Jɛnesis 20:6 - EBƆRƐ BE KAWƆL

⁶ Ndoŋ nna nɛ Ebɔrɛ kaŋɛ mo ashi edare na to le: “Kashenteŋ, n nyi fo ka wora kusɔ nɛ fo wora na nɛ nfɛra lela, amoso nɛ mee kuŋ fo nɛ fo sa maŋ kaŋ wora kulubi ŋ gbiti ma na.

Jɛnesis 20:6 ပူးပေါင်းရင်းမြစ်များ

Jɛnesis 26:11

Kamalga ere be kaman nɛ ewura Abimelɛk fiɛ basa na kikɛ so ŋ kaŋɛ: “Meeŋ shin nɛ b mɔ esa kama nɛ e tɔrɔ kanyɛn ere ŋko mbe eche.”

Jɛnesis 3:3

ama e yɛ an sa maŋ kaŋ ji kedibi nɛ k yil kakpa ere be nferinto ere bre be asɔrso. E yɛ an sa maŋ beta amo gba kuraa. Nɛ mannɛ aloŋ anyeeŋ wu.”

Jɛnesis 31:24

Kumo be kanyɛso nɛ Ebɔrɛ lar Leeban so edare to ŋ kaŋɛ mo le: “Baa da so nsaa maŋ kaŋ malga kamalga lubi kikɛ ŋ gbiti Jeekɔb.”

Jɛnesis 31:7

Ama men tuto puni ma nseŋ chɛrga ma kakɔka ale kudu. Ama Ebɔrɛ maŋ shin nɛ e nya ma n doro bre.

Jɛnesis 35:5

Jeekɔb nɛ mbe kanaŋ ka lar Shɛkɛm a yɔ nɛ Ebɔrɛ shin nɛ kufu pɛ nde nɛ b bɔla amo ase a choŋ na be basa. Amoso b daŋ maŋ tiŋ n wora Jeekɔb nɛ mbe basa shɛŋ.

Jɛnesis 39:9

Kenimu be kaplɛa so, esa kama maŋ chɔ ma laŋ ere to. N nyɛnpe maa mɔn ma shɛŋ shɛŋ laŋ ere to ama fo nawule nɛ e maŋ ta m bɔɔ ma enɔ, ŋkpal manɛ so, mbe eche e la fo. To, nɛ nuso nɛ meeŋ tiŋ n nya kagbene kpakpaso n wora le be kulubi ŋ gbiti Ebɔrɛ?”

Nshɛ 51:4

Kashenteŋto, fo nɛ n wora n da so. N wora n jija ŋkpal ŋ ka kini kewora fo kasonu so. Amoso k daga nna nsaa walɛ fanɛ fo gberge ma kusoe n niŋi ma ekpa.

Nshɛ 81:12

Ŋkpal loŋ so nɛ n yige bumo n sa bumo be ŋkpensheŋ be kebaawɔtɔ nɛ b wɔtɔ a wora asheŋ nɛ baa sha.

Nshɛ 84:11

Ŋkpal manɛ so, Enyɛnpe Ebɔrɛ na du fanɛ epeŋi nɛ kebɛlso be kusɔ kuŋso nna. Mo e naa wu kuwɔr nsaa ta bunyaŋ a buu esa so, mo alɛ maa ta kusɔ lela a ŋana basa niŋiso so.

Ɛksodɔs 34:24

Meeŋ ju efuli pɔtɛana be basa kikɛ nseŋ kpalga men be kasawule to. Esa kama malɛ beeŋ baa ŋana keta men be nsawule jemanɛ nɛ men yɔ nɛ men ya bunyaŋ ma, men Nyɛnpe Ebɔrɛ na ale asa kafɛ kikɛ to na.

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Aŋasa 6:29

To, loŋ koŋwule na nɛ k du n sa esa kama nɛ e di mo barkasa be eche. Esa kama nɛ e wora loŋ maaŋ paŋ kasogberge kikɛ.

Levitikɔs 6:2

“Nɛ esa wora kulubi nsaa maŋ ji kashenteŋ n sa Enyɛnpe Ebɔrɛ na ŋkpal e ka fule ŋko ŋ ku efɛ n suge mo kurgepo, Israɛl be esa be kusɔ ko nɛ e ta n sa mo fanɛ e yili ŋko n ya yuri ŋko m puni mo barkasa be kusɔ

Matiu 27:19

Pailat daŋ kraa tase demujikpa na nna nɛ mbe eche ta le be kubɔya n shoŋi mo: “Lara fo enɔ ashi kanyɛn na be asheŋ to, ŋkpal manɛ so, e la esa lela nna. Ŋ kaŋ ku mbe edare ndre kanyɛso, n ji awurfoŋ ga.”

1 Kɔrintebi 7:1

To, naniere men shin nɛ n sa menyi asheŋ nɛ men sibɛ ma na be afito. Nɛ esa baa maŋ ta eche, loŋ walɛ.

2 Kɔrintebi 6:17

Amoso ma, Enyɛnpe na e naa yɛ menyi na fanɛ men lara men be amu ashi bumo to a kɔr to. Men sa maŋ kaa beta kusɔ kama nɛ k kɔ eyurpi nɛ n sɔ menyi.

2 Tɛsalɔnikaebi 2:11

Amoso nɛ Ebɔrɛ bee shin nɛ kefoe ekpa be eleŋ ba bumo to na. Loŋ e naaŋ shin nɛ b yirda kusɔ nɛ k la efɛ.

2 Tɛsalɔnikaebi 2:7

Daŋga be asheŋ lubi be kewora na bre teŋ fara, ama asɔ nɛ a beeŋ wora na be eleŋ gbagba maŋ naŋ lar efuli she emo nɛ e bee kuŋ amo ekpa na lar ashi to nna.

1 Samuɛl 25:26

Enyɛnpe Ebɔrɛ na e shin nɛ fo maŋ wora n tal fo doŋana to m mɔ bumo, ama Enyɛnpe Ebɔrɛ nɛ e la ma shɛdajipo na be ketre to, fo doŋana nɛ basa nɛ baa sha ketɔrɔ fo na kikɛ beeŋ nya kasogberge fanɛ kananɛ fee sha kegberge Nabaal kusoe ere.

1 Samuɛl 25:34

Enyɛnpe Ebɔrɛ na e shin nɛ m maŋ tɔrɔ fo na. Ama Enyɛnpe, Israɛl be Ebɔrɛ na be ketre to, nɛ fanɛ fo daa maŋ nya manaŋ m ba nna, ndafanɛ ta n ya ka fo kachipurso nɛ Nabaal nɛ mbe kanaŋ to be benyɛn kikɛ maŋ naa wɔ ŋkpa to.”