ekumpo meeŋ ka fo kukɔ gboŋgboŋi.”

Jɛnesis 16:11

Feeŋ kurge ebinyɛn fo kedampo ere to nseŋ nase mo ketre Ishmaɛl, ŋkpal manɛ so, Enyɛnpe na nu fo awurfoŋ be kushu na.

Jɛnesis 16:7

Ndoŋ nna nɛ Enyɛnpe Ebɔrɛ be malaika ya tu Heega ketirbu ko ase ashi keshishɛrsawule ko so ashi Shur be ekpa to,

Jɛnesis 16:8

nseŋ bishi mo: “Heega, Sɛɛrai be kebita, nnɛ nɛ fo shi m ba nfe nɛ nnɛ malɛ nɛ fee yɔ?” Nɛ e kaŋɛ: “Mee shile ashi n chepe Sɛɛrai kutɔ nna.”

Jɛnesis 16:9

Nɛ Enyɛnpe be malaika na kaŋɛ mo: “Bɛta n yɔ mo kutɔ n ya ka la mbe kebita.”

Jɛnesis 22:11

Ndoŋ nna nɛ Enyɛnpe be malaika shi ebɔrɛso m ponte n tre: “Eebraham, Eebraham!” Nɛ Eebraham shuli so: “Ma nde.”

Jɛnesis 24:7

M baa nyi fanɛ Enyɛnpe nɛ e wɔ ebɔrɛso nsaa la esa nɛ e lara ma ashi n tuto pe nɛ ma efuli so nseŋ malga ŋ kutɔ n nase kɔnɔ n sa ma fanɛ e beeŋ ta efuli ere n sa ma kaman to ebi na beeŋ shuŋi mbe malaika nɛ e juŋkpar fo n shin nɛ fo nya eche m ba sa m pibi ere.

Jɛnesis 26:24

Kumo be kamɔnchɛ be kanyɛso nɛ Enyɛnpe na lar mo so ŋ kaŋɛ mo: “Ma e la fo tuto Eebraham be Ebɔrɛ na, sa maa lɔ kufu, ŋkpal manɛ so, n wɔ fo kutɔ. Meeŋ nɛfa fo nseŋ shin nɛ fo kaman to ebi e wora keshi ŋkpal ma kenya Eebraham so.”

Jɛnesis 46:3

Nɛ Ebɔrɛ kaŋɛ: “Ma, Enyɛnpe Ebɔrɛ, fo tuto be Ebɔrɛ na e naa malga na. Sa maŋ kaa lɔ keyɔ Ijipt be kufu, ŋkpal manɛ so, meeŋ ya ta fo nɛ fo kanaŋ to ebi ŋ ki efuli lempo ndoŋ.

2 Bewura 13:23

Enyɛnpe Ebɔrɛ na daa wu Israɛlebi kuwɔr nna nsaa maa sha b ka mur ŋkpal mo nɛ bumo nananyɛnana Eebraham nɛ Aizek nɛ Jeekɔb be kɔnɔkoŋwule be ŋkre na so.

2 Bewura 13:4

Jehowahaz ka wu kananɛ Siriya be ewura na bee tɔrɔ bumo nsaa mɛaŋ bumo na nseŋ kule Enyɛnpe Ebɔrɛ nɛ e nu mbe kekule,

Nshɛ 10:14

Ama fo Ebɔrɛ na bee wu tɔrɔ nɛ awurfoŋ ere kikɛ, nseŋ wora shiriya nɛ fo chɛ to. Basa nɛ baa wu awurfoŋ na bɔɔ fo enɔ nna. Fo e naa chɛ amunibi to na.

Nshɛ 50:15

Men shu n tre ma ashi men be etɔrɔ to nɛ n mɔlga menyi, nɛ men bunyaŋ ma.

Nshɛ 6:8

Basa lubi, men shile ma so! Enyɛnpe Ebɔrɛ na, nu ma kushu.

Nshɛ 65:2

Ekama beeŋ ba fo kutɔ ŋkpal fo ka bee nu kekule so.

Nshɛ 91:15

Nɛ fo luri asheŋ to nseŋ shu n tre ma, meeŋ nu fo kekule m ba mɔlga fo nseŋ ta kemaŋkura m buu fo so.

Ɛksodɔs 14:13

Ndoŋ nna nɛ Mosis kaŋɛ basa na: “Men sa maa lɔ kufu, men leŋ men be amu to. Menyeeŋ wu kumɔlga nɛ Enyɛnpe Ebɔrɛ beeŋ bar menyi kabre. Ijiptebi mo nɛ men wu kabre ere, men maaŋ naŋ wu bumo kikɛ.

Ɛksodɔs 22:23

nɛ mannɛ aloŋ nɛ b shu n tre ma, Enyɛnpetale na, ma nɛ n nu bumo kushu na kashenteŋto

Ɛksodɔs 22:27

ŋkpal manɛ so, kumo nawule e la mbe kusɔbuuso nɛ e bee buu a dese. Nɛ fo maŋ bɛta kumo n sa mo, manɛ nɛ e beeŋ buu n dese? Mannɛ aloŋ, nɛ kumodoŋwura baŋ shu n tre ma, meeŋ nu mbe kushu, ŋkpal ŋ ka la ewɔrwupo so.

Ɛksodɔs 3:2

Ndoŋ nɛ Enyɛnpe Ebɔrɛ be malaika lar mo so fanɛ edɛ be adondulombi na ashi kupumbi ko to. Mosis daŋ wu kupumbi na ka bee suse edɛ ama kumo alɛ daa maa chɔɔ a mur.

Ɛksodɔs 3:7

Ndoŋ nna nɛ Enyɛnpe Ebɔrɛ kaŋɛ mo le: “N wu tɔrɔ mo nɛ ma basa bee ji ashi Ijipt be efuli so, ma alɛ nseŋ naŋ nu b ka bee shu ŋkpal awurfoŋ nɛ baa ji ashi anyakenipoana be enɔ to na so. Bumo be asheŋ tir ma ga.

Aizaaya 22:1

Kubɔya nɛ k wɔtɔ a laŋɛ ketaŋɛ nɛ baa tre Ebɔrɛdare be Ketaŋɛ na be kaplɛa so nde. Manɛ e naa wora? Manɛ nna nɛ basa nɛ b wɔ kadegboŋ na to bee ji eyur ashi bumo be achoŋi so?

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Matiu 15:32

Nɛ Yesu tre mbe bebɛsopo na m ba kaŋɛ bumo le: “Basa ere be asheŋ bee keta ma kuwɔr, ŋkpal manɛ so, bumo be nchɛ asa nde b ka wɔ ŋ kutɔ nfe ŋkaa maa nya shɛŋ a ji. M maa sha keshin nɛ b ta akoŋ n yɔ epe. Nɛ mannɛ aloŋ, baaŋ chɛl ekpa to.”

Maak 5:36

Ama Yesu maŋ tuge bumo nseŋ kaŋɛ nshɛrbu to be enimu na: “Sa maa lɔ kufu, fo ere e yirda de.”

Ditɛronɔmi 26:7

Ndoŋ nna nɛ an shu n fin Enyɛnpe an nananyɛnana be Ebɔrɛ na be kechɛto nɛ e nu anyi be kushu nseŋ wu awurfoŋ nɛ anyee ji nɛ kananɛ baa tɔrɔ anyi nɛ anyi be ŋgbenejija damta,

Demujipoana 18:23

nseŋ fara a boŋ to a tre Danebi na nɛ b kilgi m bishi Maika le: “Manɛ e kɔ fo? Manɛ e ba nɛ fo keta basa damta le m bɛ fo kumu so loŋ?”

1 Samuɛl 11:5

K maŋ chɛr ko nɛ Sɔɔl shi ndɔ to m bɛ mbe ana dɔso so a ba m ba bishi bumo le: “Manɛ e wora a? Manɛ nna nɛ ekama bee shu loŋ?” Ndoŋ nna nɛ b kaŋɛ mo kusɔ nɛ mbɔ nɛ b shi Jabesh na ba kaŋɛ.