Jɛnesis 20:5 - EBƆRƐ BE KAWƆL

⁵ Eebraham gbagba e daŋ kaŋɛ fanɛ Sɛɛra la mo sipoche nna nɛ Sɛɛra malɛ gba shuli m bɛ mo so ŋ kaŋɛ: ‘Mo siponyɛn e la mo.’ Amoso nɛ ma kagbene daŋ maŋ ji ma emɔrɔ fanɛ k maŋ daga ŋ ka ta mo na, ama m maŋ wora kulubi kama ŋ gbiti fo.”

Jɛnesis 20:5 ပူးပေါင်းရင်းမြစ်များ

Jɛnesis 12:13

Amoso, an ka yɔ ndoŋ fo kaŋɛ bumo fanɛ fo la n sipoche nna, saŋɛ na so baaŋ kpal fo so n yige ma nseŋ keni ma so nɛnɛ.”

Jɛnesis 20:13

Amoso, saŋɛ nɛ Ebɔrɛ lara ma ashi n tuto be laŋ to a yɔ nsawule nɛ m maŋ nyi so na nɛ ŋ kaŋɛ mo le: ‘Nɛ fee sha fanɛ fo ŋini ma fo kasha, kumo ere kaplɛkama nɛ an yɔ, fo kaŋɛ ndoŋebi fanɛ fo siponyɛn e la ma.’ ”

Jɛnesis 20:16

Nseŋ kaŋɛ Sɛɛra malɛ le: “Mee ta gbiti be ndarbi kagboŋ ere nna a sa fo da nɛ a baa la shɛda n sa basa nɛ b wɔ menyi kutɔ ere kikɛ fanɛ n wora asheŋ nɛ amo be ekpa so nɛnɛ. Saŋɛ na so nɛ ekama e pin fo ka maŋ wora kulubi kikɛ.”

1 Bewura 9:4

Nɛ feeŋ baa kɔ kasonu n sa ma nsaa ji kashenteŋ fanɛ kananɛ fo tuto ewura Deevid daa du na, nsaa bɛ ma mbra nɛ ma keŋini so bre,

2 Bewura 20:3

“Enyɛnpe Ebɔrɛ, baa nyiŋi kananɛ n shuŋ fo kashenteŋto nɛ kagbene koŋwule so. Ma alɛ wora ania fanɛ meeŋ wora kusɔ kama nɛ fee sha fanɛ n wora.” Kumo be kaman nɛ e shu ga.

1 Kronikɛls 29:17

N nyi fo ka nyi ekama be kagbene. Ma nɛ ma basa nɛ b wɔ nfe ere kikɛ bugi ŋgbene kagbenefuliso nna m bar asɔ ere kikɛ m ba sa fo.

Job be kawɔl 33:9

“Ma ere maŋ wora n jija. Kulubi kikɛ maŋ bɛ ma.

Nshɛ 24:4

Basa nɛ bumo be ashuŋ shuŋso nɛ nfɛra fɛso niŋi ekpa, nɛ bumo alɛ maa shuŋ agbir, ŋko a bɔ ntaŋ a ku efɛ na.

Nshɛ 25:21

Keni ma alelasheŋ nɛ aworbi nɛ a niŋi ekpa so, nseŋ kuŋ ma ŋkpa. Ŋkpal manɛ so, ma tama deŋ fo so nna.

Nshɛ 26:6

Enyɛnpe Ebɔrɛ, n fɔr ma enɔ n lar, nsaa kulti fo bɔrɛsure a bunyaŋ fo,

Nshɛ 7:8

Fo e la durnya kikɛ be demujipo na. Amoso Enyɛnpe Ebɔrɛ, shin nɛ n ji n lar; ŋkpal ŋ kaa bee ji kashenteŋ, a maŋ wora n jija so.

Nshɛ 7:9

Fo la Ebɔrɛ nɛ e bee wora asheŋ nɛ a niŋi nna, a nyi esa be kagbene to nɛ mbe nfɛra to be asheŋ kikɛ. Shin nɛ alubiworapo e yige alubi be kebaawora, nseŋ kuŋ basa lela ashi alubi to.

Nshɛ 73:13

Manɛ be tɔnɔ nɛ n nya ashi ma kebaakɔ nfɛra lela, nɛ kekini kewora asheŋ lubi to bre?

Nshɛ 78:72

Ewura Deevid malɛ daŋ ta kagbene koŋwule n juŋkpar bumo nseŋ wora asheŋ kanyiasheŋ so ashi bumo to nna.

Aŋasa 11:3

Basa lela be kashenteŋji e naa kuŋ bumo. Basa nɛ esa maaŋ tiŋ n yirda bre gbagba be kebirkɔnshi e naa mur bumo.

Aŋasa 20:7

Esa nɛ e niŋi kikɛ be kebaawɔtɔ niŋi nna. Mbia nɛ baa koya mbe asheŋ woraso bee nya nɛfa nna.

Danɛl 6:22

Ma Ebɔrɛ na shuŋi mbe malaika nna nɛ e ba ti ebuluŋ na be nnɔ nɛ b maŋ tiŋ n tɔrɔ ma. Yiramu! E wora loŋ nna ŋkpal e ka nyi fanɛ m maŋ wora kulubi kikɛ so.”

2 Kɔrintebi 1:12

Naniere le be kesheŋ ere so nɛ anyee puchi fanɛ: Anyi be ŋgbene bee kaŋɛ anyi fanɛ an tiŋ ŋ keta anyi be amu nɛnɛ ashi durnya ere to, fɔnfɔŋ anyi nɛ menyi be kebaawɔtɔ be kaplɛa so. Ŋgbene mo nɛ a shi Ebɔrɛ kutɔ a maŋ kɔ kulubi nseŋ niŋi na nɛ an ta n wora asheŋ. Amoso, mannɛ durnya ere be kanyiasheŋ so nɛ an ta n wora loŋ. Ebɔrɛ be kuwɔr be kakɛ so nɛ loŋ be asheŋ tiŋ n wora.

1 Tɛsalɔnikaebi 2:10

Menyi nɛ Ebɔrɛ e la an be eshɛdajipoana. An daa maŋ ta da lubi n tu menyi nɛ men yirda na, anyi be da daa du cheembi a kɔ kashenteŋ nna.

1 Timoti 1:13

Ama e wu ma kuwɔr, ŋkpal manɛ so, ŋ ka daa maŋ yirda na so e shin nɛ n wora kawulisheŋ na.

Joshuwa 22:22

“Enyɛnpetale na nawule e la Ebɔrɛ! Mo nawule e la Enyɛnpe Ebɔrɛ. Mo nawule e nyi kusɔ nɛ k ba nɛ an pɔr bɔrɛsure ere. Anyi alɛ bee sha fanɛ menyi alɛ gba e pin kumo be loŋ nna. Nɛ fanɛ an kini kenu n sa Enyɛnpe Ebɔrɛ na nna ŋko n wora kusoe kpakpaso bre, kumo ere men sa maŋ shin nɛ an ji efute