Jɛnesis 21:16 - EBƆRƐ BE KAWƆL

¹⁶ Kumo be kaman nɛ e yɔ anishito fanɛ ayadra alfa asa n ya chena, a fɛ mbe kumu to le: “M maaŋ tiŋ n yili ŋ keni ma kebia nɛ e wu.” E ka tase ndoŋ na nɛ keboltofinfiŋ pɛ mo nɛ mbe anishichubi fara a wurge.

Jɛnesis 21:16 ပူးပေါင်းရင်းမြစ်များ

Jɛnesis 21:15

Deŋkeŋ na to be nchu na ka loge ashi kiyi na to nɛ Heega ta kebia na n ya nase kupumbi ko ase.

Jɛnesis 27:38

Ndoŋ nna nɛ Isɔɔ bishi mo tuto: “N tuto nɛfa koŋwule nɛ fo kɔ a? Jande nɛfa ma alɛ gba.” Kumo be kaman nɛ e fara a shu awɔrso.

Jɛnesis 29:11

Kumo be kaman nɛ Jeekɔb ya ber Reechel to n chɔrɔ mo kashaso nseŋ fara a shu awɔrso

Jɛnesis 44:34

Ŋkpal manɛ so, nɛ kebia na maŋ tu ma n yɔ epe, nuso nɛ meeŋ wora n yɔ n tuto kutɔ? Ayai, jande, sa maŋ shin nɛ n ya wu kagbenejija nɛ k beeŋ ba n tuto so na.”

1 Bewura 17:12

Ndoŋ nna nɛ kache na kaŋɛ le: “Enyɛnpe fo Ebɔrɛ na be ketre to, m maŋ kɔ ajibi kikɛ ma laŋ to. Kusɔ nɛ m baa kɔ kikɛ e la nyifu enɔ be bɔlɔ nɛ a wɔ cheenshi to nɛ ɔlif be ŋku gbrɛ. M ba nfe nna nɛ m ba kil ndibi n ya daŋɛ kusɔ kama nɛ ŋ kɔ, nɛ ma nɛ ma kebia e ji. Kumo e naaŋ baa la anyi be lalaloge be ajibi nɛ anyeeŋ ji nseŋ wu.”

1 Bewura 3:26

Ndoŋ nna nɛ kuwɔr pɛ kebia na mo nio gbagba nɛ e kaŋɛ ewura na le: “Jande, Yiramu, sa maŋ mɔ kebia na! Ta mo n sa mbarkasa na.” Ama eche nyɔsopo na bre daŋ kaŋɛ le nna: “Sa maŋ ta kebia na n sa anyi be ekama; barga mo to anyɔ n sa anyi.”

Ɛsta 8:6

M maaŋ tiŋ n chena a keni nɛ ma basa e mur.”

Aizaaya 49:15

Ndoŋ nna nɛ Enyɛnpe Ebɔrɛ na kaŋɛ le: “Eche kurgepo beeŋ tiŋ n teŋ kebia nɛ mo gbagba sa mo kenyipo so a? Nɛ ebinio beeŋ tiŋ n teŋ mo kebia so gba, ma ere maaŋ teŋ menyi so kikɛ.

Jɛremaya 6:26

Kumo be kaman, nɛ Enyɛnpe Ebɔrɛ naŋ kaŋɛ mbe basa le: “Men ta nli be asɔbuuso m buu nseŋ dese nsunɔ to a melti. Men baa shu kenishipereso fanɛ kananɛ menyee shu ebi koŋwule be luwu be keeli na. Ŋkpal manɛ so, basa nɛ baaŋ ba mur menyi na maaŋ chɛr nseŋ ba kɔ menyi kena.

Eemɔs 8:10

Meeŋ shin nɛ men be kejigboŋana e ki nli be kebaa shu nɛ menyi be kagbenefuli malɛ be nshɛ e ki kagbenejijaso be kushu. Meeŋ shin nɛ men she men be emin nseŋ buu kagbenejijaso be asɔbuuso a du fanɛ esa nɛ mbe kebia koŋwule nɛ e kɔ wu ŋ ka mo na. Loŋ be kachɛ na beeŋ baa la kachɛ lubi ga.

Zakareya 12:10

Ma, Enyɛnpe Ebɔrɛ na beeŋ shin nɛ kuwɔrwu nɛ kabɔrɛkule be kiyoyu e gbelge m ba ewura Deevid be kamanebi nɛ basa nɛ b wɔ Jerusalɛm to na kikɛ so. Baaŋ to kenishi n wu esa nɛ b da mo kekpa m mɔ na nseŋ shu mbe keeli fanɛ kananɛ baa shu ebi koŋwule be keeli na, nseŋ wora kuwɔr be asheŋ fanɛ esa nɛ e paŋ mbe wurkoŋnyɛn na.

Luuk 15:20

Ndoŋ nna nɛ e koso m pɛ epe be ekpa a ba mo tuto kutɔ. E ka ba kaa fo epe ŋ kraa wɔ kufɔ nɛ mo tuto wu mo nseŋ wu mo kuwɔr nseŋ shile n ya pɛ mo to kashaso n wora mo ansaŋ nɛ keba ga.

Demujipoana 2:4

Enyɛnpe Ebɔrɛ na be Malaika na be kamalga na be kaman, nɛ Israɛl be basa na kikɛ fara a shu awɔrso

Ruf be kawɔl 1:9

Enyɛnpe Ebɔrɛ na e ya sa menyi be ekama echenakpa ashi mo kul popɔr pe.

1 Samuɛl 24:16

Deevid ka malga n loge nɛ Sɔɔl kaŋɛ le: “M pibi Deevid, fo nna a?” Kumo be kaman nɛ e fara a shu awɔrso

1 Samuɛl 30:4

nɛ b shu ga hale n ya chɛl pɔɛŋ nseŋ yige.