Jɛnesis 20:7 - EBƆRƐ BE KAWƆL

⁷ Amoso bɛta Sɛɛra naniere n ya sa mo kul, nɛ e kule Ebɔrɛ n sa fo nɛ fo sa maŋ wu, ŋkpal manɛ so e la anebi nna. Ama fo baŋ maŋ bɛta mo n yɔ bre, meeŋ gberge fo kusoe nɛ fo nɛ fo basa kikɛ e wu.”

Jɛnesis 20:7 ပူးပေါင်းရင်းမြစ်များ

Jɛnesis 12:15

Amoso Ijipt be ewura nɛ baa tre Fɛɛro na be benimu ko ka wu Sɛɛrai nɛ b ya kaŋɛ Fɛɛro mbe kebita be asheŋ. Kumo be kaman nɛ b ba keta Sɛɛrai n yɔ Fɛɛro be laŋ to.

Jɛnesis 12:17

Ama ŋkpal ewura Fɛɛro ka daŋ sɔ Eebram be eche Sɛɛrai na so, Enyɛnpetale na daŋ shin nna nɛ alɔ lubi tɔr mo nɛ mbe basa nɛ b wɔ mbe laŋ to so.

Jɛnesis 2:17

ama sa maŋ kaŋ ji kedibi nɛ k bee sa kelela nɛ kulubi be kanyiasheŋ na bre be asɔrso, ŋkpal manɛ so, kachɛ kama so nɛ fo baŋ ji loŋ be kedibi na be asɔrso, shɛŋ maaŋ mɔlga fo ashi luwu to. Abaanaaworasheŋ feeŋ wu.”

Jɛnesis 20:3

Kachako kanyɛso nɛ Ebɔrɛ ba ewura na kutɔ ashi edare to m ba kaŋɛ mo le: “Feeŋ wu, ŋkpal fo ka ta eche kilpo ere ŋ ki fo eche so.”

Jɛnesis 20:8

Kare ka chɛ chipurso nɛ ewura Abimelɛk tre mbe benimu kikɛ m ba shɛr nseŋ kaŋɛ bumo kusɔ nɛ k wora na nɛ kufu pɛ bumo kikɛ ga.

Jɛnesis 23:6

“Keni, ebunyampo, nu nfe. Fo la esagboŋ nna a wɔ anyi to nfe. Kaplɛkama nɛ k par fo, feeŋ tiŋ a puli fo basa ndoŋ. Anyi be ekama maaŋ tiŋ m mɔn fo mbe kasawule nɛ feeŋ baa puli fo basa.”

2 Samuɛl 24:17

Ewura Deevid ka wu Malaika nɛ e daa mɔ basa na, nɛ e kaŋɛ Enyɛnpe Ebɔrɛ na le: “Ma e wora n jija nseŋ wora kulubi n ti so. Nɛ manɛ nɛ bebɔlpo ere malɛ wora? Ma nɛ ma kanaŋ e daga fo ka gberge kusoe.”

1 Bewura 13:6

Ndoŋ nna nɛ ewura Jeroboam kaŋɛ anebi na le: “Jande kule Enyɛnpe fo Ebɔrɛ na nɛ e chɛ ma enɔ n sa ma!” Nɛ anebi na kule Ebɔrɛ nɛ mbe enɔ na nya alenfia.

2 Bewura 5:11

Ama Neeman daŋ nya agbo nna a munto a yɔ a kaŋɛ le: “N fɛ fanɛ e beeŋ lar m ba ŋ kutɔ nna m ba teŋi mbe enɔ n shoŋi ma nseŋ kule mo Nyɛnpe Ebɔrɛ na n sa ma nɛ n nya alenfia!

1 Kronikɛls 16:22

nseŋ kaŋɛ bumo le: “Men sa maŋ kaŋ tɔrɔ ma basa laraso, ŋko n tɔrɔ ma anebiana.”

2 Kronikɛls 30:18

Amo nɛ amo kikɛ basa na be bedamta nɛ b shi Efrayim nɛ Manase nɛ Isaaka nɛ Zɛbyulɔn be eyiri to na daa maŋ fɔr bumo be amu so daŋkare be ekpa so nseŋ ji kebansonchoŋ be kejigboŋ na ekpa nɛ k maŋ daga so. Ndoŋ nna nɛ ewura Hɛzekaya kule le be kabɔrɛkule ere n sa bumo.

Job be kawɔl 34:19

Ebɔrɛ e to anyi kikɛ kuraa. Mo alɛ maa keni eko a bɔlɔ kenishi a chɔ eko. Damawura ŋko etirpo, ewura ŋko ebɔlpo, kikɛ la kukoŋwule nna ashi mbe anishito.

Job be kawɔl 42:8

Amoso mee sha fanɛ men ta egbolu ashunu nɛ ekpakpa ashunu n ya sa Job nɛ e ta amo n yili men be katelamu to n lara sarga chɔɔso nɛ k beeŋ par ma. Kumo be kaman nɛ ma kayɛrbi Job e kule Ebɔrɛ n sa menyi nɛ n sɔ mbe kekule na nsaa maaŋ naŋ wora menyi kusɔ nɛ k daga menyi ŋkpal menyi be kawuli so. Menyi maŋ malga kusɔ nɛ k daga a laŋɛ ma kaplɛa so fanɛ kananɛ ma kayɛrbi Job bre wora na.”

Nshɛ 25:14

Enyɛnpe Ebɔrɛ, fo nɛ basa nɛ baa ŋana fo bee ji keteri nna. Fo e naa shin nɛ baa pin kɔnɔ naseso be ŋkre nɛ fo nase dra na n sa fo basa na.

Ɛksodɔs 18:17

Ndoŋ nna nɛ Jetro kaŋɛ Mosis le: “Kusɔ nɛ fee wora ere maŋ walɛ.

Ɛksodɔs 4:16

Ɛɛrɔn beeŋ ki dɔɔtɛ m malga n sa basa na n sa fo. Nɛ fo alɛ e baa kaŋɛ mo asɔ nɛ Ebɔrɛ kaŋɛ fo na.

Ɛksodɔs 7:1

Ndoŋ nna nɛ Enyɛnpe Ebɔrɛ kaŋɛ Mosis le: “Keni meeŋ shin nɛ fo yili ma katelamu to n yɔ ewura Fɛɛro be anishito, nɛ fo da Ɛɛrɔn malɛ e malga n sa mo fanɛ anebi.

Jɛremaya 14:11

Kede be kaman nɛ Enyɛnpe Ebɔrɛ na kaŋɛ ma le: “Jɛremaya, sa maa kule ma fanɛ n chɛ basa ere to kikɛ.

Jɛremaya 15:1

Ndoŋ nna nɛ Enyɛnpe Ebɔrɛ na kaŋɛ ma le: “Nɛ Mosis nɛ Samuɛl nɛ b daa la anebiana gba ti fo so nfe a kule ma fanɛ n wu basa ere kuwɔr, m maaŋ nu bumo be kekule nseŋ wu bumo kuwɔr. Amoso shin nɛ Juda be basa e lar ma anishi to a yɔ.”

Jɛremaya 27:18

Nɛ fanɛ ŋ gbagba e daŋ malga n sa anebiana ere, b daa beeŋ baa nyi kusɔ nɛ mee sha kewora na, nseŋ kule ma fanɛ n sa maŋ naŋ shin nɛ bedoŋ e ba ta shuwa nɛ gbiti be asɔ nɛ e ka bɔrɛlambu na to nɛ Juda be ewurkpa nɛ Jerusalɛm be mboŋ nɛ a ka na n yɔ Babilɔn be efuli so.”

Ezikɛl 3:18

Nɛ m baŋ kaŋɛ kumu kpakpasowura fanɛ e beeŋ wu ŋkpal mbe be alubi so, nɛ fo maaŋ fɛa mo so ŋko ji mo asoe to nɛ e lar asheŋ lubi na to m mɔlga mbe kumu, e beeŋ wu ŋkpal mbe alubi so, ama mbe luwu na be turju beeŋ baa bɛ fo.

Ezikɛl 33:8

Nɛ ŋ kaŋɛ fanɛ esa lubi ko beeŋ wu, nɛ fo maŋ fɛa mo so nɛ e chɛrga ashi mbe asheŋ na lubi to nseŋ mɔlga mbe kumu, kumo ere e beeŋ wu ashi mbe alubi na to ama mbe luwu be turju beeŋ baa bɛ fo.

Levitikɔs 6:4

e tɔr ntaŋ nna na. A daga fanɛ kachɛ nɛ e bee lara kewora n jija be sarga na, e bɛta kusɔ nɛ e yuri ŋko m puni ŋko m bante na,

Levitikɔs 6:7

Nɛ bɔrɛmatapo na e ta kumo n lara sarga n sa Enyɛnpe Ebɔrɛ na nɛ esa na e nya ketampaŋ.”

Ashuŋ Shunso 8:24

Nɛ Saimɔn kaŋɛ Pita nɛ Jɔn: “Jande, men kule Ebɔrɛ n sa ma nɛ asheŋ nɛ men malga ere be kekama e sa maŋ wora ma.”

1 Kɔrintebi 14:4

Esa kama nɛ e bee gbar ŋgbar mo nɛ e maa nu, bee chɛ mo nawule be kumu to nna nɛ e yɔ anishito, ama ekama nɛ e bee wu abɔrɛsheŋ to a kaŋɛ bre, bee chɛ asɔri to ebi na kikɛ to nna nɛ b yɔ anishito.

Hibruwebi 1:1

Dra na Ebɔrɛ daŋ bɔla anebiana so nna m malga ale damta ashi ekpa damtaana so n sa an nananyɛnana.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

1 Jɔn 5:16

Esa kama nɛ e wu mo niopibi ka bee wora kulubi nɛ k maŋ la luwu be kulubi, amodoŋwura e kule Ebɔrɛ nɛ e sa mo ŋkpa. Basa nɛ bumo be alubi maa yɛr bumo luwu to na nɛ n de na. Kulubi ko wɔtɔ a yɛr esa luwu to, mannɛ loŋ be kulubi na be kabɔrɛkule nɛ ŋ kaŋɛ fanɛ amodoŋwura na e kule.

1 Samuɛl 12:19

Ndoŋ nna nɛ b kaŋɛ Samuɛl le: “Jande kule Enyɛnpe fo Ebɔrɛ na n sa anyi, saŋɛ na so anyi maaŋ wu. Naniere an pin fanɛ anyi be alubi nɛ an wora na kikɛ be kaman, anyi be kekaŋɛ fanɛ anyee sha ewura na gba la kulubi nna.”

1 Samuɛl 12:23

Nɛ m baŋ yige kebaakule Ebɔrɛ a sa menyi, kumo ere Enyɛnpe Ebɔrɛ na nɛ m maŋ wora kasonu na. Meeŋ ŋini menyi kusɔ nɛ k daga fanɛ men baa wora.

1 Samuɛl 7:5

Ndoŋ nna nɛ Samuɛl kaŋɛ le: “Men tre Israɛlebi na kikɛ nɛ b ba shɛr Mizpa nɛ ŋ kule Enyɛnpe Ebɔrɛ na n sa menyi.”

1 Samuɛl 7:8

Nɛ b kaŋɛ Samuɛl le: “Baa kule Enyɛnpe Ebɔrɛ na fanɛ e mɔlga anyi ashi Filistiebi ere be enɔ to.”