Jɛnesis 21:10 - EBƆRƐ BE KAWƆL

¹⁰ Nɛ e kaŋɛ mo kul Eebraham le: “Lara kenyache ere nɛ mo pibinyɛn ere nfe, ŋkpal manɛ so, m pibinyɛn Aizek nɛ kenyache ere pibinyɛn maaŋ tiŋ m barga kapetɛ koŋwule to.”

Jɛnesis 21:10 ပူးပေါင်းရင်းမြစ်များ

Jɛnesis 17:19

Nɛ Ebɔrɛ kaŋɛ: “Ayai, loŋ maaŋ wora, fo eche Sɛɛra e naaŋ kurge ebinyɛn n sa fo nɛ fo nase mo ketre Aizek. Meeŋ shin nɛ ma kɔnɔkoŋwule be ŋkre na e baa wɔ mo ere nɛ mbe kaman to ebi so mbaanaayɔ.

Jɛnesis 17:21

Ama meeŋ shin nɛ ma kɔnɔkoŋwule be ŋkre na bre e baa wɔ fo pibinyɛn Aizek nɛ Sɛɛra beeŋ kurge kafɛ a ba saŋɛ ere so na so.”

Jɛnesis 20:11

Ndoŋ nna nɛ Eebraham kaŋɛ: “N daŋ fɛ nna fanɛ esa kama maaŋ baa wɔ nfe nsaa nyi Ebɔrɛ kashenteŋto, amoso abaanaaworasheŋ baaŋ mɔ ma nseŋ ta ma eche.

Jɛnesis 22:10

nseŋ ta kasaŋɛ na nɛ e mɔ mbe kebia na.

Jɛnesis 25:19

Kananɛ Eebraham pibinyɛn Aizek nɛ mbe kanaŋ to ebi be asheŋ lar nde. Aizek mo tuto e daa la Eebraham.

Jɛnesis 25:6

Ama e ka daa wɔ ŋkpa to na e daŋ kɛ mo jipocheana be mbia na asɔ nna pɔɛŋ nseŋ n shin nɛ b lar Aizek kutɔ n ya ka wɔ epeŋipetekpa.

Aŋasa 22:10

Ju esa nɛ e bee wora basa eyurto n lar, nɛ kolu, nɛ katege, nɛ asheŋ wurbi e loge.

Matiu 22:13

Ndoŋ nna nɛ ewura na kaŋɛ mbe nyɛrbi le: ‘Men kre mbe enɔ nɛ aya nseŋ ta mo ŋ kpa kowu, tentembiri to plɔ. Ndoŋ nɛ basa wɔtɔ a shu nsaa we anyi to na.’

Baru lela nɛ Jɔn kute na 8:35

Kenya maŋ la laŋ to be esa saŋkikɛ mbaanaayɔ, ama ebi bre, laŋ to be esa nna saŋkikɛ mbaanaayɔ.

Galeeshaebi 3:18

Amoso, nɛ mbra na be kebɛso so nɛ esa bee bɔla a nya Ebɔrɛ be nɛfa na bre, kumo ere mannɛ kɔnɔ naseso na so nɛ yirda na naa deŋ so na. Ama ŋkpal kuwɔr be kakɛ na so nɛ e daŋ bɔla mbe kɔnɔ naseso na so n ta nɛfa na n sa Eebraham.

Galeeshaebi 4:7

Amoso, naniere men maŋ naa la anya, men ki Ebɔrɛ be mbia nna. Menyi alɛ ka ki loŋ ere so, asɔ nɛ Ebɔrɛ kɔ a sa mbe mbia na malɛ gba kikɛ ki menyeya.

1 Pita 1:4

Kede e shin nɛ an kɔ tama nɛ k maa chɛrga nseŋ naa keni enɛfa damta nɛ Ebɔrɛ kɔ a jo mbe basa na ekpa. Ebɔrɛso nɛ e kɔ amo a jo menyi, kakpa nɛ a maaŋ tiŋ m bɛ ŋko n jija ŋko ŋ kpeŋ kikɛ na.

1 Jɔn 2:19

Le be basa ere daŋ shi anyi be katuŋ to nna, ama kashenteŋto, b daa maŋ la anyi to be basa, amoso nɛ b lar anyi to n yɔ na. Nɛ b daa la anyi to be basa nna b daa maaŋ lar. Ama bumo be kelar anyi to na e naa ŋini fanɛ mannɛ bumo be ekama e la anyi to be eko.

Demujipoana 11:2

Giliad be eche gbagba malɛ gba daŋ kurge bibinyɛn nna n sa mo. Mbia na ka daŋ nɛ b ju Jɛfta n lɛ nseŋ kaŋɛ: “Fo maa ba nɛ fo ba nya anyi be kanaŋ to be kapetɛ n ji, ŋkpal manɛ so, eche pɔtɛ pibi e la fo.”